مشكلتي ام زوجي ساعدوني

[رنا 2012]

هلا بعضوات منتدى كويتيات
مشكلتي مرة تعبانه حالتي النفسيه ياليت صاحبات الخبره تساعدوني
انا وام زوجي متخاصمين مانتكلم ابد والسبه انها اي شي اسويه بسرعه تطلع تقول لجارتنا
ومره سمعتها لماتتكلم عني عند جارتنا ولما نزلت قلت لها قصصي وحكايتي ماابغاك تقولينها لاحد
ومن هاليوم زعلت وصرنا مانتكلم
مشكلتي انه ضيقانه لان نعيش في بيت واحد ومزاعلين في حل غير اني اتااسف لها لاني اذا اتاسفت رح
تكبر المشكله لانها الحين تبغاني اسوي ادنى غلط عشان تكبر السالفه
ولاني ماسويت شي غلط عشان اتاسف مجرد قلت لها لاتقولين قصصي لجيرانا
بس زوجي زعلان لما يشوفنا مانكلم بعض بس انا احاول اكلمها بس هي ماتكلمني ابد
ايش اسوي ...ايش تنصحوني

 

[ناتشوو]

انت قلتيلها لا تقولين سوالفي لاحد
قدام جارتها ؟

يمكن اسلوبج ماكان زين وانت تكلمينها؟شنو نوع السوالف اللي قالتها حيل خاصة يعني؟

شوفي رايج صح انكم تتصالحون والدنيا ماتسوى
حاولي توسطين زوجج بينكم
وبوسي راسها قدامه اذا تخافين من ردة فعلها
وخيركم من يبدأ بالسلام

 

[أكذب عليك]

الله يجزاج خير دامج حابه الصلح
الدنيا ماتسوى وهذي موحماتج او مرت حماج ممكن نقولج احقريها وطاف
هذا مرا بحسبة امج والاولى انتي اللي تبدين بالصلح وتتسامحين منها حتى لو تشوفين نفسج غلطانه
جيبيلج هديه وحبي راسها وتعذريلهااا وحاولي توصليلها شنو اللي حز بخاطرج باسلوب حلووو


وبري فيهااا نصيحه ترى الدنيا تدور وبكرا عيالج يكبرون ويتزوجون واكيد ماتتمنين انه حريم عيالج
يقطعون فيج وعيالج يسكتون..

التسامح بيرفع قدرج عند ربج وعند زوجج وعنده امه
ومنتي خسرانه شي ومثل ماقالت ناتشو الدنيااا ماتسووى

 

[غرام القمة]

اخ بس اخ منكم يا بنات ليتها عايشة لاشيلها داخل اعيوني وعلي راسي
الحمدالله علي كل شي
نصيحة لكل متزوجة الا ام الزوج مهما سوت حطيها بعيونج

 

[ام الحلوااات]

ســلــمــي عـــلــى راســهــا جــــداام ريــلــج
وكــلــمــيــهــا بــااســلـــوووب حـــلـــو
انـــج مـــو حـــابــه ســـوااالـــفــج الــخــاصــه حـــق الــجــيــراان​

 

[بنوته ستايل]

عاااادي ليش ماتأسفين..!!

انتي ماتتأسفين لامج..!!اعتبريها امج سوا انتي غلطانه ولا هي قوليلها حقج علي ماكان قصدي اضايقج بس انا تضايقت لما سمعت سوالفي تطلع برا..

<<عشان خاطر زوجج ..وهي مرا كبيره يعني الحريم الكبار اكسبيهم بالكلمه الطيبه..

وحاولي اسرارج الي ماتبين احد يعرفها لاتقولين لها عن شي..

بس لاتكبرين الموضوع ..

 

[كويتية بروما]

تنقصيلها حنه وطيب وقطعه خام ولا دراعه ودشي بوسي راسها وعطيها الاغراض الدنيا ما تسوى وهي مره كبيره اخديها ع قد عقلها ولا تسولفين خصوصياتج لها خلكم سوالف عاديه

 

[ماني من الناس]

يمكن اهي تفشلت لما قلتليها لا تكلمين عن خصوصياتنا وخذت بخاطرها منج
بس ترا السبب الرئيسي انتي لو ماقلتي لها اشيا جان ماقالت للجيران

خلي علاقتج رسميه معاهم بالكلام سلمي عنهم سألي مو ضروري تدشين بتفاصيل وبالمعامله عامليهم حلو بالهدايا وهيك

 

[ليه الجفآ]

جيبي لها هديه حلوه وغاليه

وقديمها لها بوجود زوجج وتاسفي لها عشان يساعدج ويمكن بعد تستحي منه


موفقه

 

[لمى...]

نصيحة حبيبتي

الزوج مهما بين انه معاج راح يتأثر تدريجيا ويصير يتأثر بأمه لأنه مهما كانت امه فيحقد عليج شوي شوي

ويصدق اي كلمة تنقال عنج حتى لو مو حاس بنفسه .......

رفيجتي جذي خالتها غلطت فيها وريلها يموت عليها وااااااااااااااااااايد زعلت امه على رفيجتي بسبب مشكله رفيجتي مالها اي علاقة بهالمشكلة

ومع هذا دخلتها غصب وزعلت وطنقرت وماتحاجي رفيجتي وريلها يدري انها مو غلطانه ولا واحد بالامية مع هذا لاحظته فيجتي انه دايم

مبوز وتعبانه نفسيته لانه يسمع حجي وحسته قاعد يبعد عنها خافت تخسر علاقتها فيه خصوصا انه يحبها وايد ومستحيل يرضى

احد يتحجى عنها بس غصب عليه يتأثر من التلميحات الخارجية فراحتله رفيجتي على غفلة وقالتله حبيبي عشان عيونك انا بروح حق

خالتي مهما كان هي حسبت امي وببوس راسها وبراضيها .......

وراحت عندها وباست راسها بطريقة انو انا يايتج عشان خاطر عيون فلان وهي استانست وبنفس الوقت انقهرت لأن ريلها

ين من حركتها وقدرها اكثر واكثر وماصار اللي في خاطرها انها تأثر على علاقتهم

وبث

 

[ماتغير شي]

^^^^

ماقصرو البنآإت والله الدنيآ ماتسوى عآدي تأسفي لها

 

[STAR FAR]

الحريم الكبار غرامهم السوالف عن البيت جدام جاراتهم وصديقاتهم وخواتهم ماتقدرين تسوين شي لانه الموضوع بيتكرر اكثر من مرة انتي حافظي على خصوصياتج ولاتقولين الاشيا المحرجة والخاصة عشان ماتنقل عنج شي

 

[بخـــارى]

اول شي اعتذري لها لانها ام زوجج وانتي سنعه وماتطلع منج العيبه

سوالفج لاتطلع عندها علشان لاتتكلم عند الجيران
وسلامتج

 

[Reelax]

والله انا مع ررااي خواتي .. انتي بتاكلينها بعدين لو حماتج او مرة حمااج قلنالج طنشي بس ام الزووج
صعبه حيل حيل حتى لو غلطاانه ..
اعتذري قدام زوجج تراها مستاانسه انج زعلانه وبعضهم يبون الشاره على مرة الولد
تالي الكل بيوقف بصفها . واولهم بتخسرين زوجج

 

[رمانة خضرا]

حبيبتي انتي بالاساس لا تقولين لها اموركم الشخصيه
ادوي بيت واحد واحيانا الكلام يجر كلام بس خلاص الحين ديري بالج
امورج الشخصيه احتفظي فيها لنفسج
واذا على خالتج.... علشان خاطر ريلج اخذي بخاطرها
وبيني حق ريلج ان من كثر ما احبك مابي خالتي تزعل

 

[أم عزيـز]

يا حياتي يمكن ما عجبها اسلوبج وطريقتج لما قلتي لها لا تقولين قصصي لأحد
وانتي معاج حق لما ما تبين احد يعرف اسرارج بس الحريم الكبار لهم طريقة بالنصح
ما يحبون احد يوجهم او ينصحهم بطريقة مباشره
يحبون احد يساحلهم ويجاملهم وبعدين بطريقة غير مباشرة ينصحهم

فإنتي اول شي تسوينه علشان ام زوجج وعلشان زوجج ايبي لها هديه وراضيها وبوسي راسها وقولي لها انتي بحسبة امي وما اقدر ازعل منج ولا ابي ازعلج ومكانج فوق راسي واعتذري منها

وخلي اسرارج بينج وبين زوجج لا تطلعينها لاحد كلش حتى ام زوجج لا تدري عنها وبجذي تفتكين من هالقصه وبنفس الوقت تكسبين ام زوجج وتراضينها وهم تكسبين زوجج

الله يهدي النفوس

 

[غدووور الكويت]

اعتبريها امج واخذي لهاهديه مناسبه ونزلي مع زوجج وقعدي معاها وخلي ولدها بينه وبينها اهو يطلب منها ما اتطلع اسراركم جدام الجيران

 

[PuPa^^SWeeT]

الدنيا ما تسوا

علشان ريلج اللي ضايف خلقه


و علشانها مرة كبيرة ماتقبل الانتقاد ساعات

 

[om MaRyooM]

مادري ليش عندي احساس ان الطريقة والاسلوب اللي قلتيه لخالتج كان غلط

لو كان باسلوب حنون وطيب جان مازعلت منج


نصيحتي لج
دام زوجج متظايق
وانتو عايشين في بيت واحد تروحين لخالتج وتفهمينها اسبابج
مو شرط الاعتذار لأنج ماغلطتي على احد

المهم انها تفهم وجهة نظرج وبوسي راسها وخلاص
وانشالله مافي الا كل خير

 

[ملوكـه]

مثل ماقالو البنات

وبعدين ياشين مناقش الكبار
لاتقول ولاتسوي

تبين تعدلين فيها بعد
هالعمر
مو راده عليج
ورااااح تتحسس