مشكلتي عاشر!!!!!

[كويتيه و اافتخر]

السلام عليكم

بنات انا عندي مشكله بالدراسه و ححيل ضاايق خلقي من هالمشكله

انا الحين ب عاشرر انا ب متوسط ما كنت اجيب امتياز يعني مستواي جيد|جيد جدا

ب ثامن كنت اجيب جيد ف قلت لازم ب تاسع اشد حيلي وشديت حيلي وجبت 89 الحمدلله

و رحت عاشر بس والله العظيم ي بنات من وصلت عاشر مستواي صار ينزل يعني جبت ب الفتره

الاولى جيد و رفيجاتي ما شاء الله نسبهم حلوه انا مستواي صار كل شوي ينزل!!!!

معني الحمدلله عندي مذكرات وكل شي بس صرت ما ادرس كله اقول عادي بعدين بعدين

لدرجه ما صار عندي طموح كلش كلش يعني عادي عندي اتخرج نسبتي 70

مادري شفيني والله تعبت ودي ادرس ودي يكون عندي طموح

انا الحين عندي تلاخيص لكل المواد لاني ما احب ادرس الكتاب

ف بنات بليز قولوا لي شنو اسوي ودي اشد حيلي ما بقى شي ع الامتحانات

و شلون طريقتكم بالدراسه يعني شرايكم ادرس الكتاب ولا التلاخيص!!

واللي كانت ب عاشرر تعلمني شلون قسمت وقتها وجذي

وسوري طولت عليكم :eh_s(2):

 

[مملوحه ومزيونه]

والله انا نفسج حپيپتي پعد شنو نسووي انتي پس ادعي ادعية للأمتحان والاذگار
ودرسي حق اول امتحان وثاني امتحان عشان تفتكين منهم
انا امس بديت بالفيزياء واليووم ادرس انقليزي
والله يعينا ويسهـل علينا
الله يسامحهم معطينه 4ايام بس ندرس حق الفاينل

 

[أم_فلان_الفلاني]

اختي لازم تقنعين روحج اولا بالدراسه

وبعدين اذا تبين نسبه عليه مو شرط تدرسين قبلها

تقدرين تدرسين بيومها هذا اذا عندج اراده

بالنسبه لعاشر يقولون فيها ان النسب منخفضه

فلا تقنعين روحج ان هذا عادي وشدي حيلج

ولما تمسكين الكتاب ما تهدينه الا اذا درستي كله

والمذكرات والملخصات راجعي فيهم

والله يوفقج