السلام عليكم يابنات شلونكم وشخباركم مشكلتي اني متينه ليش المتن بنظر المجتمع سخريه وطنازه وضحك والمشكله ان الموضوع يلحقج من الشارع لي بيتكم يعني بالبيت اهلي دايما يعيبون علي وعلى ملابسي وويهي يقولونلي جيكره متنيه تكرمون جوتييج بينشق ومن هالحجي في ناس تشوف الحجي يضحك بس بالنسبه لي يجرحني حيل حيل واقعد ابجي من القهر مرات انحط بنص القعده علشان يتطنزون علي وعلى جسمي المشكله ان هالشي يأثر عالنفسيه والثقه بنفس الوقت والاحراج لم يصير هالشي يدام ريلي يعني يعيبون علي وريلي يعصب الانه مايرضى علي بس مايقدر يقول شي الانهم اهلي يابنات شسوي بهالمشكله انا مااذم اهلي حشى والله انا احبهم واهم يحبوني بس لم يتغشمرون وياي يجرحوني ولم اكلمهم يهاوشوني ويقولون شنو يعني انتي ماتتحملين القشمره بس والله في فرق بين القشمره والحجي الي يجرح اقولهم قشمرتكم وايد تجرح ودفشه يعصبون وانا ماادري شسوي ونفس الوقت مابي اصير ارقوز القعده علشان المتن هذا كله يصير فيني انا طولي 162 ووزني 80 حاليا من بعد رجيم قاسي وصلت هالوزن
ماادري شسوي عطوني رايكم يابنات
