مشكلتي في استرداد التاكس فري بفرنسا

[shai5at_elbanat]

السلام عليكم
ياليت تفيدوني بنات بمشكلتي واهي اني اول مره ازور دوله اوروبيه وما اعرف حق نظام التاكس فري فطلعت البوردينق ودخلت كل جناطي وعقبها رحت لمكتب التاكس ريفاند اللي بالمطار اوريهم ابليكيشن التاكس فري ولا يطلبون الاغراض اللي شريتهم قلتلهم انهم بالطياره قالولي سفاره فرنسا اللي بالكويت ولمن وصلت الكويت ودقيت على السفارره قالولي ما نسويها شالحل بنات اللي تقدر تفيدني يجزاها ربي ألف خير ​

 

[العز بنت ابوها]

الي اعرفه ان التاكس فري

لما تجيبين لهم الابلكيشن بالمطار لازم تكون معاج الجناط

بدون الجناط يسقط حقج

اذا كان المبلغ الي راح يطلع لج من التاكس فري واجد

اجل ماكو الا تسافرين فرنسا مرة ثانية​

 

[شموع & دافئه]

وى حسافه

راحت عليج
ان شاء الله مو بس وايد
لان احنا تشرينا من باريس هالصيف وايد اغلبها من البوتيكات
فوق ال5 الاف كويتى
لمن طرنا من المطار ويانا التاكس قالولنا ما تستردون المبلغ الا باخر محطه يعنى بالمانيا
ويمعناهم كللهم
وهم تشرينا من المانيا اللى صار نفس سالفتج
بس المشكله مع الالمان غير
كانت ويانا كل الجناط فقال لنا الضابط هناك يالا الحين على كل فاتوره طلعوا لنا اللى معاكم بتاخذونه داخل الطياره واللى بالشحن
وصارت مشكله كبييييره وقام يقط علينا حجى بالالمانى وتسفل فينا
انا بس بقنعه ان كل اللى شريتهم بالشحن واللى بالطياره بس الاحذيه الماركه
الله وكيلج على كل فاتوره سوالنا سالفه
يالله يانا واحد سورى عايش بالمانيا وقام يساعدنا ويترجم له ويدبس معانا الفواتير
حسبى الله عليهم وعلى معاملتهم ما يطلعون الفلس الا بطلعة الروح
بس ما خلينا له شى ساعه وياه ليما طلع لنا مبلغ محترم
انتى عاد المفروض قبل لا ياخذون الجناط جان مخلصه التاكس وياهم
بنات سالواوعرفوا عدل قبل لا يستعبطون عليكم ويربحون من وراكم
التاكس من حقكم لازم تفهمون وتسالون قبل اول ما تدشون المطار

والله يعوض عليج حبيبتى

 

[ام ساري الحلوة]

رد : مشكلتي في استرداد التاكس فري بفرنسا

وي بسفرتنا العام

ردينا من ميوونخ

طلعو لين قروون الا يبونا نطلع اغراضنا الي بالشحن

طيب حنا وديناهم الا يبون يشفونهم

لحد ما شاف زوجي فلبينية تشتغل ضابطة هناك وكلمها بالتقالووو وفرحت هههه

تكلمت ويا الضابط وقالت له انها شافت الاغراض ووقعت على الاوراق

بعدها رحنا استلمنا فلوسنا عادي



اما السنين الي طافت كنا نعبي الابليكشن ويرسلون لنا المبلغ على حساب الفيزااا

راسليهم حبيبتي وارسلي لهم رقم حسابك يحولون لك المبلغ

 

[كريستال]

رد : مشكلتي في استرداد التاكس فري بفرنسا


فرنسا لااازم يشوفون الاغراض

بعض الدول تتغاضى الا الفرنسيين

 

[Om_Ksha]

احنا كنا خايفين من هالنقطه لانه قالو انه لازم يفتشون الجناط فقمنا ودزينا الجناط قبلنا عند مكتب شحن خاص واهما سوو لنا التاكس وهم خذو حساب شحن الجناط منه .. بس والله طلع لنا مبلغ محترم .. وما كنا ناوين نسوي لانه مالنا خلق لويه !!

 

[LA TROO7]

انا سوويتهاا عادي قال وين الاراض قلت بالجناط وكانت الجناط بعيييييييييييييد بس اشرت عليهم وعطاني الفلوس بكل سهوله

تراا مرات على حسب النفسيات

 

[shai5at_elbanat]

مشكورين بنات على مروركم ما قصرتوا الظاهر راحت علي فلوسي والله انهم تقريبا 700 دينار بس يالله الواحد يتعلم والله يعوض علي
ارد واكرر شكري لكم بنات على افادتكم والله يجزاكم خير​

 

[قـہۈه فـرنسيـہ™]

بمطار شارل ديغووول نفسيات ... يعني علووونا يبون يشوفون الأغراض ولما جبناهم بس طل عليهم وراح حتى ما فتش عدل ...

ومره ...ماطلبواا الأغرااض ولا شي ...

بس الأهم لازم قبل لا تقصين البووورد


لأن حراام يرووح عليج مبلغ حلووو

 

[غديران]

رد : مشكلتي في استرداد التاكس فري بفرنسا

هلا والله حبيبتي

أنا توني رادة من باريس

مطار شارديغول

ما فتشوا ولا شي

بس لما عطاهم الأوراق

سأله الموظف الأغراض معاك

قاله إي

ومشالنا المعاملة

عادي


الله يعوض عليج حبيبتي

 

[العنود 99]

رد : مشكلتي في استرداد التاكس فري بفرنسا

مثل ما قالوا على حسب النفسيات
انتي اول ما تروحين المطار تخلصين اجراءات التاكس ويختمون على الورقه وعقب تروحين بجوازج والاوراق المختومه
بس غالبا ما يفتشون الشنط الا اذا كان مجوهرات لازم يشفونه
احنا العام جا معانا رجال من كارتير ومن شوبارد لان الساعات غاليه ولازم مندوب من المحل
واي قظعه تشترينها لو المندوب مب معاكم خليها دايما في الشطه يدج بالفواتير
والله يعوض عليج ان شا الله

 

[عيش و مرق]

خلاص راحت عليج

لازم بمطارهم تونا رادين وسوينا التاكس بلمطار وسهاله بس اهم مرات يعاندون