مشكلتي في العمل..

[*عزة نفس*]

السلام عليكم بنات..
باقول لكم مشكلتي باختصار حتى لاتملون مني..
أنا عمري 30سنة ودخلت ال31..
المهم من بعد ماكنت أنتظر نصيبي ومتلهفة على الزواج متى ومتى ومادري أيش..قلت خليني أشتغل ,استفيد من وقتي..
وفعلا الله وفقني واشتغلت بمكان أحلم أشتغل فيه من زمان لأني أحب الكمبيوتر والشغلانة هذي فيها كمبيوتر ,انا اجتماعية لذلك صارت وظيفتي حلوة..
إللي هي موظفة استقبال في مستوصف أهلي..

في البداية كنت مستانسة وطايرة من الفرح إن الفراغ إللي أني عايشة فيه اختفى وإن راح يكون لي راتب أشتري فيه اللي خاطري فيه تقريبا180دينار كويتي..وأنا قنوعة ولله الحمد وهال180تكفيني الى شهر وشوي لأن الى الان ما أعرف الماركات وذكية في التسوق..ما ينلعب علي..
المهم أنا قربت أكمل سنة معاهم شهر6/2012 ينتهي عقدي معاهم ومترددة أكمل بسبب المشاكل اللي حصلتها منهم..
ك
ل يوم يطلعون لنا بفكرة غريبة والمدير يفرق في الدوامات..المتزوجة لها دوام والغير متزوجة تشتغل إلى 10ونص الليل..هو احنا نشتغل دوام المتزوجين صحيح 9خالصين لكن..المتزوجة ماتكمل إلى 10ونص..

غير كدا شهر رمضان كله من7ونص المغرب الى1ونص بالليل بالدوام..
مع ان مافي شي في قانون مكتب العمل ان المتزوجة لها دوام خاص فيها..صرنا مظلومين احنا العزابية بسبب هالنظام..
وغير كدا يعرفوا ان طاقم الاسنان الطبي يبيني المشرف مابيرجعني مرة ثانية ويحطم فيني حتى شكيت للمدير اسلوبه مرة من المرات..جيت أتدرب على شغلانه قال لي:يابابا روحي الاستقبال..قهرني وزعلت..

مشاكل وايد عندنا في العمل مو مشجعتني أواصل زيادة على عقدي حدي نهاية شهر6وخلاص..أمي تقول لي اخدي اجازة وتالي واصلي..وأنا مو قادرة..كم مرة أفكر أترك العمل بسبب سوء النفسية
احنا ولله الحمد ماديتنا زينة بس علشان لا أزهق والكل في عايتنا لاهي بحياته..
مرات اقول اخذ خيره ومرات اقول احسم الموضوع وانتظر لشهر6 ان شاء الله يمكن في شي يتعدل خلال هالفترة..

هالفترة أحسن كأني أنحت في الصخر من النفسية والتعب الجسدي ..
شوروا علي اتظر ردودكم..

 

[Tom ♥ Jerry]

.


اب اب لي باك

 

[صدع القلب]

مرحبا فيج اختي

زين سويتي خذيتي خطوة العمل لأنها وراح تشغل وقتج و تخليج تعتمدين على نفسج ماديا

و بالنسبه للتفرقه بين المتزوجه و الغير متزوجه " هذا بأي قانون " بالذات اذا كانت الرواتب و المسميات متساويه ، الشغل شغل و مافيه فرق بين متزوجه و غير متزوجه إلا وفقا للقوانين ... ولازم تكلمين المسؤول و تنبهينه حق هالشي و يختار بين ثلاث خيارات :-

1- يا انهم يساوون بينكم بأوقات الحضور و الانصراف.
2- يا يزيدون مرتباتكم عالوقت الزايد اللي قاعدين تشتغلونه .
3- يا يصير فيه طريقه ترضي الجميع يعني اذا اهم بيطلعون قبل الوقت إذن انتوا لازم يبدي دوامكم متأخر بحيث كلكم تشتغلون نفس العدد من ساعات العمل "عني اذا الدوام الرسمي يبدي 7 انتوا اتداومون تسع مثلا و اهم يشيلون عنكم الساعتين اللي ببداية اليوم و انتوا تكملون الساعتين اللي بنهاية اليوم و كذا " اتمنى وصلت الفكره :eh_s(10):

أما بالنسبه لأوقات العمل بشهر رمضان " هذي للأسف سياسات القطاع الخاص " و لازم اتحملين ، فكري انها كلها شهر و ينتهي الموضوع ، الله يعينج

وغير كدا يعرفوا ان طاقم الاسنان الطبي يبيني المشرف مابيرجعني مرة ثانية ويحطم فيني حتى شكيت للمدير اسلوبه مرة من المرات..جيت أتدرب على شغلانه قال لي:يابابا روحي الاستقبال..قهرني وزعلت..

عذريني هني ما فهمت شنو تقصدين ، اللي عرفته انه الاسلوب اللي تكلم فيه المشرف معاج ضايقج ، و بالعمل صدقيني إذا ما خذيتي حقج بنفسج محد ياخذه لج ، أذا انتي صاحبة حق و مو قاعده تسوين شي غلط دافعي عن نفسج و لا تسمحين حق اي شخص يطول لسانه و لا يقلل من احترامج مثل ما اهو يشتغل بأجر إنتي بعد تشتغلين ، الاحترام واجب عالكل و اذا احد كلمج بطريقة " بابا و ماما و ما ادري شنو " وقفي عند حده أو ردي عليه بنفس اسلوبه و قولي عفوا يا بابا بخلص الشغل اللي بإيدي و بعدين اروح .... " صدقيني في ناس ما تمشي إلا بالعين الحمرا :eh_s(14):"



عموما قبل لا يخلص العقد لازم إتاكدين إذا اهم عندهم نية يجددون العقد معاج و متمسكين فيج كبداية ، بعدين لازم تفرضين شروطج بحيث اتحسن ظروف العمل اللي مضايقتج أو تقدرين بهذي الفترة اتدورين على عمل ثاني بهدوء .


و الله يكتب لج اللي فيه الخير :eh_s(17):

 

[Patcholli]

قبل لا ينتهي عقدج حاولي تدبرينلج مكان ثاني تشتغلين فيه شركه خاصه او بنك

 

[لمى الهاجري]

تفاهمي معاهم وبعدها كملي شغل

 

[sereen 2]

لازم تلاقي حل هذا ظلم وقانون من راسهم

 

[sereen 2]

مووووفقة ابحثي وظيفة ثانية

 

[طموح لايتوقف]

أستتخيري حياتي
وموفقه في حياتك والله يرزقك الزوج الصاالح عاجلا غير آجلا

 

[ليه الجفآ]

استخيري

وانا مااشتغل بس ان شاءالله ربي يرزقني بوظيفه اللي تشغلني ادعيلي

اللي بقوله ان في نظرتي مافيه مجال مافيه مشاكل وتختلف طبعا

موفقه​

 

[معزوفة عشق&]

حبيبتي تعلمي شي خليه قاعده مهمه في حياتك
( الاستخـــآآآآآرهـ )
في كل امورك استخيري, كل ماحسيتي بتشويش بعقلك استخيري ,خايفه من شي استخيري, ولو فيه خير ربي من سابع سماه بيكتب لك الخير وبيسر لك امرك
وبعدين حطي في بالك في اي محيط عمل لا بد من وجود مشاكل والا ماتلاقين لها حل سواء لصغيرها او كبيرها
ومن كل مشكله تتعلمي درس صدقيني ..
انتي كل اللي عليك تسوينه تستخيرين ربي ومن خلال هالفتره الى ماينتهي العقد دوري واسالي اذا كان في شغله احلى وانسب وارقى منتي خسرانه شي ..بس لا تستعجلين في العجله الندامه ..

والله يوفقك ويحقق لك مناك ,,,

 

[غراوي]

والله ماكو دوام مريح كلنا تعبانين ومتحملين عشان لقمة العيش
انتي خليج بهالزوام وبنفس الوقت دوري لج دوام ثاني ةاذا لقيتي شي مناسب لج غيري العمل
وربي يوفقج

 

[فخر البداوه]

الله يوفقج حبيبتي ويسر لج اموووووورج 

 

[عادت ذكرياتي]

ما ندم من استخار الخالق ...

 

[سآق نملة]

استخيري ي قلبي ..

عسى الله يوفقج وييسر لج كل خيرر

 

[* ليــــدي *]

ترى الدوآم مهمآ كانت مشاكله الا انه يرفه عن النفس ..
الدوام بمشاكله افضل من القعده في البيت ..
دوآمي كله مشآكل والمسؤول انحيآزي بشكل كبير وكذلك يفرق بين المتزوجه والغير متزوجه ..
المتزوجه تبصم وتطلع والغير متزوجه تلتزم غصب بالدوام !!
بس شنسوي ..

ابحثي عن دوآمي ثآني لكن لاتطلعين من هذا ..
واستخيري

 

[*عزة نفس*]

هلا حبيباتي..مشكوين على الردود الحلوة اللي تبرد القلب..

المشكلة انا انتظر الوظيفة الحكومية وتعرفين مادري متى تطلع لنا..وغير كدا الشركات الخاصة بعيدة عن منطقتنا ساعة أو نص ساعة وغير كدا الرواتب تروح عالسواقين..

اما بالنسبة للمشرف على اساس ان هو يشتغل معانا تطوعي لكن مشاكل وايد صايرة من ورا قراراته وخططه..
وأنا كم مرة لمن يقول لي يابابا أرد عليه ما أخليه لأني ماحبه بس مع احترام لنفسي تعرفين البنت اللي في بيئة محافظة وتشتغل مختلط محسوب عليها كل تصرفاتها..

الشي الثاني أنا لمن أطلع من الشغل وهو شاغل8ساعات من وقتي هذا مو قليل لأن أفكر مو بالراتب أفكر بالفراغ وإن مثل ماقلت لكم الكل لاهي بحياته..عالاقل أنا مشغوله بمشاكل العمل..

لكن أنا خلاص كارهته مو قادرة أتحمل وهم شكلهم مو ناويين يجددون العقد وأنا بعد..
صايرة أتحمل ضغط واجد واليوم شوي وأصيح من الزحمة...

موفقين يارب..

 

[*عزة نفس*]

اب
اب علشان تقرون مشكلتي..

 

[قلبي وينك]

انا كنت اعاني بمشااااااكل وايده بدوامي لان ما خلاص لاعت جبدي من القهر والزعل والعصبيه بس مشكلتي انا اني ما دبرت لي مكان ثاني اروحله وانا بصراحه ندمانه لاني تركت شغلي وما رتبت شغل ثاني والحين انا قاعده ادور والله يعينا ان شاء الله
بس بقولج شغله وحطيها حلق بذنج انج لو حصلتي شغل ثاني راح تلاقين مشاكل بختلاف ظروفها ونوعيتها بس الواحد دوم يكون طموح للفرص الجديده بحياته وانا انصحج بقوه انج تشدين حيلج وتدورين وظيفه ثانيه واذا ما حصلتي بالنهايه راحتج اهم ولا تحملين نفسج ما لا طاقه لهاااااااااااااااا

 

[*عزة نفس*]

اب علشاني

 

[al-musk]

اول شي استخيري وهم دوري مكان ثاني واذا ماحصلتي قبل لاتوقعين العقد اتفقي معاهم يعدلون سياستهم وما يفرقون بالشغل

واعتقد الحين صار عندج خبره ففرص العمل بمكان ثاني صارت اوسع

عسى الله يوفقج