مشكلتي في شكلي ومظهررررررررري!!!!

[ريووومي]

السلام عليكم يابنات احلى منتدى
هالمنتدى اللي خلاني اهد كل المنتديات:fun:
ماشاء الله عليكم هاذي كلمة حق لازم تنقال في عضوات هامنتدى واااااااايد تحسون في بعض وتوقفون ويا بعض واااااااااااااااايد تشجعون بعض وتفاعلكم في كل الاقسام وااااااايد وايد حلو!!!!!!
بنات ابيكم تساعدوني انا هارفه اول خيط فالحل بس للحيل مب عارفه اضبط اموري .
دايم يقولون اول خطوه فالحل هي الاحساس بوجود المشكله
تدرون شنهي مشكلتي .....؟؟؟؟ البدي لانقوج لغة الجسد يابنات انا واااااااااااااااااايد لي هيبه وشكلي رزه وكله ينقال لي انتي بنت شيوخ؟؟؟؟ بس عطيني يومين ثلاثه اندمج مع الناس وعشريه وخدومه وصادقه بس فجأه الناس تتغير علي
قالوا السر فالابتسامه تملك القلوب وحبب الناس فيج والله ابتسم بس مافي فايده ؟؟؟
بتقولون غريبه ادري اول مالناس تشوفني تنجذب لي بعدين هذا كله يرووووووووح
كل ماانتقل وظيفه اعاني سنه او اكثر من هالمشكله؟؟؟
حد يعرف شلون ابرمج لغة الجسد لمصلحتي وعشان الناس تحبني وترتاح لي؟
والله بنات انقهر اشوف ناس فالدوام عقار وحش فالجميع ومحبوبييييييييين وانا اللي ادافع وما ارضى عالناس ينقابون ضدي؟؟؟؟؟:nocommint:
وااااايد هالمشكله ماثره علي تخيلوا حتى فموضوع الزواج كله من يشوفوني يقولون ما ارتحنا لها او شكلها قويه؟؟؟؟؟؟

 

[T R F]

رد : مشكلتي في شكلي ومظهررررررررري!!!!

ثقي إذا حبيتي نفسك ووثقتي من ذاتك

بتفرضين على الناس اللي حولك هالشي ... كوني واثقه من نفسك

النت ... راح تلاقين فيه ... شغلات تفيد لغة الجسد ...

وبالتوفيق لك ... وحياه سعيده لك

 

[ام الدرر]

دخلي دورات البرمجة اللغويه
الطاقة السلبية والايجابية
نصيحة سوي بحث عن دكتورة ليلى الربعي تعطي دورات بالخصوص
وايد يمدحونها اذا تبين رقم تليفون المركز انا حاضرة

 

[QT]

رد : رد: مشكلتي في شكلي ومظهررررررررري!!!!

انا مثلج
بس انا مو حلوه
طيبتي هي اللب محببة الناط فينيال
محببه الناس فيني

انا مضايقه حيل

لدرجةة
اني ابجي بيني وبين نفسي
واقعد بروحذ
بروحي

 

[~LiBrA~]

رد : مشكلتي في شكلي ومظهررررررررري!!!!

حبيبتي هم اعتقد منى الغريب تعلم شلون تتحكمين بحركات جسمج

انا والله ماعرف بس اذا حاسه انج لما تكونين على طبيعتج الناس ماترتاحلج انتي اشعليج بالناس

يعني ماعندج رفيجات ورفيجاتج شلونهم معاج شنو يحسون؟؟؟

 

[ما كو اسم]

السلام عليكم يابنات احلى منتدى
هالمنتدى اللي خلاني اهد كل المنتديات:fun:
ماشاء الله عليكم هاذي كلمة حق لازم تنقال في عضوات هامنتدى واااااااايد تحسون في بعض وتوقفون ويا بعض واااااااااااااااايد تشجعون بعض وتفاعلكم في كل الاقسام وااااااايد وايد حلو!!!!!!
بنات ابيكم تساعدوني انا هارفه اول خيط فالحل بس للحيل مب عارفه اضبط اموري .
دايم يقولون اول خطوه فالحل هي الاحساس بوجود المشكله
تدرون شنهي مشكلتي .....؟؟؟؟ البدي لانقوج لغة الجسد يابنات انا واااااااااااااااااايد لي هيبه وشكلي رزه وكله ينقال لي انتي بنت شيوخ؟؟؟؟ بس عطيني يومين ثلاثه اندمج مع الناس وعشريه وخدومه وصادقه بس فجأه الناس تتغير علي
قالوا السر فالابتسامه تملك القلوب وحبب الناس فيج والله ابتسم بس مافي فايده ؟؟؟
بتقولون غريبه ادري اول مالناس تشوفني تنجذب لي بعدين هذا كله يرووووووووح
كل ماانتقل وظيفه اعاني سنه او اكثر من هالمشكله؟؟؟
حد يعرف شلون ابرمج لغة الجسد لمصلحتي وعشان الناس تحبني وترتاح لي؟
والله بنات انقهر اشوف ناس فالدوام عقار وحش فالجميع ومحبوبييييييييين وانا اللي ادافع وما ارضى عالناس ينقابون ضدي؟؟؟؟؟:nocommint:
وااااايد هالمشكله ماثره علي تخيلوا حتى فموضوع الزواج كله من يشوفوني يقولون ما ارتحنا لها او شكلها قويه؟؟؟؟؟؟

اشعليه لغة الجسد . الناس تنبهر فيج اول شئ بعدين خلاص يتعودون عليج في غيرج يجي ( ما في الا انتي )

والدوام خليه على كتر.......... ما يحبونهم يخافون منهم فيحاولون يكسبونهم وانت ما منج خوف

الزواج قسمه ونصيب اذا جا محد موقفه ...انت بالدوام وشايفه اذا الريال يبي الوحده ياخذها لو شايفها حتى بحضن غيره

 

[tt2tt]

رد : مشكلتي في شكلي ومظهررررررررري!!!!

نفس حالتي في ناس ماتحبني ولاتحب تتكلم معي والله انا اجتماعيه واضحك واسوولف بس الناس ما تتقرب مني حاولت بس تعبت

 

[MoonDiamond]

والله انا مو فاهمه شنو قصدج بالضبط
لكن نصيحه لج حبي نفسج وااااااايد الناس يحبونج

 

[جروح خالده]

رد : مشكلتي في شكلي ومظهررررررررري!!!!

يعني يشوفونج مايحبونج ؟.؟


انا عكسج اول شخص يشوفني يقولي جنج مغروره وشايفه نفسج وعصبيه بس من تبدي تتكلم معاي تتغير نظراتهم

شوفي حبيبتي ..

شكلج صريحه عشان جذي مايحبون صراحج او انسانه واقعيه حاولي تكونين رسميه معاهم مواي شي ينقال لهم

 

[سنفوره كويتيه]

رد : مشكلتي في شكلي ومظهررررررررري!!!!

يمكن اذا دشيتي دورات تنحرجين

انا انصحج تروحين مكتبة العجيري

الي بحولي جدام النقرة الشمالي

والله كتب اشكثرررررررر اخذيلج جم واحد واقريهم راح تسفيدين منهم

 

[مستشارةاجتماعية]

رد : مشكلتي في شكلي ومظهررررررررري!!!!

شوفي اختي ..

شي حلو منج انج واثقه من نفسج .. وعارفه انج على صح ..


لكن .. المشكله الحين هي في تغير الناس ..


السؤال الحين .. ليه تغيروا .. وليه تغيرت نظرتهم ..

انتي لازن تقعدين مع نفسج وتتأملين وتتذكرين المواقف اللي بعدها تغيرت نظرتهم ..

والاحسن لو كتبتي هالاشياء ..

مثلا بالجامعه .. فلانه كانت معاج اوكي وفجأه تغيرت .. زين متى ؟ وشنو الموقف ؟ تذكري واكتبي ..

بالدوام .. فلانه وفلانه .. متى تغيروا وليه ..

بالعايله والجيران و و و ...


اجمعي كل هالاسباب .. وقتها راح تعرفين ..

مو شرط الناس يكونون غلط ؟

يمكن انا او انتي الغلط .. يمكن اهما شافوا فيج شي ماعجبهم .. فما هو غلط انج تتعلمين من أخطائج وتصلحينها وتتداركينها ..


ويمكن .. هم الغلط .. واهني حاولي تعرفين وين المشكله .. وحاولي تتفادينها ..

ممكن انتي صريحه وايد .. حاولي ما تواجهينهم باخطاؤهم بسرعه او من اول موقف ..

يمكن انتي تحبين لهم الخير وتبينهم يتركون اشياء غلط .. حاولي تغيرين الطرح تتغير النتيجه ..

وجذي ..


لكن الاهم .. تأكدي انج ما غلطتي .. بعدها .. توكلي على ربج وكوني واثقه منه .. وبإذن الله ربي بيسهل كل امورج ..


تحيتي لج ..
واي سؤال انا بخدمتج ..
ارسلي لي ..

 

[غير كل الناس]

حل لسانك تصير كل الناس خلانك

 

[غزلان]

سولفي عدل عشان افهمج

 

[bitter-sweetness]

حل لسانك تصير كل الناس خلانك

اي والله خلي على لسانج الكلمات الحلوه
في موضوع بقسم تطوير النفس يعلم هالمفردات
و ثقي بنفسج
و فكري بالكلام قبل لا تقولينه و فكري بتأثيره على اللي جدامج

 

[bride collection]

ادعي الله ان يحبب الناس لج

 

[honey moon]

رد : مشكلتي في شكلي ومظهررررررررري!!!!

مالا علاقه لغه الجسد تاثر بالانطباع الاول اما بعدين اتوقع من سوالفج اما ان سوالفج ممله او مثاليه وايد بكل الاحوال مو ضروري كل الناس تحبج المهم انج تحبين روحج

 

[FeShinGoOo]

رد : مشكلتي في شكلي ومظهررررررررري!!!!

حبيبتي يمكن عيبج انج صريحه وايد ومثل ماقلتي تقولين كلمة الحق
وفي ناس ماتبي كلمة الحق وتكش منها
مشكلتج مثل مشكلتي حقانيه ومارضى بالغلط لو على حساب نفسي
بس اكتشفت ان هالميزه في مجتمعنا مذمه وصفه مكروه تزعل الناس وتبعدهم عنج

 

[๓iṧṥ alŽάiη]

رد : مشكلتي في شكلي ومظهررررررررري!!!!

والله العظيم نصيحة مني ...أذا أنتي عارفة نفسج أنتي شنو ...وواثقة من عمرج ..ماعليج أذا الناس كللللها أوووقفت ضدج ...والله ماعلييج منهم ..

أهم شي أنه ربج أهو الوحيد أللي عارف أنتي شنو ..وشنو بنيتج وقلبج ...هذا أهم شي ..الناس عرفوا ما عرفوا كييفهم بطقااااااق والله ...

الله أهو أللي بيحاااسبج ...مو الناس ..الناس منو أهم عشان يحاسبوونج ...!!

وبسسسسسس ..

 

[حرم يوسف بيك]

رد : مشكلتي في شكلي ومظهررررررررري!!!!

والله العظيم نصيحة مني ...أذا أنتي عارفة نفسج أنتي شنو ...وواثقة من عمرج ..ماعليج أذا الناس كللللها أوووقفت ضدج ...والله ماعلييج منهم ..

أهم شي أنه ربج أهو الوحيد أللي عارف أنتي شنو ..وشنو بنيتج وقلبج ...هذا أهم شي ..الناس عرفوا ما عرفوا كييفهم بطقااااااق والله ...

الله أهو أللي بيحاااسبج ...مو الناس ..الناس منو أهم عشان يحاسبوونج ...!!

وبسسسسسس ..

اتفق معاها بالراي

 

[يادنيا ارحميني]

رد : مشكلتي في شكلي ومظهررررررررري!!!!

حتى انا مثل كلام الاخت ๓iṧṥ alŽάiη ..
وماعليج من كلام الناس .. وخليج واثقه من نفسج..
ومثل ماقالت الاخت๓iṧṥ alŽάiη .. منو بيحاسبج ربج ولا الناس؟؟
موفقه حبيبتي ..الله معاج..