مشكلتي معقدتني ببجي منها

[امراة اريام]

سلام بنات
انا بتاسع وعندي مشكله مخرعتني من الحين من السنة الياية
الانجليزي عندي يفشل مواقفي تفشلني تبجيني
امي بغت تدخليني المعهد البريطاني بس ماقدرت لظروف خاصه
يعني ابي احسن الانجليزي قبل الثانوية
شسوي بنااات
ساعدوني محد يقدر يوديني معهد او شي على الله وعليكم
ترى ماعندي اخوان فماعندي الا انتو

اسفه اذا ماوضحت عدل بس قاعده اكتب ودموعي بعيني

نصيحه للامهات اذا تقدرون تدخلون عيالكم خاص قبل الحكومة دخلو ترى بيتعقدون بعدين

 

[حرم القيصركمودس]

رد : مشكلتي معقدتني ببجي منها

والله ماادري النت مايفيد واااايد صراحه
اب
اب

 

[ROoONY]

رد : مشكلتي معقدتني ببجي منها

حبيبتي يبيعون كتب تعليم الانجليزي بالمكاتب واايد مفيدة

انا شفتهم بمكتبة جرير بحولي ومكتبة السنافر

 

[حرم القيصركمودس]

رد : مشكلتي معقدتني ببجي منها

مااعتقد الكتب تفيدها لازم تتكلم القراءة بس ماتفيد لازم تتطلم وتكتب وتقرى
واذا ماشيه على الحكومة والمدرسة
يعني ماعندج ولا واحد

 

[Miss McDonald]

رد : مشكلتي معقدتني ببجي منها

.

دشي دورآت بالصيف وتعلمي وآقري وتابعي افلآم ..

وبالتوفيق =)

 

[* joory *]

قوهـ ..

أممممممم ,,

اقدر اساعدج .. لأني شاطره بالإنجليزي ..

بس انتي قوليلي الأشياء اللي مو عارفتها ,,

وان شاء الله راح اساعدج اول بأول



اذا تبين ايميلي راسليني بالخاص عشان نتواصل اكثر

 

[امراة اريام]

رد : مشكلتي معقدتني ببجي منها

.

دشي دورآت بالصيف وتعلمي وآقري وتابعي افلآم ..

وبالتوفيق =)

مااقدر اطلع من البييييت
مااقدر

قوهـ ..

أممممممم ,,

اقدر اساعدج .. لأني شاطره بالإنجليزي ..

بس انتي قوليلي الأشياء اللي مو عارفتها ,,

وان شاء الله راح اساعدج اول بأول



اذا تبين ايميلي راسليني بالخاص عشان نتواصل اكثر

مشكوووووورة حبيبتي
انا مو عارفه اكتب يعني كله بدليات
اذا لقيت كلمة طويله مااقراها لان مااعرف و اخاف اتكلم

 

[* joory *]

أممممممممم

اوكي عطيني مثال كلمه ما تعرفين تقرينها

 

[ريا&سكينة]

انا عاد ودي ادش دورات لأني آخر سنة ان شاء الله وضروري قبل الجامعة و امتحاني القدرات بس انجليزي و انا احب الانجليزي بس مو قوية فيها ابي ارطن فيها ياريت حتى انا يفيدوني بس ماعندي مانع ادش دورات بس ابي دورة مضمونة مو ماتفيدني

وup وان شاء الله يفيدونا

 

[~ miss NERD ~]

انا اقولج
عندي سايت دكتور كويتي يعلمج شلون تتعلمين الانجليزي بشهرين بس لي الحين ما جربته
و بعد بالصيف دشي بريتش كاونسل حيل راح يفيدج
و اذا بعد تبين في كتاب اسمه : شلون اقدر اتكلم انجليزي عدل << شي جذي .. اهوا بالكويتي و حلو و سهل
و بعد حاولي تطالعين برامج و افلام و مسلسلات انجليزيه << هذا الشي حيل فادني ترى
و اقري كتب بالانجليزي سهله مثلي قبل بديت بكتب olsen twins سهليين حيل
الله يوفقج

 

[al-noory]

للرفع
الله يوفقج

 

[M!s$ GoOnA]

رد : مشكلتي معقدتني ببجي منها

اعتقد مس نيرد ما قصرت وانشالله الله يوفقج ويساعدج يااااااااااااااااااارب والله كسرتي خاطري وحطيت نفسي مكانج بس والله ما عرف شلون اساعدج بس اللي اعرفه .. اقري كتب انجليزي وتابعي افلام اجنبيه وانشالله تستفيدين

 

[حلاتي بشقاوتي]

رد : مشكلتي معقدتني ببجي منها

حبيبتي اذا انتي من دااخلج قوهـ وعزيمه وحااطه بالج عشاان الثانووي ...>>صدقيني غلط .. لان الانقلش معااج للجامعه ..
انا اقوولج بس ركززي معاااي ..
اول شي ابلتي كانت تقوول لي بنات احفظووا كميه كبيره من الكلمات ...>>طبعا انتي هني بتقولين شلوون ..
اول شي ..>> الكلماات من الدرس اكتبيها عندج و اول ما تيين البيت راجيعها ..
ثاني شي ..>> اذا واصلتي على الطررريقه سوي حق نفسج امتحاان .. والكلماات القديمه والبسيطه ترااا حيل تفيييد
ثالث شي ..>> اكتبي موااضيع او تعابير اول شي بتحسيين كل غلط وبدليات >>مجربه هالشي ..
وبعدين حاولي وحاولي .. وييبي مدرساات خصوصي ...
اهم شي الكلمات اكثر من القواعد والله صدقيني انا مجربه مثلج ..

وبس وربي يوفقج
وانشا الله استفدتي ..لووول طولت عليكم

 

[نــوره]

حبيبتي جيبي لج مدرسه تجيج بالاسبوع مرتين انتي يبيلج تأسيس ..

وعاادي انا متخرجه من مدرسه حكوميه والحمدالله شااطره بالانجلش واي شي تبيه لا يردج الا لسسانج ؟!

 

[امراة اريام]

رد : مشكلتي معقدتني ببجي منها

الجوري حبيبتي ماقصرتي
كلكم حبيايبي ماقصرتو
بس ترى مااقدر اطلع من البيت حتى بالعطله مااقدر بنات مااقدر

 

[* joory *]

اوكي ..
انا عارفه انج ما تقدرين تطلعين ..
واي شي تبينه راسليني عالإيميل
وراح اساعدج
أول بأول

 

[بنت الناس ما تنداس]

,,
حبيبتي حاولي تجيبين لج مدرسه خصوصيه لان يبي لج تاسيس
وياكثر البنات الي بصفي ومايعرفون يقرون لاتحطمين نفسج خلي عندج هدف انج تقدرين تتعلمين مافي شي اسمه مااقدر
وبالعكس انقلش تاسسع اششوفه سهل للحين ماشفنا شي صعب...
موفقه حبيبتي

 

[●EЯhảβ¥ả●]

رد : مشكلتي معقدتني ببجي منها

up
up
up

 

[dadomi]

رد : مشكلتي معقدتني ببجي منها

انا رايي من راي مس نيرد
و عندي بعد فكره
كل ما تسمعين كلمه انجليزيه ترجميها بقوقل بعدين كتبيها مع الترجمه بدفتر وكل يوم اقريهم راح تحفظين جذي وايد كلمات

 

[مهوووهه]

في كورسات تكون ع هيئه سيديات

يعني تتعلميين منهم واهو الي مسويهم واحد كويتي

والله نسيت اسمه بس مره سوه لنا محاضره ع ايام االمدارس
واليوم قابلوه ع تلفزيون الكويت


يقولون يفييد واايد ووايد ناس ياخذون دورات عنده
وفي ناس يشترون سيديات

بس للامانه غالي شوي السي دي

بس انا ماجربت


موفقه خيتي