مشكلتي مع الامساك واريد الحل

[سلاسل الذهب]

السلام عليكم ورحمة الله وبركلته. انا عندي مشكله ان فيني امساك مزمن ياليت. احد يقولي عن خلطة اعشاب تحل لي هاذي المشكله ابي بطني يمشي يوميا لان الامساك حيل مظايجني وجزاكم الله الف خير

 

[تحت ظلك]

سنا مكي تشربينه مثل الجاي
او تاكلين موز يساعج على انه يمشي البطن
او اذا المكسرات تأثر فيج ممكن تساعدج
او اشربي فنجان زيت زيتون على الريق

 

[سلاسل الذهب]

مشكوره حبيبتي ما تقصرين بس سمعت سنا مكي كثرته مو زينه ابي شي اشربه علئ طول ولا له مضاعفات اي وحده تعرف تقولي جزاها الله الف خير

 

[ii DareeN ii]

- شرب ماي دافي مع عسل او ليمون الصبح على الريج

- تين مجفف او مشمش مجفف حيل مفيد ويلين البطن

- الاكثار من الالياف في الياف بودر موجودين بالصيدلية

 

[رحيق]

في خلطه أعشاب اسمها خلطه الرجيم عند حواي بيان

عبارة عن مجموعه من الاعشاب شربي بين فترة واخرى نص كوب راح ترتاحين وراح انظف بطنج امكرم السامع هو صج حق رجيم بس انتي لا تداومين عليه بس بين فترة واخرى

 

[سلاسل الذهب]

مشكورين علئ الرد الله يعطيكم العافيه ووفقكم دنيا واخره اللهم امين

 

[عادت ذكرياتي]

ما قصروا البنات ...