مشكلتي مع التخزين ...تكفووون ادخلووو وساعدوووني ...

[منووله مشعل]

السلام عليكم ...

شلووونكم يا حلواااااااااااااااااات ...

بنات انا عندي مشكله الي هي التخزين وما ادراك مالتخزين :eh_s(14):...

شوفو انا شقتي غرفتين نوم وقعدة ومطبخ وحمام عزكم الله بس ...

غرفه القعده مافيها كبت كللللللش بس بلفزيون بلازما وستلايت وقعده عربيه داير مدار الغرفه واهي اصلا صغيره 4*4يعني مافيها مجااال لشي اهي اصلا يادووب مكفيتنا :eh_s(22):...

وغرفه النووم :eh_s(2):وربي ودي ابجي ...

غرفه النوم يا محفوظات السلامه متوسطه الحجم ...
فيها سرير والتواليت والكبت والشوفونيره ...

انا اقوولكم الكبت 4بيبان ...
واحد لملابس الشقه من بجايم وقمصان طويله وجنزات وبديات للطلعه ...

وواحد لدراريعي وعبيي وملافعي وشمغ ودشاديش زوجي **بالموووت مكفي الكبت ** ...

طبعا هذيلا نظام علاليق اوكي ...

نجي للاثنين الباقين وهم نظام ارفف ...

واحد حاطه فيه ملابسي الداخليه وفوطي ...

والثاني حاطه فيه ملابس زوجي الداخليه وفوووطه ...


والشوفونيره مقسمه قسمين الي فوق رفين وتحت درجين ...
الرفين كله جناطي ...

والارفف حاطه فيهم اكسسواراتي من صندوق الساعات والخواتم وعلبه المنيكير وغيرها يعني هم مافي مجال ...

نجي للتواليت ...
طبعا 3ارفف 6 ادراج صغار ...

الارفف حاطه فيهم خلطات العطوور وصندووق البخور...

الادراج حاطه 2للعطورات الفرنسيه 1للعربيه ...

1للفازلين والكريمات ...

1للوشنات وبودرات الجسم ...

1للدلاغات والهيلا هوبات ...


بتقولون وين المشكله صح ...


المشكله ان نص اغراضي طايحه واهم شي النعال والجواتي :eh_s(14): وربي انهم طايحات بزااويه غرفه النوم...

وهذا غير الديباجات اوديهم المصبغه واجيبهم مجيسات واحطهم بزاويه الثانيه للغرفه:eh_s(2): ...


ابي حل وربي تعبت والله ...

تخيلوو كررهت غرفه نوومي من كثر ماهي معفسه بس والله مو اهمال بالعكس حيييييييل ارتبها بس الي يخرب منظرها الجواتي والنعال والديباجات الي طايحه ...


تكفوووووون ابي طرق لا تقولون كبت الانعال لانه ماياخذ شي انا مجربته قبل عرسي ويغبر النعال ...

ساعدووني بترتيب اغراضي ...


هالله هالله بالردوود والي ماعندها خبره ترفع الموضوع ...

 

[ام الدرر]

استغلي فوق الكبت لتخزين الديباجات وملابس الشتا بشنط
تحت السرير ممكن تحطين شنطة الاحذية المقسمه وتخزنين فيها الاحذية اللي ما تستعملينها دايم وبالعكس في كبتات للاحذية خشب وتستوعب عدد كبير تخلينها بالممر بين الغرف او عند باب الشقة
المطبخ اذا فيه مكان فاضي استغليه بارفف تخزين حديد (موجودة بتروفاليو ) ممكن تحطين الاغراض اللي ما تستعملينها في بوكسات وتسكرينهم وتخلينهم عالارفف ​

 

[منووله مشعل]

هلاوغلا ام الدرر ...
نووورتي الموضوع ...
الكبت مابينه وبين السقف الا شبر يعني مافي مجال بالمرررررررررا ...

والسرير هم مافي مجال تحته ...

المطبخ اذا فيه مكان فاضي استغليه بارفف تخزين حديد (موجودة بتروفاليو ) ممكن تحطين الاغراض اللي ما تستعملينها في بوكسات وتسكرينهم وتخلينهم عالارفف


اعجبتني هالفكرره بس مافي مكاان بالمطبخ لانه مترين بمتر ونص ...









وووووووووينكم بنااااااااااااااااااااااااااااااااااااااات ...

 

[اطياب طيبه.أم عبدالله]

الله يعينج بس نصيحه بين فتره وفتره طلعي الاغراض الزايده والقديمه صدقه
انا من جم يوم عفست داري والمخزن اللي مخزنه فيه خرابيط مالها اول من تالي وقطيت بعضهم وتصدقت ببعضهم

ترا بس تفرزين راح ترتاحين والله مرات نشتري شغلات بدون هدف معين ونكودهم وما نستعملهم

 

[Maybe_87]

بصراحة احترت معاج

الله يعينج ويوسع عليج

 

[الملكة فيكتوريا]

ديباجات حطيهم في اكياس الضغط وحطيهم فوق الكبت الملابس

والنعال والجواتي في بوكسات بايكيا اخذيهم وحطيهم تحت ملابسج المعاليق

 

[الملكة فيكتوريا]

هذي بعض الافكار ان شالله تفيدج

فصليلج هالكبت طبعا مصكر وعلقيه بالطوفه

 

[*kim*]

الله يعينج حيل ضيق
استغلي الممرات اذا تقدرين تحطين كبت لنعل
وصفي اغراضج والديباجات اول بأول لا تكودين أغراض حتى بالنسبه للمطبخ صفي المواعين اللي ماتستخدمينها

 

[منووله مشعل]

تسلموووووووووووووووون حبيباتي ...

شاكرتلكم الرد الله لايهينكم يارب ...

الملكه فكتوريا اموووووووووووواح فديتج ماقصرتي الله لايقصر بيوومج ...

تسلمووووووووون بنااااااااااااااااااات ...

 

[••غـلآًهْـم••]

حبيبتي القديم عندج مومحتاجته الناس المحتاجه عندهم جديد

وعطوراتج اللي ماتبين وجناطج وزعي علي خواتج اللي مومحتاجتهم
بقولج نفس ترتيبي
الشوفنيره خليها للفوط والجناط

الديباجات طلعيييهم برا

او حطيهم فووق الكبت او اذا تقدرين تحت السرير

واشتري لج كبت للنعال انا ماخذته من سويت هوم ب٢٥ كبير وفيه درج للدلاغات

وملابسج خليهم بروح وملابس رجلج برووح

وليش ماتستغلين الغرفه الثانيه

تطلعين الديباجات فيها

وتشترين العموود اللي تعلقين عليه الملابس

موكبت بس عموود طويل حديد

والنعال افتكي منهم اعم شي طلعيهم

 

[اطباق ماي ورد]

ماقصروا البنات

نفس اللى كنت بقوله والله يعينج

 

[ادمنت حبه]

الله يعينج الجواتي اشترى مقسم الاحذيه وحطيهم فيه وخليه بلكبت تحت الملابسه المعلقه والفوط طلعيهم من الكبت حطيلهم رف بلحمام حاولي تدبرين امورج

 

[orchidia]

طيب حبوبة انا ادمان ترتيب وبكون وياااج لين تترتب غرفتج ..

وشوفي من الحين اقول لج بأهاوش ماعرف اشرح الا بطقاق << تدلين الباب

ترتيبج احسه مفرقته بزيادة يعني اللوشنات والكريمات هذي بكل انواعها المكان حقها واحد

خلني بأبدأ معج من اول

نجي للكبت انتي قلتي اربع بيبان طيب 2 لج 2 لريلج ..

بتقولين مايكفي اقول لج

علقي دراعاتج وبدل الطلعات والملابس المهمة قمصان النوم والبجايم مو ملوت تعليق تضيق عليج ع الفاضي وتكود لج الكبت ملوت تصفيط

تعلقين دراعاتج وبلايزج الزينة وجذي وعلقيهم بالترتيب يعني ابدي بالطويل لحد مايقصر فهمتي القصير بيكون تحت فراغ حطي فيه جواتي الله يكرمج وصفيهم بطريقه توسع لأكثرهم

هذا مكان العلاليق نجي لمكان الرفوف كم رف اهم ؟؟

يمكن يكونون اربعه خلي واحد للملابس القطنية بكل انواعها بس لما تصفطينهم

خلي البجايم الطوال فوق بعض القمصان فوق بعض الشورتات فوق بعض عشان ماتختبص وياج

الرف الثاني خليه لقمصان النوم لفيهم على شكل رول عشان ماتعتفس وياج وبتطلع صغيرونة مالها حجم لو علقتيها بتسوي زحمة على ماكو

الرف الثالث خليه للبناطيل والتنانير والرابع للمناشف

نجي الحين لباب العلاليق مال ريلج الدشاديش معلقه هي والشمغ والتيشريتاتطبعا الدشايش صوب والتيشيرتات صوب ثاني تحت التيشيرتات حطي جزمه هو الله يكرمج

دولاب الارفف حقه الاول مناشفه الثاني بناطيله الثالث ملابس البيت الرابع ملابسه الداخليه

نجي للشوفنيرة انتي قلتي الاول رفوف ولجناطج حلو خليهم

صناديق الساعات شنو لج فيها ارميها اشتري جنطة اكسسوارات ورتبيها فيها خليني لين ارد بيتي واصور لج جنطتي ( عند امي )

الساعات والاكسسورات بجنطة والمناكير بكل اشكالها بجنطة صغيرونة احسسن لج والله وش لج بصفتها تغبر وتقعدين تمسحين اذا توسعتي ان شاء الله صفيهم على كيفج طبعا الشوفنيرة الجزء الي تحت هذا خليه تخزين اكسسوارات ومكياجج ومناكيرج 3 جناط وحده للمناكير ووحده للمكياج ووحده للاكسسوار والساعات

التواليت 3 ارفف حلو ترتيبج للبخور فيهم الادراج كريماتج لو مالهم محل بالادراج خليهم بالحمام واشتري ليهم زي الرفوف الي تتعلق ورا الباب حدها حلوة تكون قماش



والعطورات استغلي المساحة وخزنيهم ويا بعض مو شرط فرنسية بروح وعربية بروح والدلاغات لازم درج بروحهم

نجي للديباجات اشتري اكياس ضغط واضغطيهم واحذيهم فوق الكبت هههههههههههه

الزاوية استغليها بالرفوف الصغيروونة تصير مخصصه لزوايا تلقينها بايكيا

وقماش وحدها عملييييييييييييييه

نفس هالاشكاال

العبي والملافع علقي بمكان بزاوية غرفتج علاقة وعلقيهم عليها


وموفقة حبوبة ولو تبين تفصيل اكثر ماعندي مانع <<

 

[!! دلوعته !!]

مااااااااااااااااقصروا البنااااااااااااااات

 

[منووله مشعل]

يامال العافيه اشهد انج ماقصرتي يالغلا اوركيديا...


الله يوووسع عليج بكل امر يارب ...

 

[!! دلوعته !!]

اااااااااااااااااااااااااااااااااب

 

[chole_84]

تخيلي انا بس غررررفه وحده وحمام داخلها واغراضي
زززززززززحمه
اه اه اه
ربي ترزقني الشقه الي اتهنا فيها وتكون وسيعه
امانه بنات ادعولي اماااااانه

 

[منووله مشعل]

دلووووووووووووووعته الله يرفع قدرج يارب ...











تخيلي انا بس غررررفه وحده وحمام داخلها واغراضي
زززززززززحمه
اه اه اه
ربي ترزقني الشقه الي اتهنا فيها وتكون وسيعه
امانه بنات ادعولي اماااااانه

اميييييييييييييييييييين الله يرزقج فيها قريب يارب ...

 

[chole_84]

حياااااتي منوله شكرا على الدعوه
ان شالله اسكن شقه واعزمج يارب

 

[منووله مشعل]

حياااااتي منوله شكرا على الدعوه
ان شالله اسكن شقه واعزمج يارب

العفووووووووووو حياااااااااتي :eh_s(7):


ان شاء الله قريييييييييييييييب بس موتنسين العزووووووووووووووووووومه :bbbiu:


حياتي الله يسعدج ويرزقج من حيث لاتحسبين يارب


شاكرتلج على دخوووووووولج للموضوع

الله لايحرمني من طلتج :eh_s(17):