مشكلتي مع الصبغة وحساسية جلدي من كل ماهو تشقير وصبغة ..ما الحل؟

[قاهره عذالي]

انا ودي اصبغ شعري


بس عندي مشكله ازليه


فروة راسي وجسمي كله

حساس لشي اسمه تشقير او صبغ

حيل حساس

كم مره طحت بالمستشفى وعطوني ابر وادويه عشان الحروق اللي سببلي الصبغ والتقشير من اول مره جربتهم

لما كان عمري 17

صبغت بصالون صبغة ويلا

وشبيت ناااااااااااااااااااااار مو قادره وتحملت ال20 دقيقه
عقب غسلوا شعري
بس جبهتي ورقبتي من ورا مو حاشها الصبغ

شنو صار ..
مكانه مثل الحرق واللله العظيم وطلع فيني ورا الاذان مثل صخره تحت الجلد ورمه كله اصدع منها
لحد ما علمت امي وطارت فيني للمستشفى
وقالولي

ان هذي الغدد اللعابيه ومن الصبغه كل هاللي قاعد يصيرلي وان عندي حساسيه من الصبغ

جيت اجرب التشقيرر

عند كذا صالون والنتيجه احترق وتسود جلد حواجبي ومبين اثر الحرق والطخ من الميبو والفاكورت ولا وبعد مع نفخ بالجلد

حتى الصالونه لما رحت لها ثاني مره تحف حواجبي عشان الخراب اللي صار من التشقير قالت شنو هذا جلد اسود ..لايسوي تشقير ثاني مره

والله جلدة جفوني خاست احترت مدري رحت الدكتور قال ليزر يروح اثر الحرق

والحين ابتلشت

ودي اصبغ اسوي نيولوك

ما اقدر
رحت مره شرحت هالموضوع لصالونه وقالت احط لج طاقيه ماتخلي الصبغ يجي فروة راسج بس ترا ميش وخصل بس مو كل الشعر لون واحد


المهم انا مليت من شعري ودي اخليه لون واحد

ودي اصبغ صبغة نانسي الجديده مثل هالصور ..

والله قهر

ما اعرف اسوي نيولوك

ولا افتك من لون الخصل واغير

والله ودي يكون شعري نفس الناس واشقر نفس الناس وما احترق وتقب عندي الغدد وجلدي يخيس ويصير جنه كاويته نار ومحروق ويظل اثر حرق
واحط طبقات من ادوية الحروق وهم مايروح

 

[حلوه ولمآحه]

رد : مشكلتي مع الصبغة وحساسية جلدي من كل ماهو تشقير وصبغة ..ما الحل؟

حبوبه دام هذي بشرتج حساسه >>لاتصبغين،،
قصي شعرج،،
حطي خلطات طبيعيه تعطي نفس لون الصبغ >>
بس ترا االخلطات مآتطول مثل الصبغ
بس انتي كل مره سوي وعيدي عليها،،


وحواجبج حبوبه نصيحه لله>>لتحفينهم ولا تنمصين،،
من ترك شي لله عوضه الله خير منه
ولا هذا الشي الي بيزينج في عيون النآآآس،،
اذا تقدرين شقريهم،،
وذا لا خليهم طبيعي،،
ووقت المناسبات حطي مخفي عيوب مال الحواجب انا كنت اخذه من فور ايفر لما كنت حامل عشان ماقدر ا اشقرهم،،

 

[قاهره عذالي]

رد : مشكلتي مع الصبغة وحساسية جلدي من كل ماهو تشقير وصبغة ..ما الحل؟

حلوه ولماحه

اول شي مشكوره على ردج ...

حابه اسالج كم سؤال ؟

شنو الصبغات الطبيعيه اللي تعرفينها

ماعندي مشكله اعيد ع الصبغه

بس اهم شي ينصبغ شعري

لان مره شفت اعلان عن اصباغ طبيعيه بصالون
ولما كلمتهم وشرحت لهم حالتي
صاحبة الصالون رفضت تصبغني
لان تقولي في شوية كيماويات بالصبغه
اخاف اصبغج وتحترقين

 

[حلوه ولمآحه]

رد : مشكلتي مع الصبغة وحساسية جلدي من كل ماهو تشقير وصبغة ..ما الحل؟

حبوبه فيه اصباغ طبيعيه بالصيدليات
مثل هير باتنت وهذ امي مجربتها للشعر الي فيه شيب
بس مادري تناسبج ولا لا
فيه اضبغ طبيعيه بالحناء
مثل هذي الاشياء،،


صبغات طبيعية للشعر بجميع الالوان
الان يمكنكن تحضير
صبغات للشعر بجميع الالوان و طبيعية 100%100
و لمحبات صبغات الحناء.. اقدم لكم هذه الخلطات لالوان مختلفة
نعم الحنــاء.. بالوان متنوعة وداعا للصبغات ...
اللون البني :-

1- 10 ملاعق كبيرة حناء.
2- عصير ليمونة.
3- 3 ملاعق من خل التفاح ( او الخل العادي)
4-3 ملاعق قشور باذنجان.
5- مقدار مناسب من الماء الساخن.
امزجي جميع المكونات ما عدا عصير الليمون.. اتركيها تتخمر لمدة 3 ساعات ثم اضيفي عصير الليمون و ضعيها على شعرك من ساعة الى 3 ساعات حسب درجة اللون المطلوبة..
اللون البني المحمر:-
1- 10 ملاعق كبيرة حناء.
2- عصير ليمونة.
3- 3 ملاعق من خل التفاح ( او الخل العادي)
4-ملعقتان من القهوة العربية.
5- مقدار مناسب من الماء الساخن.
امزجي جميع المكونات ما عدا عصير الليمون.. اتركيها تتخمر لمدة 3 ساعات ثم اضيفي عصير الليمون و ضعيها على شعرك من ساعة الى 3 ساعات حسب درجة اللون المطلوبة..
لون الشوكولاته
1- 10 ملاعق كبيرة حناء.
2- عصير ليمونة.
3- 3 ملاعق من خل التفاح ( او الخل العادي)
4-5 ملاعق من بودرة الكاكاو.
5- مقدار مناسب من الماء الساخن.
امزجي جميع المكونات ما عدا عصير الليمون.. اتركيها تتخمر لمدة 3 ساعات ثم اضيفي عصير الليمون و ضعيها على شعرك من ساعة الى 3 ساعات حسب درجة اللون المطلوبة..
اللون الكستنائي:-
1- 10 ملاعق كبيرة حناء.
2- عصير ليمونة.
3- 3 ملاعق من خل التفاح ( او الخل العادي)
4-كوب من مغلي البابونج.
5- مقدار مناسب من الماء الساخن.
امزجي جميع المكونات ما عدا عصير الليمون.. اتركيها تتخمر لمدة 3 ساعات ثم اضيفي عصير الليمون و ضعيها على شعرك من ساعة الى 3 ساعات حسب درجة اللون المطلوبة..
اللون النحاسي:-
1- 10 ملاعق كبيرة حناء.
2- عصير ليمونة.
3-علبة سفن اب صغيرة
4- مقدار مناسب من الماء الساخن.
امزجي جميع المكونات ما عدا عصير الليمون.. اتركيها تتخمر لمدة 3 ساعات ثم اضيفي عصير الليمون و ضعيها على شعرك من ساعة الى 3 ساعات حسب درجة اللون المطلوبة..
اللون الاحمر:-
1- 10 ملاعق كبيرة حناء.
2- عصير ليمونة.
3-كوب من مغلي الكركديه
4- مقدار مناسب من الماء الساخن.
5- 3 ملاعق من قشر الرمان المجفف.
6- كوب من خل التفاح ( او الخل العادي)
امزجي جميع المكونات ما عدا عصير الليمون.. اتركيها تتخمر لمدة 3 ساعات ثم اضيفي عصير الليمون و ضعيها على شعرك من ساعة الى 3 ساعات حسب درجة اللون المطلوبة..
اللون التوتي:-
1- 10 ملاعق كبيرة حناء.
2- عصير ليمونة.
3-ملعقة لون طعام (توتي) في كوب من الماء.
4- مقدار مناسب من الماء الساخن.
5- كوب من شراب الفيمتو المركز.
6- كوب من خل التفاح ( او الخل العادي)
امزجي جميع المكونات ما عدا عصير الليمون.. اتركيها تتخمر لمدة 3 ساعات ثم اضيفي عصير الليمون و ضعيها على شعرك من ساعة الى 3 ساعات حسب درجة اللون المطلوبة..
لون دم الغزال:-
1- 10 ملاعق كبيرة حناء.
2- عصير ليمونة.
3-كوبين من محلول دم الغزال ( ملعقة كبيرة من بودرة دم الغزال في كل كوب ماء )
4- مقدار مناسب من الماء الساخن.
5- كوب من خل التفاح ( او الخل العادي)
امزجي جميع المكونات ما عدا عصير الليمون.. اتركيها تتخمر لمدة 3 ساعات ثم اضيفي عصير الليمون و ضعيها على شعرك من ساعة الى 3 ساعات حسب درجة اللون المطلوبة..
اللون الاشقر
1- 10 ملاعق كبيرة حناء.
2- عصير ليمونتين.
3-3 ملاعق كركم.
4- مقدار مناسب من الماء الساخن.
5- ملعقة كبيرة من خل التفاح ( او الخل العادي)
امزجي جميع المكونات ما عدا عصير الليمون.. اتركيها تتخمر لمدة 3 ساعات ثم اضيفي عصير الليمون و ضعيها على شعرك من ساعة الى 3 ساعات حسب درجة اللون المطلوبة..
معلومات تهمك:-
مقدار الماء الساخن حسب تقديرك.. يعني ما يجب ان يجعل الخليط متماسك و ليس سائلا ..
- في حالة الشعر الجاف تقلل كمية الخل الى ملعقة واحدة كبيرة و تضاف 3 ملاعق من زيت الذرة.
- يفضل استخدام البخار للشعر لمدة 30 الى 60 دقيقة.. ثم تجفيف الشعر.
- تغسل الحناء بالماء و البلسم فقط.. و يمكنك غسله بالشامبو في اليوم التالي.
- لتثبيت لو الصبغة لفترة اطول.. اغلي قشور البرتقال و الليمون مع الماء الساخن المستخدم في العجن لمدة 10 دقائق قبل استخدامه للعجن.
- اذا شعرت ان اللون غير ملحوظ لان شعرك داكن اللون.. قومي بتفتيح شعرك باستخدام الليمون و عندما يفتح.. استخدمي صبغة الحناء و افرحي بالنتيجة.. سيبدو اللون ملحوظا اكثر.. .. و طريقتها هي ان تشطفي الشعر بعصير الليمون المركز بعد الغسيل و تركه حتى يجف.. ثم اشطفيه بالماء.. كرري هذه العملية بعد كل غسيل للشعر ( .. لذوات الشعر الجاف لا انصح باستخدامه)

 

[velvet rose]

رد : مشكلتي مع الصبغة وحساسية جلدي من كل ماهو تشقير وصبغة ..ما الحل؟

حبيبتي دام بشرتج حسااسه لهالسوالف انصحج اتركيها
ولاتفكري ولا تغامري تسويها
هالمره سواد خفيف وشئ مقدور عليه
مره الجايه ماتدرين وش ممكن يصير وتعضي اصابع الندم
حف الحواجب مامنه ضرر استمري تحفي بدون تشقير او شمع او شئ ثاني
واذا عالجلد المتضرر يبي لج كريم يرمم ويبرد عالمنطقه وانصحج تروحي الصيدليه

والشعر حبيبتي لاتصبغين في الوان بالحنا
جربت مره سويت خلطه بالحنا وحطيت فيها كركم عشان تعطي لمعه الشقار
طبعا يطلع لون من اول مره بس خفيف
يبي لك تعيدي تسويها مثلا 3 اسابيع ورا بعض
لان ماينفع تحطين حنا اكثر من مره بالاسبوع انتبهي عزيزتي

وسوي سيرج عن صبغات بالحنا وبيطلع لك خلطات كثييير
اختاري الانسب لك واستمري عليها مثلا شهر

ولله بتشوفي كيف شعرج صحي ويلمع وفوق هذا لون حلو من الحنا

وموفقه غاليتي

 

[قاهره عذالي]

رد : مشكلتي مع الصبغة وحساسية جلدي من كل ماهو تشقير وصبغة ..ما الحل؟

حلوه ولماحه

فلفت روز


حقيقه افدتوني يا بنات

وهم ردج فيلفت افادني ان لازم اكرر خلطة الحنه ك>ا مره عشان يطلع معاي اللون

جزاكم الله خير

وشكرا حلوه ولماحه انج نقلتي لي الخلطات حقت الحنه وعطيتني اسم صبغة امج بروح اسال عنها بالصيدليه ان شاء الله :friends:


فلفيت

مو بس سواد الا حرق
تعرفين الجلد لمحروق ومنتفخ بعد
واثر الصبغه على جبهتي ورقبتي ظل سنين لحد ما راح بروحه بس ظل يمكن 3 سنين لحد ما اختفى كان باول جبهتي من يم منبت الشعر وعلى طرف رقبتي

وطبعا فروة راسي بعد الصبغ اسم الله عليج تقشرت
صارت قشوور كباااار
وهم حاره كانت

 

[dandon87]

ليش ما تجربين صبغة لوريال الجديدة (( بدون أمونيا ))

خفيفة وما فيها ريحة كيماويات .. جربيها على خصلة وحدة وشوفي اذا تتحسسين منها او لأ

انا جربتها و ريحتها مو مثل ريحة الصبغة العادية .. ريحتها فواكه تقريبا و ما تنشف الشعر

 

[قاهره عذالي]

رد : مشكلتي مع الصبغة وحساسية جلدي من كل ماهو تشقير وصبغة ..ما الحل؟

اي انا اعرف صالون يصبغون هالصبغه اللي بدون امونيا

يعني تهقين تحسس جلدي بسبب مادة الامونيا؟:cxxxp:

 

[dandon87]

يمكن لانه الامونيا مادة كيماوية قوية
جربي على خصلة وحدة

انا صبغت بالبيت لون اسود .. وصبغت لامي لون اسود على عنابي

وصح موجودة بكم صالون .. جربيها حلوة وخفيفة
ويللا لونها قوي بس تنشف الشعر :jumpon:

 

[باربي برونزيه]

حبيبتي انا امي مثل حالتج كل ماتصبغ شعرها مسكينه تصير فيها حساسه وسوالف براسها لي درجه انها كانت ماتقدر تنام لين مره رفيجتها قالتلها على صبغ ينباع بالصيدله اعتفد اعتقد صبغ بالعسل اذا ماكنت غلطانه امي جربتها وصج ماقام يصير فيها حساسيه روحي الصيدليه اشتري هالصبغ وجربيه وانشالله ترتاحين عليه

 

[كرووروو]

رد : مشكلتي مع الصبغة وحساسية جلدي من كل ماهو تشقير وصبغة ..ما الحل؟

استغفر الله ياربي شلون تنمصين ربي يلعنتس ...

اذا شقرتي بس دقيقة وامسحية وحطي فازيلين ولا قولي للدكتورة تعلمتس عن تشقير يكون خفيف على البشرة مثل هذآ :ـ

وهذا يحرق البشرة الحساسة لان مفعوله قوي بس الحمدلله انا بشرتي مختلطة عشان كذا استخدمة تجيني حكة بسيطة واحط مرهم للالتهابات مثل سودو كريم

 

[قاهره عذالي]

رد : مشكلتي مع الصبغة وحساسية جلدي من كل ماهو تشقير وصبغة ..ما الحل؟

باربي برونزيه


كرووروو

مشكورين

 

[قاهره عذالي]

رد : مشكلتي مع الصبغة وحساسية جلدي من كل ماهو تشقير وصبغة ..ما الحل؟

اب

اب

للي نفس مشكلتي :001:

 

[ميسم]

اب موضوع مهم

 

[عين أبوها]

رد: رد : مشكلتي مع الصبغة وحساسية جلدي من كل ماهو تشقير وصبغة ..ما الحل؟

حبيبتي الحل ببساطه انك تستخدمين الحناء إذا تتقنين طريقة خلطه بمكونات طبيعيه تعطيك اللون المناسب أو تشترينه مخلوط جاهز

تخيلي إن الحناء الآن شبه معتمده في الدول الغربيه كبديل طبيعي للصبغات الكيميائيه الضاره

صارت الحناء الطبيعيه تنزل في المتاجر ماركات مختلفه و تجي نفس الصبغات بألوان مختلفه بإضافات عشبيه من غير أي مواد كيميائيه

لو حابه أساعدك في الطلب راسليني ع الخاص انا وسيطه

حبوبه فيه اصباغ طبيعيه بالصيدليات
مثل هير باتنت وهذ امي مجربتها للشعر الي فيه شيب
بس مادري تناسبج ولا لا
فيه اضبغ طبيعيه بالحناء

أنا كنت استخدم هالصبغه مده طويله هي تعتبر أخف الصبغات الكيميائيه بس أبداً مو طبيعيه

للأمانه نتيجة تغطيتها للشيب ممتازه لكن مع الوقت دمرت شعري صار كنه ليفه بلا مبالغه ما أدري شلون مع إن ما فيها أمونيا و تعبت أقص شعري و اعتني فيه لحد ما تعدل و توبه ما عاد أرجع للصبغات ثاني

الهيرباتنت مقاربه لصبغة الناتيورنت موجودين في iHerb و سعرهم قرابة الـ 50 ريال سعودي أظن تعادل 4 أو 5 دينار

اللي بتجربها تجربها بس عن تجربتي الشخصيه بكل أمانه ما أنصح فيها خصوصا للي راح تستمر عليها سنين

 

[ميسم]

اب ي ليت اكو حل