مشكلتي مع الفاونديشن

[dam3t.7ezn]

هاي
شلونكم ؟؟
بنات انا مشكلتي مع الفاونديشن كلما شريت فاونديشن بعدها ابنص ساعه يغمج لون يشرتي وايد كنت استخدم فاونديشن ماكس فاكتر غيرته خذيت فاونديشن ماك الرعص نفس الشي شنو المشكله ؟ ليش يغمج علي بشرتي وايصير باهت
بليز الي عندها حل خل اتفيدني

 

[شواشه]

هلا حبوبه اخذي. افتح من لون بشرتج بدرجتين
او شووفي يمكن بشرتج جاافه لازم ترطبينها عدل وان شاءالله الخبيرات يفيدونج *

 

[dam3t.7ezn]

مشكوره حياتي شواشه
بنات بعد الي تعرف حل حق هل مشكله خل اتفيدني​

 

[STILL G L A M ~]

لووول اخذي فاونديشن افتح من بشرتج بدرجه وحده وعدلي اللون بالبلاشر الي ايي ع برونز وحاولي تحطين بلاشر فيه حياه وردي فااتح علشان ويهج مايصير باهت والحمرا تلعب دور اخذي غوامج

شنو نوع بشرتج يمكن اقدر افيدج باسم كريم اساس تجربينه ؟ وتدعين لي

 

[Shasawi]

اختييييي جذي بعد مادري شنوالحل قتلها تتستخدم بيس قوي ماخلت بيس ماستخدمته وكلهم نفس الشي

 

[أم البناات]

وأنا بعد نفس مشكلتج اي فاونديشن استخدمه بعد نص ساعه يغمج حتى لو آخذ افتح من بشرتي بدرجتين ماكو فايده ..ياريت يفيدونه الخبيرات فيهم الخير ..

 

[HmS al JaLiD]

ااب

 

[Dlool_3.7]

حبيباتي نوووعيه الميك اب تلعب دوور
اختاروو درجات تناسبكم نظفواا الوجه قبل كل شي
حطي كريمج المرطب بعده البيز نطري عليه شويه
ولما تحطين كريم الاساس حطي كميه وفيره يعني تكفي
وفردي بالطبطبه بايدج ولا يكوون فااتح الكريم اساس
واايد بعدين ضبطيه بالاسفنجه او الفرشه اهم شي انه
يشكل كڤر سميك شوي بعدين حطي الكومباكت باودر
واحسن نووع ماكس فاكتر الذهبيه وتعمدي تكثرينه عند كسراات الوجه
( حتى شعر الوجه له دخل بانه يقلب رمادي ويغير اللون ويعطي لووك مو نظيف )
اتمنى اني اكوون افدتج وافدتهم يا قلبي وادعوولي 

 

[AVE.NJ]

انه عمري مااخذ درجتي كله اخذ الطبيعي وايد حلو ويبين طبيعي

 

[brettey]

شنو لون بشرتج حبوبه
انتي تقدرين تتحكمين بالاساس لما تحطينه تكسرينه بالبلاشر الوردي الفاتح يعطي نظره وطبعا الهايلايتر يلعب دور اقصد الاضاءه يفضل تكون باودري درجات الصدفي

 

[dam3t.7ezn]

STILL G L A M ~
مشكووره حبيبتي الله يسهل عليج انشالله ويوفقج
انا نوع بشرتي جافه
Shasawi و أم البناات
انشالله يفيدونا الحين البنات ما يقصرون
Dlool_3.7
مشكوووووره حياتي علي الافاده الله يوفقج انشالله
HmS al JaLiD
مشكوره علي ال اب
AVE.NJ
لا انا مايطلع شكله طبيعي
brettey
لون بشرتي ابيض بس شووويه مايل للاصفر
​

 

[ام سعود ديكسون]

حبي ليش ما تروحين بوتيك بوبي براون اللي بمجمع 360
درجات اساسهم مايلة للأصفر راح تحطيج اللون اللي يناسبج خليها تجربه عليج و طلعي من المحل تمشي بالمجمع لو ما عجبج لا تشترينه

اتوقع يصلح لج moist rich لان عندهم كذا نوع

انتي الظاهر قاعدة تشترين كريم اساس لونه ما يعدل الصفار اللي في بشرتج
لان اذا فيه شوية لون وردي أكيد بيشهب بشرتج ويسويها رمادية

 

[فرحه عمر]

قبل يومين شفت بيوتيوب خبير يقول هالمشكله تصير لما تتأكسد زيوت البشره مع زيوت الفاونديشن وهالمشكله غالبا للي بشرتهم دهنيه
اول اقتراح له كان اخذي سامبلز من المنتج قبل لا تشترينه واذا ماعطوج ( خليهم يولون << على كلامه الانجليزي) وروحي محل ثاني طلبي سامبلز لانهم المفروض يساعدونج ما يغشونج وجربيه على ويهج اذا بعد 1-2 ساعه ماصار شي يعني اوكي اعتمديه
ثاني اقتراح اذا شريتي وتدبستي خلاص جربي هالحل : 1- غسلي ويهج عدل وحطي مرطب لبشرتج ولازم يكون للبشره الدهنيه نطري شويه واخذي كلينكس وحطيه على ويهج وضغطي عليه شويه عشان يتشرب اي دهون زايده او على سطح البشره
2- يعد الفاونديشن سوي نفس الشي بالكلينكس
3- اذا حسيتس محتاجه تعيدين على الفاونديشن نطري شوي وبعدين عيدي الخطوه بالكلينكس
4- ثبتي الفاونديشن بالبودره
وسلامتج

 

[dam3t.7ezn]

ام سعود ديكسون
مشكوووووووره حبيبتيي يبيلي اروح اشوفهم يعطيج العااااافيييه حياتي
فرحه عمر
مشكوره حياتي علي الخطوات راح اجربها انشالله ويعطيج العافيه
مشكورييين بنات ما تقصرون
​