مشكلتي مع الكتب :(

[ضــمــاد]

السلام عليكم



شلونكم بنات



كويتيات عندي مشكله ويمكن تكون طبع مو حلو فيني :eh_s(1):



نفسيا ً أرتاح لما أروح المكتبه وأقعد عند الكتب ..



أحس نفسي مثل النحله أنتقل ورده لورده .. من ركن لركن



أحس بمتعه .. لما أشتري الكتب



للأسف ما أقراها


عن الحلال والحرام .. في بعض الكتب انتهيت من قراءتها من الجلده للجلده


لكن اغلبية الكتب اللي عندي مازالت لم تُقرأ .. يعني فقط قرأت جزء او جزئين



الكتب اللي عندي جدا ً رائعه .. ومفيده جدا جدا .. وبالمجال اللي اميل له


لكن مثل ماقلت لكم .. مادري ليش اجمع بهالكتب ولا اقرائها كلها :eh_s(4):


أبي طريقتكم بقرائة الكتاب كامل



وشكرا:eh_s(17):​

 

[caramel`]

وعليكم السلاآم
حبيبتي اشتري الكتب اللي انتي تحبينها
وحاولي ماتكثرين من الكتب وتكدسينهم عالفآضي
يعني اشتريلج كتأبين واقريهم واذا خلصتي روحي اشتري ونصيحتي ابد بالكتيبات الصغيره ومع الوقت راح تتعودين
نشاءالله وماتملين واسفه عالاطاله ي قلبي

 

[Miss.LoNeLy]

شوفي هالفيديو راح يفيدج

كيف تقرأ كتاب لاتريد قراءته

‫كيف تقرأ كتاب لاتريد قراءته‬‎ - YouTube


تدريبات للذاكره و القراءة السريعه

‫تدريبات للذاكره و القراءة السريعه‬‎ - YouTube

 

[عادت ذكرياتي]

أب


أب

 

[ضــمــاد]

كاراميل / مس / عادت


شكرا ً حبيباتي .. ماقصروتوا

 

[Blue Tulip]

بالبداية لاتشترين كتب كبيره اشتري كتب تكون صفحاته قليله ولا تاخذين كتب دسمه او لغتها صعبه عشان اتحبين القراءة اذا انتي مبتدئة
ولاتشترين بالوقت الحالي لين اتخلصين الكتب اللي عندج وخصصي وقت كل يوم مثلا نص ساعه تقرين فيها وابدي بالكتب
اللي اتحبينها مثلا بالروايات او كتب دينية او تاريخية

 

[رياح الشمال]

ابدي شوي شوي و لا تشترين كتب الا لمن تخلصين من اللي عندج

 

[وهج الحب]

السلام/
انا اشتري الكتب بكميات كبيرة مرة واحدة .. يعني ممكن أروح معرض كتاب واشتري حوالي 100 كتاب وأحيانا أكثر.... ولما أسافر اشتري الكتب أيضا ...وعندي كتب وبكمية الكبيرة وكنت حاطتها بمكتبة كبيرة بغرفتي جدامي وكل ما ابي اقرأ كتاب اقعد أشوف الكتب الثانية اللي بالمكتبة وابي اخلي الكتاب اللي بيدي واقرا غيرة ...
واحيانا اخرى اذا احد قال عن كتاب وامدحة اشتريه واقراه قبل الكتب القديمة اللي عندي .. و صادني مثل الجنون إني أبي أكمل كل هالكتب مرة واحدة ومش ملحقة ...
وتصدقين ان عندي كتب من سنه 2008 ولم اقرأها ...
إلى العام الماضي قلت لنفسي stop ونظمي وقتك والعمر جدامج بتخلصين كل اللي عندج ...واخذت كل الكتب اللي بغرفتي واللي بمكتبتي وحطيتها بعيد عن عيني في غرفة ثانية وبكبت وسكرت عليه ...
واشتريت مكتبة صغيرة وصرت اخذ مجموعة كتب حوالي عشرين كتاب فقط لشهر او شهرين ..واختارها عن طريق قرعة وبهذه الطريقة صرت اقرأ كل الكتب القديمة والجديدة وبترتيب وبعد ترقيمها ..أحطها بهذه المكتبة واجبر نفسي اني انهي الكتاب واخذ فقط مما إمامي إلى ان تنتهي واحط غيرها من الكتب اللي بالكبت المخفي والذي لا أفتحة إلا لاختيار الكتب التي كنت سابقا اخترتها بالقرعة ....
إما نصيحة لا تشترين الا ما تقرينه..فهذه النصيحة خسارة كبيرة :
1- فالمكتبات صحيح موجودة أروح لها كل وقت لكن أحيانا يبيعون كتاب وفجأة يخلص وانطري الى ان تلقينه مرة ثانية .
2- المعارض لا تقام الا مرة واحدة بالسنه واكبر خسارة اني افوت دور نشر ممكن ما تبيع كتبها ببلادي او ما تعرض الا بالمعرض فقط .
3- خسارة اني اسافر بلاد والقى كتب لكاتب ما تعرض كتبه الا بدولته فقط .​

 

[عسل مرت قيمر]

حبيبتي لا تشترين وايد اشتري مثلا واحد وخلي كل يوم جم صفحه قبل ما تنامين او بوقت فراغج


ساعات في كتب تشد الواحد تخلبج غصبا عليج بتعرفين الحدث الي بيصير عقب الي قريتيه


عشان جذي اختاري شي انتي تحبينه ومن ذوقج


لا تاخذين شي ماتحبينه او ما تستهوينه

 

[رحيل المرافيء]

لاتشترين كتب وايد كتابين ثلاث اقريهم وتالي روحي المكتبة يصير مثل حافز لج لاخلصت الكتب اروح المكتبة اشتري
لكن لما يكون عندج وايد كتب بتتعييزين عن القراءة
مثل غرفتج لاصارت عفسة وايد تتعيزين عن ترتيبها او تبين احد يساعدج فيها بتقولين شرتب شخلي
لكن لاصارت معفسة على خفيف بتنظفينها وترتبينها
انا صار لي سنين ماشريت ميته على الكتب بس عندي كتب وايد شكثرهم غير كتب النت اللي
طلعت لي بعد ماني ملحقة

وحطي كتاب عند راسج قبل النوم اقري او لاقعدتي من النوم كل يوم صفحتين ثلاث الا الكتاب خالص
واختاري كتاب صغير بجنطتج لارحتي موعد طبيب ولا شي بدال ماتنطرين على الفاضي طلعيه واقري

 

[بهبهانيه]

انا برايي ما تستفين كتب وايد يديده عندج
اشتري كتاب واحد وكل ما تنتهي منه اشتري كتاب ثاني