مشكلتي مع شعررري ساعدوني

[أميـ الورد ـرة]

السلام عليكم ورحمة الله وبركاته

شلونكم خواتي شخباركم
كل عام وانتوا بخير وعساها سنه سعيده وتحقيق كل الامنيات
للكل امين

خواتي مشكلتي ان شعري حده ناشف ۾‿ڼ الصبغ
يعني لما اغسله واحط الشامبو مايتحرك ناشف حده
ومن اغسله احط بعد الشامبو بديل الزيت يلينه شوي بس
لما انشفه بالسيشوار هوا بس يتم ناشف ونافش شوي
وانا طول عمري قبل الصبغات شعري ناعم ومن اغسله وانشفه ما استخدم السيشوار ابدا يتم ع نعومته وماينفش كلش


اسفه طولت عليكم
بس ابي حل لمشكلتي هذي شنو استخدم لاتقولون لي اشتراك
صالون ماحب ابي شي عندي بالبيت وسهل بعد الشاور استخدمه وشنو احسن شامبو للشعر المصبوغ

وجزاكم اللـَّــ̯͡ھ خير :eh_s(7):

 

[أميـ الورد ـرة]

ولاااااا وحده راده علي شدعووه ليش ؟!!!!
الحين تردون عالمواضيع القديمه والجديد لا

 

[منار123]

شوفي من تجربتي
الحنة والسدر ماعليهم كلام بس يبيله استمرار اسبوعيا
ولازم ترطيب الشعر بزيت اي نوع


بس نصيحتي لج ومن تجربة صالون رنيم يسوون جلسات شعر تهبل والله ترد للشعر عافيته
30 دينار 5جلسات اتوقع
كل ماتعب شعري رحتلهم
واذا انتي موظفة خليه شهريا الجلسات

 

[منار123]

وزيت دابر املا اذا تتحملين ريحته عجيب
ومن تخلصين غسيل الشعر حطي بلسم اي نوع فيه صبار

واذا عالصالون انا مثلج واتكاسل بس لما اسوي اشتراك انجبر اروح

عندهم اكثر من برنامج لاتختارين الي للتساقط اختاري الي للتنعيم واللمعة

 

[sharshora80]

الحنه والسدر يكثفون الشعر بس ينشفونه حيل وانتي تبين شيء يقلل النفشة حبوبه اشتري مشط خشب علشان النفشه وتونك فازلين من الجمعية حطي منه مسحه خفيفه على شعرج اول ماتحطينه راح تشمين ريحته باينه عقب تطير لان تونك بس مافيه اي ضرر على الشعر بالعكس مفيد

 

[sharshora80]

وييييييه رنيم صارو 30
خبري فيهم كانوا 20 عقب صاروا 25 ال30
ترا عادية خلطاتهم تحطلج جل الصبار مع ثوم وماي بالخلاط وتحطهم في شعرج الصبار النبته اشكبرها على دينار ونص من المشاتل والثوم 400 قلس
وخلطتهم مالت الفلفل والجرجير الجرجير ب100 فلس والفلف البارد او الحار على 400 فلس
السالفه موسالفه البخل كثر ما هي ان ما احب احد يستغلني وانا قادرة على هذي الاشياء

 

[sharshora80]

انا حاليا صفيت على شامبو همالايا بالبروتين وبلسم مالته بعد نفس الماركه مشوا معاي انا شعري مصبوغ

 

[ظبية بوظبي]

نفس حالتي
ما خليت زيت ولا كريم الا و حطيته
لي سنه وانا على هالحال
لين ما ياست ومالي الا اسويله بروتين وجماعته

 

[اوملي]

عندك زبدة الشيا الخااام بدون اضافات وعندك زيت تشكيكةالحشيش هذي تخلي شعرك يجننننننننننننن انا شعري كان ناعم وبعد فتره صار ناشف كانه محروق ومافيه لمعه واستخدمت زيت تشكيكة الحشيش ونفع معاي اذا حابه تجربينه شوفي هذا الحساب awx111

 

[اوملي]

الحساب ب اسم بسمة العروس وحطين شعار المحل

 

[اميره بكلمتي]

عليج بماسك السدر عجيب
قفشتين سدر وروب وبيضه وحده ونص فنجان زيت حق شعرج اللي تستخدمينه
اخلطيهم ويا بعض وحطيهم على شعرج تعالي شوفي النعومه بس استمري عليهم مو اقل من ٥ شهور احسلج تحطينهم مرتين بالاسبوع
واطلب من وحده ماسك الجرجير والصبار وااي احس شعري من استخدمت هالماسكين شعري ردله الحيويه وكل شي

 

[Nokia N95]

حمامات الزيت مثل فاشكول ممكن تفيدج لان شعرج مصبوغ

حطي لشعرج قبل ما تتسبحين
واستخدمي جهاز البخار اذا عندج او الكبوس الحراري موجود بالوسيط على 10 دنانير تقريبا

 

[بنك بااستا]

انا سويت كولاجين وكان شعري محروق انصحج فيه حيل

 

[عين أبوها]

نصيحتي وقفي الصبغات الكيميائيه و اعتني بشعرك لفتره و لا تفكرين ترجعين للصبغات المضره

إذا مضطره تصبغين جربي الصبغات الطبيعيه اللي أساسها الحناء و الأعشاب

ادهني شعرك أسبوعياً مره أو مرتين بخليط من الزيوت المغذيه مثل زيت الزيتون ، السمسم ، جوز الهند .. الخ

إذا حابه ترطبين شعرك قبل التجفيف و تبين تحمينه من تأثير الحراره خذي كم قطره من زيت الأرغان براحة ايديك و أمسحي شعرك بالكامل

زيت الأرغان قوامه خفيف مو دهني يخفف النفشه و التطاير و هو تقريباً أكثر الزيوت اللي تنضاف لسيرومات تنعيم الشعر

إذا فادك ردي لا تنسيني من دعواتك