مشكلتي مع شغالتي :(

[مسك الجنان]

شلونكم شخباركم شمسويين؟؟؟؟

خواتي انا عندي مشكله مع شغالتي

انا متزوجه وساكنه بشقه صغيره على قدنا وعندي شغاله

شغالتي هذي الله يسلمكم طوووووول الوقت فاضيه لاشغل ولا مشغله

يانايمه ولا اذا رديت من الدوام اشوفها مقلبه بالقنوات وحاطه لها زاويه اتابع التلفزيون والريموت يم مكانها وعارفه القنوات ويا حبها لقناة سما دبي يحطون دايم افلام هنديه

المشكله تعلمت على الربادة ريوق سريع وغدا خفيف وبالليل عشا خفيف وسريع

والتنظيف الشقه دايم نظيفه محد يدمر

لا وصاير لسانها طويل وكله تتطنز

تكفوووون ابي احلل معاشها شلون ؟

 

[خبيرة اعشاب]

هي مو لازم تكرف ليل نهار عشان اتحلل معاشها ...

اظن غالبا معاشها رح يكون تحت ال50 دينار شهريا ..و اكيد بال50 دينار هاذي اتغسل المواعين يوميا و اتنظف البيت .......الخ

بالنسبه للشغل انتي مو محدده لها شنو اتسوي يعني ريوق خفيف : الخدامه مو اتريقج على مزاجها انتي اتعلمينها شنو اتسوي و ما تسوي و اذا انتي ما تقولين لها اكيد رح اتسوي اللي يجي ببالها

بالنسبه للغذا علميها ..اتسوي غذا و اتغسل خضره ورقيه و سلطه و شوربه ...يعني كل يوم قولي لها المنيو و اكيد هي رح اتسوي ما تقول لا

علميها على اصناف الكيك و خليها اتسوي لكم العصر بعد

و بالليل بعد قولي لها اتسوي عشا ..........


اكيد الخدامه لا صار ما عندها شغل تتطنز و اتحس ان البيت مو شي و اتدور لها مكان ثاني ..و غالبا الخدم ما يستانسون على الشقق الصغيره فانتي حاولي قدر الامكان انج اتعاملينها معامله طيبه لا تروح و تخليج

 

[ساندى]

مسك شلونج ياقلبى هونيها وتهون الخدامة يبيلها تدريب علميها على كل شى كيك فطاير محاشى واذا حسيت انها ماعندها شغل خليها تكوى تمسح الطوف تغير اماكن الاثاث تحس شوى ان فى اهتمام مطلوب منها والتلفزون هو اللى مخربها لان بالها مع الافلام مو بالبيت شيلى الفيشة وقت الدوام وشوفى شغلها بعدين ونصيحة لاتخسرين خدامتج عامليها زين وطوفى علشان تركد /////////////////// تحياتى لج يالغالية

 

[LaSt WoMeN]

لا تعلمينها تتطنز عليج .. صج ما تستحي ؟
خليها تلف لج سمبوسة تترس لج الفريزر و فطاير ..
و كل ما رحتي عند احد خلتقلي لج و ودي معاج ..

و اذا اهي فلبينية تراهم يعرفون يخيطون عدل
خلتصلح لج الهدوم و تقصر الطويل شطار بهالسوالف ..

و الله يعينج على الغثا ..​

 

[بنت الحزن]

شلونكم شخباركم شمسويين؟؟؟؟

خواتي انا عندي مشكله مع شغالتي

انا متزوجه وساكنه بشقه صغيره على قدنا وعندي شغاله

شغالتي هذي الله يسلمكم طوووووول الوقت فاضيه لاشغل ولا مشغله

يانايمه ولا اذا رديت من الدوام اشوفها مقلبه بالقنوات وحاطه لها زاويه اتابع التلفزيون والريموت يم مكانها وعارفه القنوات ويا حبها لقناة سما دبي يحطون دايم افلام هنديه

المشكله تعلمت على الربادة ريوق سريع وغدا خفيف وبالليل عشا خفيف وسريع

والتنظيف الشقه دايم نظيفه محد يدمر

لا وصاير لسانها طويل وكله تتطنز

تكفوووون ابي احلل معاشها شلون ؟

اذا ما احد يوصخ بالبيت و تاكلون مثل مو كاتبه ريوق خفيف سويه انتي و اذا غدا خفيف هم سوي انتي العشا و الغدا تري و الله الطبخ ما يبيله شي مثلا الغدا زهبيه من بليل و العشي خفايف و لا من بره و اذا علي التنظيف اذا ما كو احد يوسخ مره نظفي بالاسبوع يعني خصصي يوم بالاسبوع مثلا الجمعه و اذا علي غسيل الموانيع اشتري جلايه مواعين صغيره و لا انتي غسليهم و هذاي الخدامه رديها و ذا الله اطعمج ياهل في يبي خدامه ..... شاله حادج انتي ساكنه في شقه صغيره وحاطه وحده جنها ابليس تراقبج لا تقدرين تلبسينو لا تضحكين مع زوجج لا و تتطنز و لسانها طويل .... و ديها و وفري معاشا انتي استفيدي منه احسن حق بيتج.... موفقه

 

[الاسطورية]

اول شي ماتسمحيلها ابد بطوله اللسان خلي ريلج يزفها يخترعون من الرياييل

بالنسبه للشغل حدديلها كل يوم الشي الي تسويه اكيد بتغسل هدوم وتكوي وتسويلج اكل

خليها كل يوم تمسح الاثاث وتلمع الارضيات حتى لو محد يدمر الغبره تدش كل بيت

وبس بجذي يكون كافي دام ماعندها شغل اكيد بتطالع تلفزيون شتسوي بعد

اذا شاطره بالخياطه خليها تسويلج سوالف انا خدامتي كله اشتري من البلوكات كلف وشغلات وتخيطها لي عالبلايز
وتقضي وقتها نفس الوقت بشي يفيدني

 

[دانـــه]

حبيبتي انا راي اذا تقدرين تستغنين عنها وفري معاشها ووديها المكتب
انا اذا ماتقدرين زفيها شنو وتتطنز وين قاعدين قولي لها لو ماتعدلتي زهبي
اغراضج اوديج اقصاج ماعندج شغل.. يعني خرعيها لا تحسسينها انج محتاجتها..
من ناحيه الشغل لو كان هذا الشغل الي تسوويه هو بس شغل بيتج واهي قايمه فيه عدل انا عندي عادي انها تطالع التلفزيون لكن لو مقصره بالشغل الي تطلبينه منها لا والله وقفيها عند حدها ولو كنتي انتي ماتحبين تاخذين وتعطين حيل معاها خلي ريلج يتفاهم معاها

او مثل ما قالوا البنات طلعي لها شغل من تحت الارض فطاير وخرابيط وتثلجهم ولا بغيتي تزورين تودينهم معاج..

..
.​

 

[انا كويتية]

وديها الصبح بيت امج او اختج تتعلم طبخ عدل .....و لاتعطينها ويه تتطنز.....

 

[Filakawyia]

انا رايي من راي البنات . . . اول شي وقفيها عند حدها . . . و بعدين حق الريوق قطي عليها كتاب طبخ قوليلها سويلنا هذا و هذا و هذا . . . و الغدا و العشا نفس الشي خل تسوي اصناف مختلفة بس من كل صنف اشويه

و خل تمسح الطوف . . . تغسل القنفات . . . تمسح الثريات . . وايد اكو شغل . . .

و الراي الاحسن بعد . . . اذا ماتحتاجينها رديها . . . على قولتج الشقه ماتتوصخ و انتوا كلكم اثنين . . . نظمي وقتج و انتي بتقدرين تستغنين عنها

اهمه اذا مالقوا شغل يبدعون ترا . . . يبدون يفكرون باشياء ثانية تشغلهم

 

[bnt q8 in usa]

الخدامه اذا تعلمت علي الرباده مشكله طلعي لها شغل خليها تطلع مواعين المطبخ وتنظفهم

ولي رحتي الدوام وديها بيت امج خل تشتغل
ولاتسمحين لها تتطنز هذا الي ناقص بعد ماتحمد ربها خل تشوف باجي البيوت الخدم من الساعه5 يقومون الفجر ماينامون الا 11 و12

 

[أم الورود]

والله آخر الزمان ان الخدم يتطاولون على اسيادهم
دقريها ولاتعطينها ويه واذا ماعندج يهال وديها المكتب احسن لج استانسي ويا زوجج واخذي راحتج في البيت ونصيحتي لاتجيبين مره ثانيه من هاالسود المخنزات جيبي اندونيسيه افضل

 

[مسك الجنان]

تسلموووووون بنات على ردودكم وعساكم على القوة

بالنسبه لحاجتي لها انا زوجي دوامه شفتات وصعبه مرات اروح انام بيت اهلي لانه بيتهم بعيييد عن دوامي

أختي العزيزة seule 12 انا ماقلت لازم تكرف ليل نهار بالعكس انا اخاف الله في الخدم
بس قهر تردين تلقينها تاكل حب وتشوف التلفزيون وطول النهار فاضيه بالنسبه للاكل زوجي مو اكول ومايحب الصواني والخرابيط واذا على سالفه انها تدور بيت ثاني بالعكس تقول لشاغلات اهلي انها مرتاحه ماكو شغل وتبي تقعد اذا انتهت مدتها

 

[مسك الجنان]

ساندي حبيبتي اهي طباخه بس المشكله زوجي عنده اهم شي الغدا والباجي خفيف يعني مرات يقول مو لازم عشا خبزه وجبن وخلاص

flana عمري وربي صاجه انه غثا بس ابشرج الحين الزمت حدودها

بنت الحزن ,,, عسا ربي بهالثلث الاخير من الليل والدعوة مستجابه يترس حياتج افراح محتاجة وجودها معاي لان زوجي دوامه شفتات وصعبه اروح انام عند اهلي كل مره مو محتاجه لشغلها والله حبيبتي الاسطوريه اخلي تغسل الصبح بس شفت الملابس يقلب لونها وخاصة الداخليه الابيض يقلب رمادي ( الظاهر الملابس كلها درب واحد الداخليه والخارجية والشؤون بعد ) عصبت الصراحه وقلت ماتغسل الملابس الا وانا موجوده والكوي الصبح وبالنسبة للارضيات سجاد جام زين سراميك ولا رخام
وفكره انها تسوي كلف للبدلات رووووعه انا شاريه قطع خام روووعه من شنوده وبخيطها ان شاء الله وبخليها تسويلي عليها تركيبات

دانه اخاف اقولج شي تقولين عطيني عنوانج انا بزفها لج لوووووووووووول

قبل تفتح الباب لزوجي وهالابتسامه الي من الاذن للاذن وسلام عليكم بابا بس وريتج فيها زفيتها وقلت لاتبطلين الباب انا اللي ابطله ومن عقبها تابت

بس هم تتضايقين اذا كانت طول النهار حب وتلفزيون لاشغل ولا مشغله

 

[مسك الجنان]

انا كويتيه بيت اهلي بعيييد عن شقتي يعني صعبه كل يوم اوديها وبيني وبينج امي ماتحبها :

filakawiya حبيبتي صاجه انا خوفي انها تطلع من الشقه وتروح على كيفها وانا مره استاذنت من الدوام ناسيه شغله مهمه ولا الملابس كلها بالغساله ملابس زوجي الداخليه وملابسي ودراريع البيت والدلاغات بس وريتها الشغل العدل

بس اللي مصبرني عليها حاجتي لوجودها لان زوجي مايرضا اقعد بروحي بالشقه اذا عنده شفت وصعبه يوديني كل مره دوامه بعيييد عن بيت اهلي

ام الورود وربي مت من الضحك تذكرت بساط الفقر لوووووووووووووول

وربي جنج شايفتها سووده بس شسوي ما اقدر اردها الحين جان زين بالعطله اذا ماتعدلت على عطله نص السنه اقدر اردها واشوف غيرها


مشكووووووووووورين حبيباتي لاخلا ولا عدم واسال الله العظيم رب العرش العظيم بهالساعه اللي يتنزل فيها السماء الدنيا نزولا يليق بجلاله ويساال عباده من يسالني فاعطيه اسال الله ان يمنع عنكم الشر ويرزقكم من الخير كله عاجله وآجله
آمين يارب العالمين وصلى الله على سيدنا محمد

 

[الغاليه نونو]

شوفي حبيبتي الخدامه ترا وحده من مسؤولياتج بالبيت اول شى انتي غلطانه يبتي خدامه ورزيتيها بالبيت لاشغله ولاامشغله اقصاكم نفرين انتي وريلج شكو يابتها واذا انتي صج صج محتاجتها علميها علي الشغل من قلب علميها النظافه والسنع ولاتعطينها مجال تجابل التلفزيون ليل نهار عندج كتب المطاحن يبيعون المجموعه بدينار ونص ومترجم بكذا لغه سويلج مينيو خاص من هالكتب وخل تتعلم تطبخ وتسوي هالشغلات الطيبه من الكتب واذا غاثتج انا اقول وديها بيت امج والا بيت اهل ريلج خل تحتك بالخدم وتكرف وياهم مهما كان البيت العود الشغل فيه اكثر من الشقه ولما اييلج البيبي تالي ييبييها البيت عالاقل عندها خلفيه بكل شى وعلي سالفة التطنز جعميها ولاتعطينها ويه وخدامتج نوعيتها من اللي يخاف مايختشيش علي قولتهم
دققي بالاماكن اللي تحتاج تنظيف مثل تحت الزوليه او ورا المكتبه مالت التلفزيون شوفي الارفف شوفي فوق الكبتات بالمطبخ وبالغرف شوفيها نظيفه والا شغلها من فوق لي فوق والثريات شوفيها تمسحهم والا لاء يعني لازم تدققين بكل شى وبعدين عالستلايت انتي قفلي الريموت ماتقدر تشوف فيه اي شى ولي بغيتي تطلعين قوليلها تلف سمبوسه تسوي لج معجنات ورق عنب اي شى تبينه ومن رايييي حطي كاميرا مراقبه سبحان الله هذى ينخاف منها لايكون وانتو موبالبيت تسوي افلام هنديه من وراكم ديري بالج ياقلبي وخليج حريصه علي بيتج

 

[كلي تفاؤل]

الخدامة اذا قعدت لاشغلة ولا عملة اخربت...

انا اقول اقلعيها وجيبي غيرها علميها من الأول ان التلفزوين ماكو وانها تقوم تمسح الطوف لو ماعندها شغل لاتخلين ايدها فاضية لآن لو فضت ايدها زاغت عينها لبره يا للدكاكين رايحه رادة او تقعد بس تراقبج شتحطين وشتسوين...او تستلم التلفون

ودايما ادعي ان الله يحفظج وزوجج من شرها لآن الخدامة لو قعدت فاضية مصيبة ...

وهذا مو معناته تكرفينها ليل نهار لآ ..اكيد يكون لها فترات راحة

 

[aBoOoRa]

حبوبه عادي الخدم كلهم جذي وهي مو مشغوله يعني تسوي شغلها ولما تخلص تقعد بعد شتسوي وين ترووووح .؟؟؟

على طوله اللسان علميها ان مايصير ولازم تحترمج بطرق لينه عشان ماتنحاش وتبوقكم وانتو مو بالبيت وبعدين دام ماعندج عيال ليش عندج خداااامه ؟؟؟؟​

 

[أم بدير]

بالنسبه لي طول ما الشقه صغيره وماكو بيبي ليلحين (الله يرزقكم فيه عن قريب انشالله) ماله داعي الخدامه
بس دام تقولين دوام ريلج شفتات وماتقدرين تروحين بيت اهلج ومعتازه وجود احد معاج بعد شتسوين
بس انا عن نفسي اهم شي عندي ان الخدامه تحترمج وماتطول لسانها..اذا لسانها طويل استغني عنها وييبي غيرها ولا عوار القلب
اما بالنسبه عن مجابلها التلفزيون... انتي تقولين ماكو شغل شتسوي وعليه؟؟ تجابل الطوف؟؟
اذا خالصه شغلها كامل بدون تقصير خليها تطالع التلفزيون طول ما انتي مو بالبيت بس اذا وصلتي خل تطفيه احتراما لكم لأن بيني وبينج هم اهم أوادم ويحسون بملل اذا فاضين ماعندهم شي يسوونه​

 

[قهوة عربية]

حبيبتي ..حطي لها تلفزيون صغير بالمطبخ وعلقيه بالطوفة ..وحطي له قنوات معينة ترتاح لها ...

وكنترول الصالة كل ماتطلعين حطيه بدارج وقفليها ....
شوي شوي ...طلبي منها تقعد تلف سمبوسه ....تلف كبب ...ورق عنب

كله وهي مجابله التلفزيون بالمطبخ ..منه يونسها ومنه تشتغل وتكرف وجيبي لها كتب المطاحن المترجمة مثل ماقالوا البنات..وخليها تتعلم وتبتكر بالطبخ ...بس ها ...علميها مو تلعب بالنعمه

وامدحي طبخها إذا ياز لج وكان حلو عشان تغتر وكل شوي تحب تطبخ

وعلميها على شغلة معينة بالأسبوع

يعني السبت تنزل الدرايش وتغسلهم وتمشهم وتشطف الغبار منهم بمكنسة الكهربا

الأحد تنظف الغنفات والكراسي ومكتبة التلفزيون وطاولات التقديم وتمش الطوف

الأثنين تلمع الأرضيات والستاير والثريات والأباجورات والخشب اللي بالبيت

الثلاثاء تغسل الهدوم وتكويهم وتنظف الكبتات من الداخل

وجذي تضمنين أنها ماتكون فاضية وتييب لج مشاكل

حتى لو ماعندها شغل قولي لها خذي تب وحطي فيه ماي وصابون وديتول وخل تنظف أرضيات الشقة من بره والدري صوب شقتكم عشان يلمع

وييبي زرع بالبيت خل تهتم فيه وتسقيه وتقصص الميت منه وتهذبه

 

[Vampira]

اختي اول شي ودي اعرف ليش امج ماتحبها؟
ترى الامهات يحسون