مشكلتي مع نتف شعري

[Broy]

السلام عليكم

كويتيات انا عندي مشكله مضايقتني حاولت وايد ابطل من هالعاده القشره بس ماكو فايده

المشكله اهيه اني انتف شعري طول ما انا قاعده انتف في حتا الفراغات زادت
و اشوفه واقول اخر مره ماني عايدتها و ارد وانتف في ...................... قبل كنت اكل اضافري
و فجاءه بطلت من هالعاده وصرت انتف شعري ههههه الي تعرف تعطيني حل مشكورين:eh_s(*):

 

[*E.B.D.A.3*]

انا كنت اكل اظافري بشغف ههههه
قدرت اتغلب على هالشي بدون نصيحه احد ..
عن طريق اني اشغل ايدي بأي شي ثاني اذا ابي ااكلهم ،،
على سبيل المثال ولا تضحكون ههههه
اخذ الملقط وانا مجابله التي في او اي شي .. واقعد احط الحرة بويهي
اشيل الي بين الحواجب ، الي في يبهتي .. الي صوب الشنب ههههههه
وبدون لا اطالع بمنظرة ..
يعني بس متنحه بالتلفزيون، وماسكه الملقط واقعد اشيل بشكل عشوائي !!!
ليمه نهائيا نسيت ان عندي اظافر ..
وبالجهه المقابلة ربحت ان ويهي يلق من كثر ما اقعد اشيل

 

[مدّهره !]

لاحول ولاقوة إلا بالله


عادة شينة يختي حاولي تتركينهااا

لأن لو ماوقفتِ راح تتطور وتصلعين والناس تنتبه إنك تآكلين أظافر وتنتفين شعر


وعاااد حليهااا السسيرة العطره اللي بيسوونها عليك ههههه

 

[M!SS.LOBY]

حبيبتي اذا يتج الحالة استغفري ربج وتعوذي من الشيطان

 

[ورد الفلا]

اختي شعرج تاج جمالج المفروض تحافظين عليه

يعني لو نتفتي شعرج بتحلين المشكلة مثلا ؟؟؟ الله يهديج خلي في ايدج مسبحة وكل ما توترتي اذكري الله و التسبيحات

او خلي معاج صندوق مليان كريمات روحي لطخي جسمج بالكريمات علشان بشرتج تصير رويانة

واهم شي تحاولين تخففين التوتر عن حياتج يعني لو في شي يوترج لا تفكرين فيه ابد ابد

الله يسهل عليج

 

[Patcholli]

ليش اختي تنتفين شعرج ؟؟

شلون يعني تكونين معصبه او متظايقه ولا بس جذي بدون سبب ؟؟

حرام يعني جذي راح تصلعين وراح تخربين راسج

الحل انج تسيطرين وتتحكمين بروحج يعني ركزي انج ماراح تسوين هالشغله

ولهي روحج بشي ثاني خليه بيدج وانشغلي فيه

 

[عـيّــآره]

يعني انتي تحبين العوار اللي تحسين فيه وانتي تنتفين شعرج !!​

 

[dalou3a]

حبيبتي مثل ما قالت الأخت اول ما تتوتري سبحي و استغفري و ان شاء الله البطلين هالعادة لانها أظن من التوتر

 

[كنوشة 2009]

ديري بالج ترى مع الوقت راح تضعف جذور الشعر
وتصلعين احسن شي انج تلبسين اشارب او حجاب حتى
وانت قاعدة البيت لما تتعودين تتركين هالعادة القشرة
انا عندي تاكلين اظافرج ولا تنتفين شعرج

 

[granted]

هذا اسمه هوس نتف الشعر
Trichotillomania
هوس نتف الشعر - ويكيبيديا، الموسوعة الحرة

 

[Broy]

واااااااي بعد قلبي كويتيات رديتو علي

انا مشكلتي اني كل ماسهيت او سرحت ايدي بروحها
تتسلل حق شعري ههههه الله يقدرني و اوقف عن هالعاده القشرره
ياتني فتره سيطرت على الوضع وشعري صار حلو والفراغات تعبت شعر والكل لاحظ
بس من يوم سافرت امي تعالج نقسيا تعبت ورديت على الموضوع اففف الله يعين

 

[Broy]

لازم احاول اصفي مخي من التفكير عشان اقدر اسيطر على الوضغ

 

[Broy]

هذا اسمه هوس نتف الشعر
Trichotillomania
هوس نتف الشعر - ويكيبيديا، الموسوعة الحرة

انا عندي الاندفاعي خخخخخ :eh_s(1):

 

[ورد الفلا]

غلط الي تسوينه
ترا الموضوع بايدج وقفيه من الحين
حطي القرار بداخلج وتعوذي من ابليس ..

 

[جذابه بنت ذيابه]

اشغلي ايدج بشي ثاااني

 

[مياوي ديسمبر]

كلامي من كلام الاخت ورد الغلا

 

[كيوت للابد]

لي صلعتي تعالي كتبي موضوع ابي حل حق مشكلة شعري

 

[غــايــه]

هذا ترى توتر وأعصاب
إذا إستمريتي فيه بتصلعين
مثل ما قالوا خواتي أستغفري وتعوذي من إبليس

 

[قلب زوجي وولدي]

ليش تنتفين شعرج خبله ؟؟؟

لا تزعلين بس سيطري على نفسج حبيبتي مو زينه هالعاده


​

 

[أمي قرة عيني]

الله يهديج ويوفقج