مشكلتي مع هالشي؟؟ شنو الحل؟؟

[ana almessa]

السلام عليكم ورحمه الله وبركاته
حابه ارجعكم لذكريات (ايام شهر العسل )؟؟ وكيف تعاملتم مع هالعلاقه الخاصه؟؟
سؤال محيرني هل كل وحده ببدايه زواجها (3 شهور الأولى ) لازم تحوشها الألتهابات لو انها تكون مهتمه بنفسها وبنظافتها الشخصيه ؟؟؟
للاسف مالي خوات اسئلهم بالسؤال هذا وخايفه من هالشي ؟؟
انا الحمد لله ماأعاني الأن من اي التهاب او تحسس ومحافظه على نظافتي الشخصيه ولا استخدم شي ابدا لذيك المنطقه (لا غسول ولا ملح ولا غيره) الحمدلله بس خوفي بعدين شنو يصير ؟؟
اسمع رفيجاتي يشكون من الألتهابات المزمنه والرائحه الكريهه ويقولون شييي طبيعي ببدايه زواجج يصير معك هالأمور عاادي؟؟لاتحاتين؟؟وشلون ماحاتي ؟؟
وحبيت اعرض مشكلتي بقسم الحياه الزوجيه لان اغلبكم مضى على زواجها فتره موهينه واكيييييييد عندكم تجارب وخبرات ونصايح تفيدوني فيها ولكل وحده مقبله على هالحياه الجديده
اعذروني بس كل همي ماابي اكون (إمرأة بإلتهابات)الحل شنو؟؟؟
اللي في بالي ازهبه معي(شويه ملح مع المره) وغسول للمنطقه خلاصه البابونج(انتيمنت)
افيدوني لاهنتو ؟؟؟
سؤاااال حده محرج بس مشغلني واجد ؟؟(كم يبي لك يوم عشان المنطقه يلتئم جرحها )؟؟
بلييز لاتقولون 3 ايام ماراح اصدق بليز ؟؟ لأن سمعت ان مشكله الألتهابات تجي من هالشي (منطقه مجروحه واهمال وفوقه تخلي الرجال ياخذ راحته)؟؟؟
عطوني نصائح جيده تبعد عني شبح (الألتهابات)؟؟؟:eh_s(2):

 

[ام فواازي]

مو صحيح مو كل عروس تجيها التهابات انا ماجاتني و لا كنت احط لا مره وملح ولا غسول اصلا الغسول مابديت استحدمه الا بعد ولادتي الاولى
ترى لو كنتي مهتمه بنظافتج وزوجج مايهتم بمنطقته ممكن يسبب لج التهابات فنصيحه اخذي غسول وخلي زوجج يستحدمه معاج عوديه انه ينظف هالمنطقه عشان تتفادون الالتهابات انا الحمدالله قبل كنت غشيمه ماافتهم بهالسوالف بس الحمدالله زوجي كان مهتم بنفسه من غير مااقوله وبالنسبه للجرح على حسب الزوج وطريقته بالجماع اول الايام اذا بقوه وخشونه يعني مايفتهم ممكن يسبب جروح وايد بس اذا زوج فاهم واعي بيجي زوته بحنان و هدوء ماراح يسبب جروح وايد يعني ممكن تلتئم خلال 3 ايام الى 5 ايام
الله يوفقج

 

[حرم_الغلا]

ااااب


اااب

 

[om 7sony]

شنو الجرح ؟؟!!!!
امبيه انا ما حسيت اني انجرحت !؟؟؟

بالنسبه للالتهابات ،، لا مو ضروري يصير بكل البنات
انا ما حاشتني التهابات
المهم تغسلين بغسول طبي مره او مرتين بالاسبوع ( دام مافي اي التهاب،، كوقايه بس)
والله يوفقج يا رب

 

[shy rose]

لاجرح ولاشي
الالتهابات عشان ماتجيك
يبيلها نظافة شخصية
تغيير الملابس الداخلية مرتين ياليوم
تجفيف المنطقة الحساسه بعد الخروج من دورة المياة
وخلي زوجك يهتم بنظافته ولا تستخدمو كريمات وقت الجماع خلو كلي شي طبيعي ..

 

[ام كوثر2007]

كل اللى بقولج اياه مثل ما قالت ام فوزي .. كثر ما انتي نظيفه وريلج بعد لازم يكون نظيف يعني المنطقه الحساسه ..


الالتهابات ما راح تكثر عليج .. لكن صدقيني الالتهابات شي لابد منه .. حتي بالحمل تحوشج التهابات عادي لا تحاتين يقلبي


لحين الطب تطور في تحميله وحده يعطونج ايااها الصيدليه بس تحطينها يروح عنج كل شي وجنه مافيج شي ..

لا تخافين ترا هالامور جدا بسيطه وما تحتاج انج تحاتينها . عسى الله يسهل عليج امورج ان شاءالله

 

[ام الدرر]

حبوبة البنات ماقصرو
لاتسمعين كلام اللي حولج
ما شفنا الالتهابات الا وين
اهم شي الوضوء بعد الجماع
حتى لو مانويتي تغتسلين يجنبج باذن الله الالتهابات

 

[ضبيه]

مآزيد شي على كلآم آلبنآت
آهتمي بنظآفتج وغيري ملآبسج آلدآخليه بإستمرآر
وحرصي على آنج تعودين ريلج يستخدم ويآج آي غسول طبي
وآلوقآيه خير من آلعلآج

 

[❀ريميه❀]

الالتهابات مشاكلها وايد ماتخلص
الله يعيينا بس أتوقع الملح زين لانه معقم
الله معاج حبيبتي

 

[شقاوةحلم]

لازم ديتول عشان الجرح تشطفين فيه اول الايام وعادي الجرح يطول نزيفه
اهم شي نظافتك وتجيبين غسول طبي تشطفين فيه مره كل ثلاث ايام او كل اسبوع علي الاقل اسالي عن الغسول بعض الغسولات تمنع الحمل
الملح الخشن مع الماي الدافي حلو وينظف
اهتمي بتعطيرها عشانك عروس..،،
هذا اللي عندي اعرف اشياء تنظف بس ماتنفع لك عشانك عروسه 
بالتوفيق

 

[فوفو22]

يا ماما

الالتهابات مو غشمره تعالجينها بالبيت

جايز تكون التهاب فيروسي او جرثومي او بكتيري

كل واحد له علاج وحل ووصفه مختلفه

مابين مضاد حيوي او كريمات او غسول

اما العنايه اليوميه كمتزوجه فالغسول اللي عندك ممتاز

فوفو

 

[مريومه النزغه]

اب للافاده

 

[جوانا2010]

الحمدلله انا ماجاتني الالتهابات الا في حملي
ولا بداية زواجي ماجاتني ولا شكيت منها الحمدلله
وكنت استخدم غسول طبي مره بالاسبوع
ومويه وملح 3 مرات بالاسبوع او مرتين...

 

[modern]

لا مو شرط ابدا اهتمي بنظافتك نا يصير عليكي شي باذن الله و مبروووك

 

[ســتارز]

احيانا تصير الالتهابات للعروس بسبب الاحتكاك مو سببه قلة النظافة وعلاجه سهل من الدكتورة

 

[!الجادل الصعب!]

في التهاب يسمونه الدكاتره التهاب العرائس >>> كلام دكتوره لي مو كلامي

هذا سببه ان المنطقه بعد المعاشره تكون مكشوفه شوي لاول مره بحياتهاوهالشي
جديد عالبنت وعلا جسمها فتكون معرضه للالتهابات ..
ونصحتني الدكتوره بشغلتين شوربة الشوفان واني ماحصر نفسي تكرمون عن الحمام
عشان مايحوشني هالالتهاب ..
واعراضه حكه وعدم تحكم بالتبول وعلاجه حبوب وكريم مضاد


وسلامتكم هذي معلوماتي عن هالشي

*

 

[popa]

عشان ماتصير فيج التهابات اول شي تسوينه عقب العلاقه تحاولين تكرمين (تبولين)
حتي لو تحسين ان مافيج حتي لو نتفه
ماراح تصادفج اي التهابات لان انتي طردتي السموم والعوالق
وعقبها تشطفي بماي دافي واذا عندج نوع غسول استخدميه

 

[حلاتي بندرتي]

أنا اقول تستخدمين بس الغسول وأي شي يصير لاسمح الله تروحين للدكتورة لان هنا لمنطقة مؤ لعبة وان شاء الله ما يصير فيج شي..

 

[ana almessa]

تسلمون والله يوفقكم للخييييير دوما
أرتحت من هالسالفه وأن شاء الله أخذ بنصايحكم
سوووري ماني قادره اشكر كل وحده علقت على الموضوع لإنشغالي بالتجهيز وما ادش المنتدى إلا قليلي اعذروني
استفسار صغير (عادي في الأيام الأولى أستخدم مسك الطهاره مخفف بالماء كغسول وإلا اتحاشاه لو كانت المنطقه مجروحه )؟؟؟؟؟