مشكلتي مع هرمون الحليب تعالوا بنات ساعدوني

[نسيانك صعب]

مساء الخيير لاحلى بنات في العالم حبيباتي انا بقولكم مشكلتي مع تاخر الحمل عندي والي مرت بنفس المشكله تساعدني وترد علي انا يابنات صارلي متزوجه 5 سنوات بعد اول شهرين زواج حملت في بنتي حبيبتي الحمدالله والحين بنتي عسى الله يحفظها لي كملت اربع سنوات المشكله اني من ولدتها ما استخدمت اي مانع اللهم اني اتبعت طريقة العد وبعد ماكملت سنتين قلت خلاص الحين اهد العد وانطر الحمال نطرت تقريبا اكثر من 6 شهور ومابين شيء قلت اراجع عند دكتوره اشوف شسالفه سويت تحاليل طلع كل شيء اوكي الا هرمون الحليب مرتفع وظليت انزله ويرد يرتفع انزله ويرد يرتفع وللحين كملت بنتي الاربع وانا مع هرمون الحليب وعالجه ولين غيرت الدكتوره ورحت حق دكتور اردني غيرلي طريقة استعمال العلاج وتوني مابلشت اتمنى ان شاء الله القى نتيجه مع هالدكتور تكفون بنات اي وحده عندها خلفيه عن هاالموضوع تقولي وطمني لاني حدي بنتي كاسره خاطري احس تبي احد يونسها وحتى انا اشتقت للحمال حييل دعواتكم بنات وعسى الله يرزقنا ويرزقك كل محروم ........

 

[البدايه 23]

الله يرزقج ويرزقني يارب انا مشكلتي عندي تكيسات غير عنج والله كريم يالغاليه

 

[*وردة السعوديه*]

علا هرمون الحليب ينحصر في امور
تجنبي التفكير
تجنبي الدجاج والبيض كل البلاوي فيهم

عليك ثم عليك بالبردقوش 3مرات يوميا

 

[أحلى^حياه]

حبيبتي انا كان عندي الهرمون عالي والدكتوره عطتني حبوب اسمهم اعتقد دوكستين اللي نص حبه بالاسبوع مرتين
والحمد لله نزل
لا تحاتين والله يرزقج و يرزقنا معاج

 

[غيـ الناس ـر]

حبيبتي يمكن انتي مثلي .. انا عندي ارتفاع مزمن .. كنت جذي اخذ حبوب ينزل وعقب شهر يرد يرتفع .. سويت اشعه رنين لراسي للغده .. وطلع معاي مزمن .. فالحين اخذ نص حبه بالاسبوع ليما احمل


شوفي لج دكتور شاطر .. انا نداء اللي اكتشفت هالشي فيني

 

[كويتيه مذهله 87]

الله يرزقج قريب ياااارب

 

[¤§ زيتونة §¤]

حبيبتي


ماكو على حبوب الدوستينيكس اعتقد تقصدهم الاخت اللي قبلي


حبة تقسمينها نصين : نص الاسبوع نص حبة واخر الاسبوع النص الثاني


عجيبة تنزله بسرعة ماشاءالله انا مجربتهم للامانة واااايد فادوني

بس ترى غالين شوي حبتين ب8

4 ب16



وشوفي حسب حالتج عاد




ما تشوفين شر وموفقة

 

[نسيانك صعب]

مشكورين ياقلبي انا استخدم الدوكتنس نفس الاسم الحبوب الي قلتوا عنه نص حبه مره بالاسبوع مده شهر بس الحين الدكتور الثاني قالي ماينفع اخذيهم نص حبه مرتين بالاسبوع مده شهرين متواصل وان شاء الله خييير مشكورين ياقلبي والله يسر علينا ويرزقنا ويرزق كل محروم