مشكلتي مع ولدي يويو مو وحده ولا ثنتين -.-

[GucCiQ8]

السلام عليكم

شلووونكم شخباركم كويتيات ادري قطعت عنكم واايد بس والله لاهيه ام الياهل مالها وقت
الله يخليهم لنا يارب

الله يسلمكم يسووف اوليدي متعلق فيني لدرجه ماتتوقعونها وحاولت وحاااولت ولكن ماكو فايده كنت بكمل دراستي وماخلاني كنت كل ماارد على نفس البجيه وماياكل ولا يشرب عند اهلي وقاعد يم الباب ينطرني وبس يصيح والحين اشتغلت بحضانه واهو وياي وللاسف مازاال معلق فييينييي ينني خليته بصف الصغيرونين وانا صف الكبار يبجي يبجي بس مااتحمل يعورني قلبييييي وخصوصا معاه فتاق بسرته فموزين عليه البجي الزياد يزيدها بدال لا تروح
ومشكلته الثانيه الحين عمره سنه وشهرين ومازال يمص المصاصه حطيت عليها مره وصبره عادي ماعنده اي اشكال يمصها ويمشي ومايأثر فيه وماقدره اقطعها منه
ومشكلته الثالثه ماياكل كل شي حاولت وياه ماياكل عدل وعصقووول بالغصب ياااكل واكثر شي يفضل البطاط المقلي -.- والمشكله الاشياء الاكثر افاده في حساسيه منها لانه في اكزيما مثل الموز والبيض والسمج والفراوله والمنجا و... الخ


والله تعبت مادري شسوي ساعدوني خواتي وشغله ثانيه هل بعمره يحتاج اقطع عنه المميه؟؟؟ ​

 

[تعبني البطى]

الله يعينك..

 

[هيبة الطاووس]

شوفي حبيبتي من تجربتي وشوف عيال اخواني مادام ما ياكل خلي المميه

والحليب أحسن عالأقل كالسيوم للعظم ولا تغصبينه على شيء ما يبيه

مااشاء الله عيال اخوي اللي على المميه وعلى كيفهم شحلات جسمهم

وشوفي الكبير عصقول ولا يحب يشرب ولا ياكل بسبب غصبوه على الأكل


وبعدين لا تنادين ولدج يويو هذا خادم فرعون اسمه يويو

 

[BaLLoNa]

واااي قوجي وحشتينييي . حرام توه صغير تقطعين عن يويو الممية اهوا لسنتين جسمه محتاااج حليب والكالسيوم الي فيه اصلا كنت اقول حق دكتورري ولدي ماستحي وماسحي الاكل ، قال لي مو مهم اهم شي يشرب حليبه جسمه بهلسن محتاج حليب بس والاكل مو مهم كثر الحليب *

 

[love-latee]

هلا حبوبه
اولا عادي سالفه تعلقه فيج خليه توه صغيرون وقعدي يمه وخليه يلعب بالغرفه بالعابه
والمصاصه تو الناس بعد عادي خلييه يستانس فيها ههههههه
والمميه بعد
انتي وايد ماذيته(يعني مو اهوا ههههههه)
ولدي بعمر ولدج ونفس الحاله بس عادي مافيها شي

 

[SaD FaCe]

يمكن لانج ماعودتيه من اهوه صغير ان يكون اجتماعي ومع الكل

أنا ماعندي خبره لأني ام يديده بس احس تو الناس تقطعين المميه خليه مرده راح يقطعها

عوديه شوي شوي يشرب بقلاص و العصير من قوطي العصير نفسه والعود

 

[خفايا البحر]

بخصوص المصاصه انا قصيتها واهو يحاول يمص وماايقدر يعنى قطعت منها شوى وكل وحده اجيبها اقصها لين اقطعوها وكروها

 

[بـاسي قــوي]

انا ولدي نفس حالة ولدج ماياكل و حتى الحليب احس صار يكرهه يااربي مضيق خلقي

 

[Om_3bady]

انا قطعت المصاصه والمميه من صار سنتين,,, المصاصه وحلمات المميه قصيتهم من النص واعطيه عااادي بس كرهها من اول ماحس فيها تغيير ومن صار سنه وشي قمت اوكله من غدانا
فولدج توه نونو عنونو حرام تقطعين المميه الحين اما المصاصه سهاله باي وقت تقطعينها بشرط تقصينها

والاكل امشي معاااه اشوي مع خضار اصلا ياكل من غداكم بعد اذا مسويه مرقه دياي او لحم مع بطاط وعيش هرسيه الاكل عشان ياكله ​

 

[جذابه بنت ذيابه]

يا قلبي انتي ..

اذا على انه متعلق فيج خليه وياج شنو تسوين بعد ,, ومع الايام بيفج هو من نفسه
وبالبيت لا تقعدين وياه يعني حطي له العابه وشغلي له بارني وهالسوالف وخليه يتابع بس لا يشوفج
بالغرفه يعني روحي نظفي ارتاحي عشان ما يتعلق فيج اكثر ..



ومن ناحية المصاصه انا خليت ولدي يستمتع فيها لووووول ,, اشوا بنوتي ما تحبها حييل

واذا تبينه يقطها قصيها بالنص واذا اسألج قولي خربت


وعلى الاكل عطيه عيش مصررري يمتن وعطيه عصاااير وفواكه على شوي شوي
وبطاط مقلي يمتن بس لا تكثرين له الدهن ,, وكل يوم حببيه بالتوست والصمون




وعسى ربي يخليه لج وتشوفين بره يا رب



ادعيلي الله يهدي زوجي ويخلي لي اعيالي

 

[دانة بعين بحاري]

توه صغير حرام تقطعين المميه
خوفج تقطعينها عنه ويبطل يشرب حليب
حاولي بالاكل عطيه العيش والخضار
ومساله انه متعلق فيج عادي بيكبر ويفجفي يعال وايد يتعلقون بامهاتهم وفي يهال لا
انا ولدي يتله فتره تعلق فيني بس الحين صار عادي عمرع سنتين

 

[ام ميميتو]

حبيبتي المميه لي السنتين اما المصاصه المفروض من 5 شهور تقطعينها مو زين عشان اسنانه حراااااام لا تخلينه يبجي بهالعمر اعتقد عادي يتعلق فيج وايد بس لي السنتين او ثلاث سنين يتعود الله يخليه لج انشاءالله

 

[fdeet_shosho]

حياتى ولدج توه صغنون تو الناس عليه عمرة الحين سنه وشهرين تو مايعرف الحجي ولا يعرف يقعد بروحه طبيعي يتعلق فيج
اسم الله عليه كبر ولدي الحين نطري عالمصاصه دام توه صغير لما يتعود على الاكل ويبدي ياكل اهوا بروحه بيقط المصاصه اشترى من سنتر بوينت قلاصات الاطفال فى ملونه وباشكال وتصير مثل المميه وفيه الشبك مال الفواكه بالوان حطيله جدامه وخل يلعب فيها ويشرب منها مع الوقت بيحب هالسوالف والله يعينج

 

[GucCiQ8]

فديتكم ماتقصرووون والله ريحتوني توقعت انا ام مااعرف ااعلم ولدي الصح لوول
وان انا الوحيده الي غلط وهاملته ومخليته لي الحين عالمصاصه والمميه جزاكم الله خير والله ريحتوني

 

[barbie girl]

توه صغير

ما شفتي ولدي هههههههه اشكبره للحين متعلق فيني

بس انتي يمديج تعدلين سلوكه في امل

بس شوي شوي فجي عنه مو فجأة تصدمينه 5 دقايق - بعدين ربع ساعه وزيدي بس لما تفجين عنه اشغليه بشي عشان ما يتذكرج وخليه بقروب اطفال

نصيحه من الحين عوديه يصير اجتماعي ويفج عنج