مشكلتي من صغري

[قمولة]

السلام عليكم
شلونكم بنات
انا اعاني مشكله بالثقه بالنفس ماشوف ولا شي زين فيني لا بالشخصيه ولا بالشكل ومن داخلي نضره وايد سلبيه حق نفسي ومع اني مقتنعه تماما مافي انسان ينولد الا وفيه نواحي ايجابيه ونواحي سلبيه بس انا مااشوف بنفسي غير النواحي السلبية طبعا بسبب عوامل تاثرت منها من الطفوله وتجارب عده المهم محد علمني اني لازم اكون لي شخصيه واعبر عن رايي بعني بيتنا من احنا صغار ماعندنا حريه الراي وكل واحد وشخصيته وميوله كلشي بالاجبار فاثر هالشي فيني وايد الحين احاول اعبر عن رايي بره البيت بالمدرسه او الاماكن الثانيه احاول انفتح اكثر عالعالم بس وايد لاقيه صعوبات بهالشي كان صعب علي حتا تكوين الصداقات بس بحمد من الله قدرت اطور نفسي شيئا فشيئا بعد دخولي الثنويه زادت صداقاتي بس اواجهه مشكله يعني اذا في مجموعه كبيره من البنات وقاعدين يسولفون مع بعض وانا معاهم ما اعرف اتكلم اتوتر وارتبك واحس اني وايد مستحيه طبعا ما تكلمت عن خارج البيت دايمن يقولون حلاه البنت بحيااءها بس الشي ان زاد عن حده تمصخ السالفه يعني اذا رحت جمعيه بحاسب وبروحي وراي ناس ناطرين ارتبك ارجف شوي عفيه ساعدوني بنات كبرت ولازم اتغير لي متا اتصرف جذي

 

[Tom ♥ Jerry]

.


up up

 

[عتآق الخيل]

وعليكم السـلآم حبيبتي
المشكله حلها انتي بنفسك قلبي
1- اقري كتب عن حالتك لانه امر طبيعي
2- جربي تختبري امور جديده عليك اكسري روتين الخجل الزآئد
3- حـآولي تعملي افكـآر للبيت والعائله جمعه بنات وهكذا
4- تفائلي واي امر يكسرك ارجعي واعرفي كل خطا تتعلمي منه
ومسالة وقت والامور بيدك غلآتي
ربي يحفظك.~

 

[(*ام عهــــد *)]

رددي دايم اللهم احلل العقده من لساني ليفقو قولي

وهذي نصايح لج واذا توكلت على الله وطبقتي الافكاار
راح تلاحظين التغير الكامل واستعيني بالله ......

يمكنك تعزيز ثقتك بنفسك وذلك من خلال اكتشاف القوة

الكامنة داخلك ، وهناك عشر نصائح يمكن الاستعانة بها لزيادة الثقة بالنفس :



* افتح عقلك للأشياء الجديدة وحاول تجربة الهوايات التي لم تفكر في تجربتها من قبل، فكلما زادت معارفك كلما شعرت بأنك افضل من قبل.


* عليك أن تصبح خبيراً في أحد المواضيع سواء عن طريق القرأة أو الاطلاع،
وعند ذلك سيأتي الناس إليك لذكائك. * رافق أناسا متفائلين إيجابيين بدل من مرافقة أصحاب الشكاوى
لأنهم يثيرون الإحباط في النفس. * اقضي وقتا هادئاَ مع نفسك كي تريح عقلك وتمنح نفسك سلاما
داخلياً.
* الجأ للتأمل ، أو تمشى قليلاً وحاول أن تعرف نفسك.


* ثق بنفسك في أن تتخذ قرارات صحيحة وبإصغائك لمواهبك فإنك سوف تتعلم الاعتماد على ذكائك الخاص للسير في طريق إيجابي في حياتك.


* اشطب كلمة لا أستطيع من قاموسك واستبدلها بكلمة يمكنني عمله، وكن واثقاً من نفسك بدل من كونك خائفاً.


* واجه مخاوفك وتغلب عليها فكل إنسان له مخاوف.

 

[that night]

البنات ما قصروااااااا و حاولي تاخذين و تعطين مع البنات

 

[عادت ذكرياتي]

استرسلي بالحجي حتى لو توترتي ومرة على مرة ليما تشوفين نفسج عادية ومنطلقة بالحجي


الله يوفقج

 

[جمآنه]

حبيبتي لازم تخآلطين النآآس

وتدرجي واذا رحتي زوآره علقي وشآركي بالحوآآر..

واذا في وحده من قرايبج جريئه طلعي وآيد معهآآ اسوآآق وجي
رآآح تستفيدين

 

[غراوي]

شوفي الناس وقلديهم

مع الوقت بتتقوين

 

[بيلسسان]

حبيبتي يمكن لانج انتي تفكرين بالشي هذا
ووتقولين اما اعندي اسلوب وانا سلبيه
وانا .. وانا .. وانا ..
انسي كل اللي تفكرين فيه
وخلج ايجابيه
قولي انا بنت حيويه والحيا حلو بالبنت
خلج بحياج .. بس زيدي عليه شويه جراه بالكلام "بس مع اللي تمونين عليهم"
اذا احد ساالج سؤال وارتبكتي
فكري بشنو تقولين وبعدين تكلمي

يعني لما تجي وحده وتسالج بشي سؤاء تعرفينه او لا
جاوبي بكل بساطه ولا ترتبكين


اذا ناس وراج بالجمعيه عادي اوقفي واذا حاسب الكاشير
وقال السعر
بكل هدوء طلعي فلوسج من البوك واخذي اغراضج واطلعي
انتي ماكفر لما صار وراج زحمه شي عادي ياقلبي



انتي ازرعي الثقه بنفسج ,, ولا توترين ..
انتي الحمدلله مبين عليج متربيه ومافي شي يخليج ترتبكين

واذا على ان اهلج مسكرين عليكم وضاغطين عليج
اغلب العوايل جذي
من خوفهم على بناتهم
ومن خوفهم على اللي يسمعونه
فـ اكيد وشي طبيعي الام والاب يحافظون على عيالهم

 

[عويتقة]

عسى ربي يفرج همك وييسر امرك ويرزقك بللي تتمنيه ياااارب

 

[دلوعة أبوهآ]

الله يفرج همك ّ

 

[جنون العاطفه]

احتكي كثير بالناس وترى مو مشكله كبيره كثير منا يعانون مثل هالشيء
بس الحل انج ماتكبرين المشكله في عقلج وحاولي تحتكين وتقرين كثير كتب ​

 

[النظال]

كثرة الاحتكاك بالاخرين وخاصة الاهل والاقرباء فترة وجيزة ويروح الخجل

 

[Patcholli]

كنت مثلج حتى مطعم كنت استحي ادق واطلب ومن توظفت وانجرت اتعامل مع الناس واختلط فيهم بشكل مباشر صرت بتاع كلو الحين ادق اطلب حقي وحق الاقسام الثانيه بعد هههههه

حياتي لاتحاتين بس احسن شي انج قاعده تطورين من نفسج

ترى القراءة والثقافه وايد راح تساعدج بهالشي اقري عن تطوير الذات والشخصيه وخلي عندج معلومات حلوه عن كل شي سواء الاقتصاد او طراطيش السياسه او المشاكل الاجتماعيه وعن السوق والموضه واخر الاختراعات سولفي عن مواقفج المظحكه مع اهلج او مع صديقاتي واهم شي ابتعدي عن الحش والنميمه خلي شخصيتج جديه وحاسه بهالامور لاتتهاونين ولاتتنازلين عن مبادئج بسبيل انج تكسبين رفيجات اكثر ..

اتصدقين اعرف بنات يجذبون ويلفون سوالف بس عشان ودها تسولف وتسوي اكشن ؟؟

ماله داعي كل هذا واصلا شي حلو الواحد يكون مستمع اكثر مما يكون متحدث الناس بترتاحلج وبتشوفين الكل يفجلج قلبه ويرتاح انه يفضفضلج

لاتتكلفين وايد بتغير شخصيتج ساعات يكون هذا طبع فيج والطبع يكون حلو واذا حاولتي تغيرين فوق استطاعتج وفوق طبيعتج راح تصيرين متصنعه وايد وهالشي ينفر الناس منج ..

موفقه عمري ولاتنسين مثل ماقتلج القرايه والثقافه راح تساعدج وايد

 

[قمولة]

مشكوووووورين حبايبي ماقصرتو بالرد وايد استانست من ردووودكم الله يوفق كل الي شاركو بموضوعي وبيساعدوني وراح اسعى جاهده لتحقيق النصايح الي قلتولي اياها

 

[dalo0oa121]

انا وانتي شخصيتنا وحدة اللي هي الشخصية التجنبية
هذي الشخصية خصائصها ماتقدر تتكلم امام الناس تحس بالتوتر
خوفا من النقد والرفض يعني لما تشوفين بنات متجمعين ودج تقعدين وياهم
لكن خوفج من رفضهم لج او نقدهم لج مانعج وتحسين ساعات انه الناس
اعلى منج وانتي اقل منهم وشخصيتج ضعيفة يعني ماتعرفين تواجهين الاخرين
وتردين عليهم لاغلطوا عليج هاي اسمها اضظراب الشخصية وانا عن نفسي
كل هالصفات فيني والنقص والشعور بالدونية دايما احس فيه وهالشخصية عيبها
ماتحب العمل الجماعي وتنسحب من التجمعات الاجتماعية وماتقعدين مع اشخاص
الا وانتي متاكدة 100 & انهم متقبلينج ويحبونج صح ؟

 

[el.mlkaa]

طلللعي هالأفكككار من رااسسسج

 

[MISS-CAT]

اول شي الله يفرج همك &&

حبيبتي يمكن انتي مو مختلطه بالعالم كثثثير ع فكره انا كنت نفسك لما كنت صغيره

كنت حيل خجوله وماعندي صديقات ولا اقعد مع اححد

المهم حاولي تصادقين بنات وايد وتعرفي عليهنن اقعدي مع بنات عمك وخوالاك حاولي تقولين كلمه كلمتيين بعدين رح يروح الخجل

خليك عنندك ثقه بالنفس && مافي انسان كامل

وبسس حبيبتي < كثثرت حكيي لووووول :d

 

[البرنسيسه77]

حبيبتي انتي ما فيج الا العافيه لا تكبرين الموضوع اكيد فيج اشياء ايجابيه بس انتي ما تلاحظينها والدليل اسلوبج روعه وطريقة شرحج لمشكلتج اقريها وشوفي عندج اسلوب بس محتاجه الثقه بالنفس وانتي الحين بالثانويه اختلطي مع البنات اسمعيهم وهم يتكلمون قلديهم اقري الجريده كل يوم علشان تكونين ملمه بجميع الاخبار السياسيه والاجتماعيه والفنيه وتكون عندج معلومات وتثقفي لان الثقافه مهمه اقري كتب عن كل شي اهتمي بشكلج الخارجي غيري من شكلج قصي شعرج او قذلتج جددي نشاطج العبي رياضه وانسي سالفة انج سلبيه وحاولي تكونين ايجابيه ولازم تعرفين انتي شنو تبين بالضبط وسويه