مشكلتي من 9 سنين وأول مره أقولها و أتمنى ألقى الحل

[um qasim]

حبيباتي كويتيات
انا لما كنت في الثانويه العامه مع المذاكره و التعب و السهر حسيت انه ودي اقطع شعري من جذوره فجربت مره و مرتين و هكذا يعني السالفه صارت ادمان
الحين انا صرت ام ل 4 اطفال ومستمره على نفس هالعاده
يعني الله معطيني شعر حلو لكن اخربه باديني
شعري صار متقصف بالذات من قدام لاني اقطع من الشعره نفسها يعني يبقى جزء منها ومرات اقطعها من الجذر
احاول امنع نفسي لكن لاشعوريا ما احس الا والشعر مقطع يمي وايدي في شعري
عطوني حل
رجااااااااااااء

 

[حبيبته آنا]

مالج الا معالج نفسي
الله يشافيج انشالله

 

[سلسبيل]

حاولي تشغلين ايديج دايما باي شيء
حتى تقطعين هالعاده

 

[هندو]

وايد عادات جي منتشره >> مثلا اللي ياكلون اظافرهم

انا كنت آكل اظافري بعدين قعدت افكر كل البنات اظافرهم شحلاتها

وانا آكل فيهم الين متــــى ؟؟ وشكلهم يلوع بالجبد .. وانتي هاي شعرج

تاج جمالج .. فلازم تقعدين بينج وبين نفسج وتفكرين شوي باللي تسوينه​

 

[حلاها بلاها]

جربي تلبسين كاب او قبعة تغطين فيها شعرج كل ما شفتي نفسج تلعبين في شعرج

لان حسافة عليه تخربينه والله

 

[um qasim]

مشكووووووووووررررررين
يا عمري تسلمون و الله ما قصرتوا
تدرون انه كلامكم عطاني دافع قوي
وراح اخليه مثل الحلق في اذاني
بس ادعوا لي

 

[مهرة العرب]

أأختى العزيزة هذي حالة نفسيه ..... صعب انك تتحكمين في نفسج

لو سمعتي من اليووم لباجر ...... ماعليج الا الذهاب الي معالجه نفسية تحل مشكلتك

قبل لتطوور ................ والحين العلاج صار سري .........

والله يشفيلك اختي

 

[PuFaK FiCo]

صااجه حلاها .. لبسي شي على راسج لما تبطلين هالعاده كلشي ولا الشعر عاد .. :eh_s(6):