مشكلتي و ابي حل

[احلام مبعثرة]

السلام عليكم
بنات ابي اسولف لكم و افضض
انا متزوجه صارلي سنتين و بعد جم شهر بكمل ال3 سنين
انا كنت احب زوجي و اعشقه و اعشق الارض اللي يمشي عليها
عندي منه ولدين

انا صارلي اكثر من 3 شهور كاشه منه . ما ابيه
بعض الاحيان احس روحي كارهته ..
زوجي كلش ما يحسسني اني اثنى و ابي اهتمام و حب
كله جاف معاي لابعد الحدووود
كلمته اكثر من مره ما نفع و لا تغير
و قمت اتخيل حياتي من غيره و ابي اعيش حياتي من غيره
لدرجه وصلت مرحله اني ابي احب احد
بس و الله ما اقدر لان احترم ريلي و اخاف ربي و مستحيل اعصيه
باي شي
و ما اقدر اتطلق لان مجتمعنا ينظر للمتطلقه ان العيب فيها
و المعامله تصير خايسه
و عندي ولدين منه و ما اقدر اظلمهم معاي

 

[ريم الصحراء]

الله يكون بعونك يااقلبي
انا مريت بنفس الضرووف
هذا يعتبر ملل عااطفي
وتعرفين تعب الحيااة والمشااكل
اللي تصير للزوج والزوجة
حاوولي تسااافري انتي وزوجك
كم يووم تغيرووون جوو بحول الله
حيااتكم للافضل

 

[غرور الزين]

ذكرتيني بنفسي ابي حياتي دايم رومنسيه ودايم حب وحنان مرات اقوله اطلع برى البيت ما ابيك وانا من دااخل ابييه تدرين شنو الخلل ترى الخلل فيناا نبي نعيش رومنسيه زاايده رومنسيه خياليه الغلط بتفكيرنا لان مافي رجاجيل بالتفكير والمستوى اللي احنا نبيه اقعددي وفكري بعيالج وفكري ببيتج ترى هم رياجيل طبيعيين بس احنا اللي عاطفتنا جدا رقييقه حتى لو منتي متحملته عيشي بذره اسم رجال

 

[ذات قلب أبيض]

احس وايد رياييل جذيه

بس شوفي اذا فيه مميزات زينة حاولي تتحملينة

وسمعيه كلام حلو ورومانسي يمكن يتأثر شوي


والله يوفقج ويفرجها عليج يارب

 

[Tom ♥ Jerry]

,


يعني آهوة آول الزوآج كان أوكي يحبج و جذي و فجآه تغير ؟
و لا من آول مآ تزوجتيه جذي ؟؟

و الله مآدري شقووولج حبيبتي ..
بس بآسلوبج و طريقتج تقدرين تغيرين منه

و الله يكون في عونج يارب

 

[حور رومانسية]

حبيبتي ادرسي شخصيته كل انسان له مدخل للدخول الى قلبه البشر انواع واشكال والسفر والقدوة افضل حل لكسر الروتين خليج ايجابيه وابدئي اول حلولج معه بالسفر بروحكم لمدة يومين بارقى الفنادق واخذي معاج شغلات وسوالف وهو هناك من المناظر الي يشوفها راح يتغير عليج للافضل وانت لما تجتهدين وياه برومانسيتج واغزلج له هو راح يقلدج راح يقتدي فيج حبيبتي هذا السفر والقدوة
ثاني الحلول على طول خليج متواصله مع استشاريين او استشاريات اسريه لازم الاستشارات والتردد عليهم واخيراوهو الاهم المهم لجوئج لربج ودعائج له
واشغال نفسج وفكرج باي شي دنيوي تجاره مشغل هوايه
واعلمي ان كل النساء كذا
اي كلهم
وانت بعد
ان ارتبطي بغيره
راح تجيج نفس هالمشاعر راح تملين
والله يوفقج