مشكلـــــتي الازليه مع الافرازات .. هيلب مي

[Ms Zara]

السلام عليكم ورحمه الله

حبيباتي انا عندي مشكله .. الافرازات المهبليه مجننتني ومطلعه روحي..

لاتقولو اهمال .. والله اشطف المنطقه وانظفها واستعمل لها غسول مهبلي اللي اهوه مطهر بيتادين .. واهوه طبي

استعمل فوط الاستعمال اليومي ولاشي يتغير

اعطتني الدكتورهتحاميل وحبوب .. وتوقف وقت العلاج بعدين ترجع ..

انا ماادري هي شي طبيعي ويصير لكل البنات .. للعلم انا متزوجه

 

[mannawy]

سئلي دكتورتج عن تحاميل اسمها داكتارين واذا فيج التهاب خارجي فيه كريم داكتارين بعد. هالماركه ممتازه للأمانه وانا مجربتها حتى وانا حامل.

الله يشفيج

 

[amami al-kuwai]

ابـ

 

[brave hrt]

up up

 

[^^ ǺГฬα]

شووفي هالموضوع

أهتمــي بـدورتـج وصيـري خـوووش وحـده بنـظآم مـآمـآتـي فـديتهـآآ :**

http://www.q8yat.com/t760279-6.html

 

[Uou0Uo]

انا كمان مثلك اتنقع بملح بس مافية يمكن لاني اهمل نفسي بالدورة لاني اتعب حيللللللللللل فاطيح ومااقدر اكل اموت جوع عادي علشان كذا احس مهملة وكمان يطلع غازات بالرحم

 

[الدلوعة أمون]

أأهتمي بدورتــك وبتلاحظين الفرق ​

 

[orchidia]

حبيبتي الافرازات شر لابد منه بعدين معروف ان الافرازات والهواء الي يخرج مرات والناس تقول رحمج فيه بلا روحي ممرخة سوي واكلي وحطي وتحاميل ومرض والنتيجة كل شي يتدبل

برنامج دكتوروز عرض حلقة كاااااملة عن الرحم من فقاعات الهواء والافرازات ..

فقاعات الهواء مع ان مالها شغل بالموضوع بس تراها تدل على ان رحمج بحالة سليمة وان عضلتج ماهي مرتخية والهواء الي يخرج يكون نتيجة دخوله سواء اثناء ممارسة الجماع او التمارين الشاقة

الحريم لا طلع منج هوا قالو رحمج خربان اي خربان ي معودة بالعكسس ادويتهم هي الي تسبب الخمول لأرحامنا ويرتخي وهذا اما يسبب لج ميلان او انقلاب بالرحم

بالنسبة للافرازات الدراسات تقول ان 3 نساء من أصل 4 يعانون منها شي طبيعي عادي يعني رحمج يمر بتغييرات فلازم تنزل معاج افرازات وسبحان الله لها حكمة فيه افراززات تدل على الطهر افرازات تدل على نزول الدورة وافرازات تدل على التبويض وافرازات عادية يفرزها عنق الرحم وهي الافرازات البيضاء الثقيلة عشان يحمي عنق الرحم من الجراثيم والبكتيريا الي جواته

اذا كانت افرازاتج خضراء ومصاحبة لحكة و رائحة كريهه ف هذي الحالة روحي للطبيبة

اما غيره انصحج خليج على ماخلقج الله عليه ولا تتعبثين بعمرج منهو أعلم بخلقج من ربج

وي رب يقنعج كلامي

 

[الجوهرا]

راجعي عند دكتوره ثانيه احسن

 

[Bedor-al.3taiby]

مثل حالتي
ٱڼـٱ حامل و كل ڃمـ اسبوع ارد اعالج الافرازات ذبحتني
استخدم غسول سيتيال و غسول ماعرف شسمه و تحاميل
هم ماكو فايده

 

[@البتووول@]

اقري عن خلطة الخمس فناجيل سوي بحث عنها وشوفي انا سويتها بنفاسي روعه روعه روعه والاهم تسوينها بايدج يعني ضامنه شنو تاكلين مو سوالف الحريم اللي ماتدرين شمخبصه فيها

 

[الروح كالريحان]

انا قبل فتره جاتني حكه فضيعه وافرازات حتى لونها غريب وكرهت عمري،،
وانا جربت قبل تحاميل وحبوب بس احس مافادتني...
المهم جان اقوم واجيب شوية ديتول وكسرة مره وماي دافئي..
وتغسلت فيهم يمكن مرتين او ٣ وبعدها الحمدلله راحت الحكه والافرازات،،،
وبصراحه ثانيه انا ماعمري عانيت من الالتهابات والحكه الا لما قمت استخدم غسولات طبيه وسبرايهات للمنطقه الحميمه....
عشان جذي قللي من استخدامها قد ماتقدرين..

 

[Q 8 Y A t]

حاولي تتنقعين بطشت
فيه ماي دافي

بس قبلها
اخذي بطل ماي صحه فيه ماي ونقعي فيه مررة

بعد ما ينقع كتيه بالطشت واقعدي فيه نص ساعه اكثر اقل كيفج

 

[مموريز]

حبيبتي ,,,,جربي تروحين لدكتورة وخليها تسوي لك كشف داخلي,,,,,,,,,عشان تتاكد شنو فيك بالضبط..
لاتستخدمين اي تحاميل أو خلطات تضرين فيها نفسك,,ولامنها أي فايدة......وأمكن تزيد الالتهابات عندك...
احيانا الوحدة مايكون فيها أي شي,,ووبس الزوج هو اللي عنده مشكلة ,,,فيسبب لزوجته هالالتهابات...
(مشرط الزوج يكون راعي خرابيط عشان يكون فيه امراض) بس بعد الازواج تجيهم شغلات تاثر على الزوجة..

انا تعرضت لمثل كذا (وكنا ذيك الايام بالمانيا وبالتحديد ببون ووصار عندي التهاب ضيق صدري موقادرة استانس ولا اطلع ولا اتمشي....جربت غسول الملح مانفع جربت الغسولات الطبية ومانفعت...فرحت لدكتورة نساء المانيا ,,وشرحت لها الوضع ...
عطتني مضادات حيوية وتحاميل ,,وقالت لي ان النوع هذا يجي من الزوج,,,,,,,,,,,يام جرح اوتسخلت فينتقل للمراة على طول بشكل التهاب,,,,,,,,,,,وووعطته مرهم ومضاد حيوي واسبوع ووراح الالتهاب...)

تاكيد امكن يكون زوجك سبب للالتهاب....

 

[*peace*]

يمكن عديتي زوجج وتالي اهوا عداج لمن تشافيتي

 

[دلوعة أبوهآ]

آلله يشافيكِ ..

 

[Ms Zara]

حبيباتي انا الافرازات عندي بيضاء بدون رائحه وبدون حكه

زهقت منها .. لكن انا قررت مااستخدم اي وصفات او خلطات شعبيه

عندي موعد مع الدكتوره الاسبوع الجااااي

يسلمكم ربي ع الردوووووووووووووووووووووود اللي تطيب الخاطر

انا استخدم مطهر بيتادين .. حلوو لكن انا مانتظم عليه ولما اتركه ترد من جديد

 

[صاعقة بيوتي]

حبيبتي الافرازات شر لابد منه بعدين معروف ان الافرازات والهواء الي يخرج مرات والناس تقول رحمج فيه بلا روحي ممرخة سوي واكلي وحطي وتحاميل ومرض والنتيجة كل شي يتدبل

برنامج دكتوروز عرض حلقة كاااااملة عن الرحم من فقاعات الهواء والافرازات ..

فقاعات الهواء مع ان مالها شغل بالموضوع بس تراها تدل على ان رحمج بحالة سليمة وان عضلتج ماهي مرتخية والهواء الي يخرج يكون نتيجة دخوله سواء اثناء ممارسة الجماع او التمارين الشاقة

الحريم لا طلع منج هوا قالو رحمج خربان اي خربان ي معودة بالعكسس ادويتهم هي الي تسبب الخمول لأرحامنا ويرتخي وهذا اما يسبب لج ميلان او انقلاب بالرحم

بالنسبة للافرازات الدراسات تقول ان 3 نساء من أصل 4 يعانون منها شي طبيعي عادي يعني رحمج يمر بتغييرات فلازم تنزل معاج افرازات وسبحان الله لها حكمة فيه افراززات تدل على الطهر افرازات تدل على نزول الدورة وافرازات تدل على التبويض وافرازات عادية يفرزها عنق الرحم وهي الافرازات البيضاء الثقيلة عشان يحمي عنق الرحم من الجراثيم والبكتيريا الي جواته

اذا كانت افرازاتج خضراء ومصاحبة لحكة و رائحة كريهه ف هذي الحالة روحي للطبيبة

اما غيره انصحج خليج على ماخلقج الله عليه ولا تتعبثين بعمرج منهو أعلم بخلقج من ربج

وي رب يقنعج كلامي

معاها 100%

 

[سكوتي بذوقي]

انا كانت تجيني دايم واتعالج

الحين الحمد لله جربت طريقه

تخلصت منها

 

[om Firas]

استخدمي مسك الطهاره يقلون يخفف الافرزات والاتهابات سبحان
كل شي فيه حكمه لستخدامه