بنات انا عندي مشكله وابي منكم الحل
انا تدربت علي السواقه والحمدلله ماشيه اموري وللحين ما انتهيت باجي ايام
اشتريت السياره بس للحين ما استخدمتها طبعا
وبعد جم يوم عندي تراي..
الحين المشكله انا اول شي عمري ما سقت في الليل كل تدريبي في النهار
وطبعا في سيارة التدريب سكانين اذا انا خربطت المدربه تصلح لي من سكانها
المشكله اخوي قالي الساعه 12 في الليل تعالي بشوف سواقتج انا ترددت لكن قال انا معاج لا
تخافين وصج طلعنا بالسياره وتوهقت وحدي ارتباك طبعا اولا سياره جديده وسكانها خفيف مو مثل
سكان سيارة التدريب ثقيل المهم اللي حصل ظليت اميل واخوي وترني بعد وماقاعده اشوف
الشارع عدل واللي صار صعدت الرصيف والله ستر علينا ولما وصلنا اخوي قالي ماتعرفين
تسوقين واقنع الكل بهالكلام حتي ابوي وترددو علي موضوع السواقه من الخوف علي وهبط
عزيمتي حيل وقلل ثقتي بنفسي مع انه المدربه حيل تمدحني بسرعة استيعابي والمشكله دوامي
ما باجي عليه الا اسبوع لأنه كنت ماخذه اجازه شهر للتدريب..
انا مادري الغلط مني فعلا ولا لأنه السياره اختلفت علي ولا علشان بالليل طلعت
والحين ابوي بدا يحاتيني حيل عن اول
ابي اعرف شسوي شلون اتدرب علي سيارتي الخاصه ويكون طبعا معاي شخص مثل المدربه
وبنفس الوقت صارت عندي ردت فعل من الشارع بعد اللي صار
حاليا كل اللي شاغل بالي ابي اتعلم بس علي درب الدوام روحه ورده وبس
في فرق بالسواقه بالنهار عن الليل وفوق هذا بعد حكت سيارتي من تحت من الرصيف
بس اشوا خفيف حيل
شسوي بنات انا صج محتاره
قولو لي بعد ما تدربتو شلون طلعتو بالشارع بسيارتكم الخاصه ماحسيتو بفرق عن سيارة التدريب
من ناحية السكان والسياره بشكل عام
ارجوكم بنات انتظر ردكم
انا تدربت علي السواقه والحمدلله ماشيه اموري وللحين ما انتهيت باجي ايام
اشتريت السياره بس للحين ما استخدمتها طبعا
وبعد جم يوم عندي تراي..
الحين المشكله انا اول شي عمري ما سقت في الليل كل تدريبي في النهار
وطبعا في سيارة التدريب سكانين اذا انا خربطت المدربه تصلح لي من سكانها
المشكله اخوي قالي الساعه 12 في الليل تعالي بشوف سواقتج انا ترددت لكن قال انا معاج لا
تخافين وصج طلعنا بالسياره وتوهقت وحدي ارتباك طبعا اولا سياره جديده وسكانها خفيف مو مثل
سكان سيارة التدريب ثقيل المهم اللي حصل ظليت اميل واخوي وترني بعد وماقاعده اشوف
الشارع عدل واللي صار صعدت الرصيف والله ستر علينا ولما وصلنا اخوي قالي ماتعرفين
تسوقين واقنع الكل بهالكلام حتي ابوي وترددو علي موضوع السواقه من الخوف علي وهبط
عزيمتي حيل وقلل ثقتي بنفسي مع انه المدربه حيل تمدحني بسرعة استيعابي والمشكله دوامي
ما باجي عليه الا اسبوع لأنه كنت ماخذه اجازه شهر للتدريب..
انا مادري الغلط مني فعلا ولا لأنه السياره اختلفت علي ولا علشان بالليل طلعت
والحين ابوي بدا يحاتيني حيل عن اول
ابي اعرف شسوي شلون اتدرب علي سيارتي الخاصه ويكون طبعا معاي شخص مثل المدربه
وبنفس الوقت صارت عندي ردت فعل من الشارع بعد اللي صار
حاليا كل اللي شاغل بالي ابي اتعلم بس علي درب الدوام روحه ورده وبس
في فرق بالسواقه بالنهار عن الليل وفوق هذا بعد حكت سيارتي من تحت من الرصيف
بس اشوا خفيف حيل
شسوي بنات انا صج محتاره
قولو لي بعد ما تدربتو شلون طلعتو بالشارع بسيارتكم الخاصه ماحسيتو بفرق عن سيارة التدريب
من ناحية السكان والسياره بشكل عام
ارجوكم بنات انتظر ردكم
