مشكله اجتماعيه...

[NADOOOSHA]

السلام عليكم

راح أدخل بالموضوع على طول...

السالفه إن أخو بنت خالتي يحب رفيجة بنت خالتي ويبي يخطبها...

والمشكله إن في فوارق وايده كبيره بينهم مثل أهو عيمي وهي بدويه ,وهو مدرس و هي مهندسه, ...إلخ

وبنت خالتي خايفه تكلم رفيجتها عن أخوها وترفضه وتخسرها للأبد وهي من أعز رفيجاتها, وإذا ما كلمت رفيجتها راح تكسر

قلب أخوها... وإذا كلمتها شلون تبي تبطل معاها الموضوع، أو شلون تبي تبدي معاها وخصوصًا إن بنت خالتي وايد تستحي...

فلما إستشارتي قلت أحسن فكره إني أستشيركم...

 

[غرور وايل]

وعليكم السسلام ~

حبووبه بصصراحه مادري ~

بسس عادي البنت تقوول لرفيجتها صار اوكي زين ع زين ما صار شيء عادي ~

الزواج قسسمه ونصيب ~

والله كريم ~

 

[FeShinGoOo]

رد : مشكله اجتماعيه...

ليش تخسرها للابد خو نصيب يا تصيب ياتخيب ..؟؟

صار ولا ماصار هاذا نصيب ومفروض من البدايه اتقولها ابيج بموضوع ومابيج تتحسيين منه او مابيه يأثر على علاقتنا اخوي يبي يخطبج فكري بالموضوع واذا مافي نصيب لا تستحين وتحطين فبالج اني بزعل هاذا حقج وبالاخير يايكون في نصيب او رب العالمين مو قاسم ..

 

[Ṁαяyŏмα ≈]

رد : مشكله اجتماعيه...

.



حمدالله ! اخوهآ مآسوآ شي غلط =) ~ يبي يتزوج .. و سألي البنيآ بس قولي لهاآ مآ أبي تخرب علاقتنآ ومآله دخل بعلاقتنآ كللش ,~

رضت رضت مآ رضت برآحتهاآ ؛) ~ بعد نصيب
وبس ~


بالتوفيق ي رب ~

 

[NADOOOSHA]

رد : مشكله اجتماعيه...

(( كل شي قسمه ونصيب ))...

هي مشكلتها وايد خوافه و تستحي..

شكلي بروح معاها عشان أكلملها البنت..p;

يعطيكم العافيه كلكم وثانكس على مروركم ...

 

[om deaj]

ساليها قوليلها لو تقدملج واحد مواضفاته كيت وكيت راح يرضون اهلكم؟؟
اشوف في فوارق بينهم للاسف فوارق اجتماعية وعادات وتقاليد
ان قالت لا تفتح معاها الموضوع

 

[NADOOOSHA]

رد : مشكله اجتماعيه...

ساليها قوليلها لو تقدملج واحد مواضفاته كيت وكيت راح يرضون اهلكم؟؟
اشوف في فوارق بينهم للاسف فوارق اجتماعية وعادات وتقاليد
ان قالت لا تفتح معاها الموضوع

معاج حق...

أعتقد أحسن شي البدايه تكون جذي...

om deaj... ,يعطيج العافيه...

 

[لا تحزن يا قلبي]

رد : مشكله اجتماعيه...

اعتقد صعبه بدو يزوجون عجم
بس منو يدري

 

[BaiTotia]

رد : مشكله اجتماعيه...

خل تقولها إذا تقدم لج واحد بهالمواصفات توافقين؟ يوافقون أهلج؟

إذا وافقت تقولها عن أخوها

إذا رفضت تسكت وخلاص يتسكر الموضوع

 

[rawnaa8]

رد : مشكله اجتماعيه...

خل تتوكل على الله وتحاجيها
واذا وافقوا وافقوا و اذا لا خلاص بعد الله موكاتب
وخل أتاكد لها ان علاقتهم ماراح تتأثر سواء ان وافقت او لا
علشان رفيجتها لا تخاف على ان تتأثر العلاقه وتنحرج
وربي يكتب اللي فيه الخير وكل شي قسمه ونصيب

 

[النشبه88]

خل تسألها واذا رفضت تتفهمها وتمشي الحياة وينسون الموضوع ويتمون رفيجات :wqedqw:

 

[حجيه هيونه]

رد : مشكله اجتماعيه...

تاخذها على ابو غشمره وتقط نغزات لي شافت ميول عندها انه ممكن تكلمها بيينها وبين رفيجتها

اذا حست انه ماكو امل تترك السالفه وخلاص

 

[NADOOOSHA]

رد : مشكله اجتماعيه...

مشكووورين كلكم

ويعطيكم ألف عافيه...

 

[al3sooola]

رد: رد : مشكله اجتماعيه...

اعتقد صعبه بدو يزوجون عجم
بس منو يدري

اي صح.........

 

[angell]

رد : مشكله اجتماعيه...

تحجي معاها بصوره غير مباشره

 

[اخصائيه نفسيه 2]

رد : مشكله اجتماعيه...

حلات الثوب رقعته منه وفيه

خيل كلو واحد فيهم يتزوج من اهله

 

[ريماس21]

رد : مشكله اجتماعيه...

انا اقول خلها تكلمهاا وعاادي تقوول تاخذوون عيم


معنه شوي صعبه ان البدوو يااخذوون عيم مو عيب بالعيم والنعم فيهم بس عااداااات وماتسوي

واللي الله كاااااااااتبه بيصيررر

 

[malte]

رد : مشكله اجتماعيه...

شكو تزعل سابها اهو؟
طالبها على سنة الله ورسوله!!
وافقت مبروك
ماوافقت الله يوفقها ويسعدها :friends:

 

[*ريما*]

رد : مشكله اجتماعيه...

ولية تخترب العلاقة
كل شي قسمة ونصيب