مشكله صبي يايني يبي فلوس !

[تتوفه]

السلام عليكم بنات
شلونكم ؟ شخباركم ؟
أمس لما كنت بجمعيه الزهرا
وقف عندي صبي يبيع ألعاب
و قعد يقولي ان اهو و امه بدون محد داري عنهم و ان امه مشلوله
و يبي 40 دينار علشان يكملون الأجار اللي عليهم
لان إذا ما سدد راح ينطرد من البيت
بيتهم بالقيروان !!!
انا عورني قلبي وايد عليه و يمكن لو عندي كاش عطيته
بس انا مشكلتي كله بالكنت و نادر يصير عندي كاش بالمحفظه

قعد يحن يحن يحن علي يقولي روحي سحبي و الله انا محتاج
و صوته يعور القلب
احترت وايد قلت له روحوا اللجان جان يقول لازم ايي واحد كبير و انا بروحي مع الوالده

ما ادري بنات قلت له خلاص عطني رقمكم ناخذ عنوانكم وأشوف احد يشوف حالتكم
انا الحين موعارفه شسوي بنات
انا ادري ان في لجان تتفقد حال الأسر شلون احصلهم ؟
هل فعلا صادقين ولا لأ مو متأكده

بنات ساعدوني مو عارفه شسوي

 

[*مطبخ الذواقة*]

والله شوفي ممكن بكون صاج ..وممكن ﻻ

عطي رقمه حق أحد اللجان وقولي لهم موضوعه ..

ويمكن يساعدوونه

بعد الله خير ..يا كثر اللجان الخيريه عندنا بكل شارع تحصلين مبرتين ثلاث ..

في منهم الامين الصادق ..و اللي يخاف ربه ..



ان شالله يساعدونه ..والله يكتب لج الاجر ان شالله ...

 

[كويتيه فرنسيه]

والله تبين رايي بلا لجان بلا غيرها ترا مافي شي مضمون وثقه في هالزمن

قولي لواحد من اخوانج او زوجج اذا متزوجه السالفه وخليه يروح ويشوف وضعهم اذا فعلا حالتهم صعبه عطيهم الي تقدرين عليه والله يجزاااج خير

 

[رويال ديزاين]

روحي انتي مع اخوووج
ديري بالج تروحين بروحج او تخلين زوجج يروح بروحه ما تدرين شنو النظام الحين ترا النوايا السليمه اختفت و تغيرت الدنيا

 

[برميت]

هذا رقم وحده تساعد الفقاره

99544361

 

[Shroouq88]

الله يكــــون بعـــونهم

 

[bambena]

ياتحقرين عشان ماتشجعينه على الطراره ، يا تعطينه المقسوم وبس

 

[Anna Republic]

خلي نيتج انها صدقه سواء كان صاج او لا
كافي ان الله مايضيع شي انشالله واحتسبي الاجر

 

[M!SS.LOBY]

الله يفرجها عليهم

ممكن كلامه صح