مشكله صغيره

[شهد العسل ومر]

مرحبا بنات


انا متزوجه لي ست شهور زوجي تمااام ماعليه نحب بعض بشكل جنوني بس يابنات المشكله مو فيه المشكله فيني انا حساسه زياده عن اللزوم تخيلو هذاك اليوم طلبت منه اروح حق خواتي بزورهم ورفض بحجة من تزوجتي ماجوك بالبيت وانا وقتها صار لي فتره ماشفت اهلي وسويت مناحه هذاك اليوم ودموع وحالتي حاله مانمت هذيك الليله ويوم قام الصباح جاني يراضيني ومدري شنو ومن هذاك اليوم مارحت حق خواتي :eh_s(2):

مشكلتي اكبر المواضيع واسوي مناحه صج الموضوع يقهر بس مايوصل ليله كامله بس ابكي ودموعي ماوقفت شرايكم انتو ؟ ماني فاهمه نفسي جد تعبت ابي اهلي وخواتي :eh_s(2)::eh_s(2):

 

[Perfume]

خففي من حساسيتج وتحكمي بنفسج
بدل ماتصيحين كلميه وتناقشوا بهدوء

مافهمت السبب
اهوا يبيهم يزورونج اول بعدين انتي تروحين لهم !
ليش يعني مافهمت ! هذول خواتج مو اغراب
واذا يبيهم يزورونج دقي عليهم وعزميهم عندج

 

[dana.7]

احس عادي اللي قاعد يصير معاج

لانج عروس يديده فمشاعرج متخربطه

صبري نفسج وفكري عدل وحاولي ماتصيرين انفعاليه

الله يوفقج

 

[iLLuMinaTion]

الله كريم

 

[ليان ليون]

لانو ما عندك مشكلة بدك تخلقي مشكلة بينك وبين زوجك بعدين اهلك واخواتك لازم يجو عندك حتى انت تزوريهم يعني زوجك معه حق ديري بالك ع زوجك بلاش يزهق من حسايسيتك الزايدة ويتغير للاسوء

 

[M!SS.LOBY]

حبيبتي هذول أهلج من حقج تكدرين وتزعلين اذا منع من الزياره

 

[Um Tuki]

حبيبتي لا توسوسين
اغلب المتزوجين اليدد يسوون جذي
لان يتغير عليهم المكان و يفقدون اهلهم
انتي مشتاقة لهم
و لان الوضع جديد عليج صايرة حساسة
قوي قلبج الريال ما يحب ام دميعة
ترى براضيج مرة مرتين ثلاث بعدها لو شنو السبب اللي بكاج ماراح يراضيج

راح تتأقلمين مع الوضع

 

[عزيز قلبي]

حبيبتي عزميهم ببيتج اهو حجته ان ما زاروتج وله حق لما يزورونج ماراح يمانع
وتري عادي انتي توج عروس لازم تشتاقين لخواتج وتحنين لبيت الاهل اللي ربيتي فيه
عمرج كله مع الوقت بتخف الحساسيه وبالعكس اذا رحتي بيت اهلج بتينيين تبين تردين
لبيتج الله يسعدج

 

[اميره^_^بحلآها]

إنا مع إخت إلي فووق ..~

 

[عسل حدي]

لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ

 

[زوجة عزيز]

ماعندج سالفه !!! ماطلب منج اهو شي صعب ولا قال لا اتشوفينهم مافيها شي خليهم يزورونج !!

 

[Artq8]

اذا كنتو تتيمعون في بيت اهلج يعني ابوج و امج ماله حق مو لزوم يزورونج شهالعذر يعني اهوا الي ما يشوف اهلا معاج حق خواتج هذيل و ست اشهر مو توج عروس انا اقولج عزمي خواتج و اهلج و اخذي منه فلوس للعزومة و شوفي اخرتها شنو

 

[manoooram]

مع perfume

 

[سماء الاحساء]

شئ طبيعي اللي صار بينكم وبسيطة. وتنحل مع الايام بس أشوفها بنظري مؤ ضروري يزورنج عشان تزورينهم لكن كل واحد وعلى حسب عاداته ونظرته

 

[ام الحلوااات]

خففي من حساسيتج وتحكمي بنفسج
بدل ماتصيحين كلميه وتناقشوا بهدوء

مافهمت السبب
اهوا يبيهم يزورونج اول بعدين انتي تروحين لهم !
ليش يعني مافهمت ! هذول خواتج مو اغراب
واذا يبيهم يزورونج دقي عليهم وعزميهم عندج

:rerrerek: :rerrerek: :rerrerek: :rerrerek: