مشكله عوويصه

[يعني أني]

السلام

بنات عندنا مشكله ونبي لها حل

في واحد يحب وحده ويبي يتزوجها وخايف يقول لاهله انه يعرفها ويرفضون

فـ شنو الحل اللي يخلي هالولد يخطب هالبنت بدون لا اهلها واهله يدرون انهم يعرفون بعض

وده يتعرف على اخوها ويقول لاهله انها اخت رفيجه

بس شلون يتعرف عليه

واللي عندها حل لاتبخل علينا

والله يوفق بينهم ويجمعهم على الخير والحلال

 

[ضايعة بدنيتي]

بسيطة حبيبتي

يقول شفتها طالعة من مجمع ولا تتفق معاه انهم يقولون لأهاليهم انهم سوو حادث بسيييط جدا وما تضررت منه السيارات وكذا . وهو يقول لأهله انه انعجب بالبنت ويبي يخطبها . ولما يجي لأهلها يقول انه هو الي سوا معاها الحادث من كم يوم وانعجب الولد فيها ويبي يخطبها . وبس !!

 

[حربيه وبس]

رد : مشكله عوويصه

عادي حبيبتي بامكانه يطرش اهله ويقولون والله سمعنه انه عندكم خوش بنت ونبي نخطبها
عادي ترى
اغلب ازواجات جذي
يعني خلوها خطبه عن طريق الاهل وخلاص

 

[[[ عيون جابر ]]]

ربي يسهل لها امورها
للرفع
ودي اسمع آراء البنات
متابعه

 

[DooLy88]

الله يوفقه

ماله داعي يقول ان يعرفها اصلا

 

[om.7madiiin]

رد : مشكله عوويصه

متاابعه اب اب اب
خل يقول حق وحده من خواته
تتعرف عليها و يقول لأهله انها رفييجة اخته
بس
اب اب ...

 

[يعني أني]

رد : مشكله عوويصه

اهو الولد مايبي اي احد من طرفه ولا من طرفها يدري باللي بينهم لانهم بدو

ولو دروا الاهل تعرفون البدو ماعندهم هالسوالف

ولايعترفون بهالاشياء

سالفه الحادث فكروا فيها بس اهي حاليا ماتسوق

وعن قريب بـ تسوق يعني يبي لها وقت شوي كم شهر

وعن سالفه انه شايفها بمجمع مو حلوه لانها منقبه

وسالفه بنت حرب انه سمع انه عندهم بنت اوكي ماشي حلج حلو بس شيقول لاهله من وين سمع عنها

لان اكيد اهل البنت بيقولون من وين سمعتوا عننا

واهل الولد مستحيل يجون ويخطبون البنت قبل لا يعرفون من وين يعرفها يعني يا اخت رفيجه يا اي شي من هالاشياء

لان هذا زواج مو لعب والناس معاهم حق يبون يتطمون على مستقبل ولدهم

تكفون شوفوا لنا حل

اهو يبي يتعرف على اخوها بس شلون شنو الطريقه

مو قادرين يوصلون لحل انهم يتعرف على اخوها


فكروا ويانا بليز

واللي ماعنده حل

يدعي الله يسهل امورهم ويكتب لهم اللي فيه الخير والصالح دامه ابن حلال واهي بنت حلال وناوين ع الحلال

ويارب ما تهل السنه الجديده الا اهم مالجين

يارب

 

[يعني أني]

رد : مشكله عوويصه

ولج بـ مثلها امين

 

[سموة الزين]

رد : مشكله عوويصه

الله يوفقهم ويجمعهم بالحلال والله مادري

 

[Jna3eYa-88]

مادري والله ..

الله يسر امورهم ويوفقهم ويجمعهم بالحلال ..

 

[شوق والدمعه]

عندي كـذا سوال البنت بالجامعه؟
ولا تشتغل؟

اذا بالجامعه خل يقول شفتها هناك
اذا بالشغل همن نفس الشي

ــــــــــ
واذا سايق يقطها خل يدعم السايق ع الخفيف وياخذ رقمه علا بونه يصلح سياره
ــــــــ

 

[يعني أني]

رد : مشكله عوويصه

فديتكم بنات وجزاكم الله خير

انا سبق وقلت انهم بدو يعني ماعندهم شفتها بالجامعه ولا بالدوام وعجبتني انزين بيسألون من وين جبت رقمها وهالامور

والولد مايبي اي شي يسيء للبنت جدام اهله واهلها

يبي الموضوع يتم كنه زواج تقليدي

اكيد في احد مر بنفس هالشي

مستحيل بس اهي بهالدنيا صار لها هالموقف

 

[Tulips]

رد : مشكله عوويصه

البنات كفووو و وفوو

واحسن حل انه يخلي اخته تتعرف عليها .. على الاقل احد من اهله يعرف عشان يساعدونه

 

[*ريما*]

رد : مشكله عوويصه

الله يوفقهم

 

[يعني أني]

رد : مشكله عوويصه

خواته صغار يعني مو بسنها واهي بـ محافظه واهو بمحافظه ثانيه

واهو مايبي أحد يعرف من اهله واهلها لان مايبي يصير رفض لانه يعرف اخلاقها ودارسها ويدري انها متربيه

فـ تكفون اللي مايلقى حل يدعي بقلب صادق لهم بالتوفيق

 

[اوراد العشق]

يقول رفيجي ذكر لي بيت فلان عندهم بنات ويمدح ابوووهم وانهم ناس سنعين ويقول لأخته مثلا انتي اسألي عنهم واسألي عن امهم وشوفي اذا زينين روحوا شوفوا البنت

والله يكتب لج اللي فيه الخير

 

[Vouge]

رد : مشكله عوويصه

يقول لأهله .. رفيجي خواته قاعدين يخطبون له و ذكروا له هالبنت
بس ما يبيها لأنها تدرس أو لأنها تشتغل .. أي شي

و ودي أشوفها لأن مادحينها حيل و هو ذكرها لي يوم قلت له ودي أتزوج

 

[Tulips]

رد : مشكله عوويصه

الله يوفقهم و يكتبهم لبعض

 

[غمزه وإبتسامه]

الله يوووفقهم ياارب
تسااهيل
الله يجمعهم على الخير
خل تروح عرس حق احد من اهله وترافج احد يصير له اخته او خالته الله يوفقهم

 

[شووكولاته]

ذكرتيني بناس قال ان عمها معاه بالدوام وشافها وياه بالسوق وعجبته

بسرالاهل مو اغبياء الكل درى انها تكلمه وطاحت من عينهم من البد ا يه