مشكله في شوربه الكريمه ابيها شوي ثقيله

[نفرتيتي2008]

مشكله في شوربه الكريمه ابيها شوي ثقيله مش خفيفه ساعدوني نفس اللي بالمطاعم :eh_s(16)::eh_s(16)::eh_s(16):

 

[**(فـيـلا دانـتـيـل)**]

والله انا خذيتها من موقع منال العام طلعت ثقيله شحلوهاا

دوريها وإذا مالقيتيها دزيلي عالخاص
وادزلج الطريقه لانها حاليا مو يمي (( بالمطبخ ههههههه))

 

[جارة القمر]

في ناس تضيف طحين وفي ناس تضيف قشطة علشات تصير ثقيله

 

[ليمون ونعناع]

البنات ماقصروا
حطي جبن سائل او كريمه او اذا تحبين الذرة فيه ذرة معلبات تصير مجروشه مع سائل كثيف
او ممكن تحطين شوفان ال معاها وخليه يطبخ فترة عشان مايبين واضح
الشوفان صحي ومفيد ومايمتن

 

[noynoy]

ثقليها بالرو
حطي زبده و سيحيها بعدين نفس الكميه حطي طحين و طبخيه على نار متوسطه جم دقيقه بس لا يحترق
و عقب حطي الشوربه فوقه و خلطيها على طول، بس يمكن يتكتل اذا كانت الشوربه حاره
فانتي حاولي تبردينها شوي و تخلطين عدل لما تثقل الشوربه
و عقب صفيها بمشخال الطحين و ردي خلطيها بالخلاط

 

[Q.8.h.2]

انا جربت وحطيت ثلاث ملاعق كبار طحين بعد ما حمست البصل بالزبده وبعدها ثوم شووووي وحطيت قطع الدجاج الصغيره وحطيت كريمة خفق صارت ثقيله وكلما خليتيها عالنار اكثر تثقل ولذيييييذه صارت وطبعا ما احط ماي لا حليب سائل الا اذا صارت حيل ثقيله ازيدها ماي مغلي

 

[الشيف نانا]

حبيبتي شوفي موضوعي ان شاء الله يفيدج ,,

http://www.q8yat.com/t1009457.html

 

[جارة القمر]

مشكووووورييييييييييييييييين


الذرة والمشروم والطحين والقيمر والشوفان كلهم يثقلون الشوربه

طريقتي


http://www.q8yat.com/t18358.html

 

[ام الدرر]

اكياس خلاصة الدجاج من ماجي (تذوب بماي بارد وممكن بالخلاط )
انا اضيفهم لاي شوربة خفيفة تصير ثقيلة وطعمها لذيذ​