مشكله محررجه شوي ساعدوني

[creamy]

السلام عليكم والرحمه

بنات عندي مشكله محرررجه شوي

بس شسوي لآزم اكتبها لاني قاعده اتألم بالحيل

طال عمركم من كم من يوم حسيت بحكه غير طبيعيه بمنطقة الابط

قلت ماعليه وفجآه قامت تحمرر المنطقه , قلت يومين ويخف

بعدين قامت تسوود :0bee2e8d89:

وقامت تطلع اشياء صفرره مثل قشور .. والحين اتعذب اذا نزلت ايدي اتخيلو بنات

والله عوار وحررق

مع انه كانت عندي المنطقه صآآآآآآآآآآآآآآفيه :eh_s(11):

بنات يمكن لوعت جبدكم شوي بس استحملوني واللي عندها حل ابوس رآسها لاتبخل عليه

 

[مريم81]

ماتشوفين شر ان شاءالله ..
وان شاءالله خواتنا يفيدونج .​

 

[صباح النور]

رد : مشكله محررجه شوي ساعدوني

أختي انا صار لي نفس الشي
وكانت حكة قوية والمنطقة محمرة وبعدين صار يتقشر
واكتشفت انه بسبب مزيل العرق حقي لما اكون منظفة الابط وارش عليه من مزيل العرق صار لي هالشي شكله هالنوع ماناسبني
صرت فترة يمكن اسبوع او اكثر شوي مااحط على الابط مزيل عرق احط عليه بودرة الاطفال والحمد لله خف بسرعه وراح ​

 

[~LiBrA~]

رد : مشكله محررجه شوي ساعدوني

يمكن الديودرنت مالج يسبب لج تهيج

روحي دكتورة جلديه افضل

 

[قفشة سكر]

انا مع البنات اتوقع من معطر الجسم الي تستخدميه روحي لطبيب جلديه وصدقيني بتطلع مشكله بسيييييييطه جدا انا اتذكر ولد عمي مره
استخدم معطر جسم ريكسونا وصار معاه نفس الشي بالضبط بس هو عاد استحى يتحجى لين ما زاد وصار جلده احمررررررر بس بعدين راح لطبيب عقب وهذا هو جنه البخت..
المهم انه احنا مانستحي من مثل هالاشياء لان علاجها يطلع بسيط واحنا نحاتي

 

[Esraa.a]

رد : مشكله محررجه شوي ساعدوني

حبيبتي لا تسكتين على نفسج .. روحي طبيب الجلدية واخذي علاج

 

[البندري w]

رد : مشكله محررجه شوي ساعدوني

انا صار فيني شذيه من قبل وتعالجت عند طبيب جلديه والحمدلله خفيت بس المنطقه مارجع لونها مثل اول

 

[مزهريه]

انا صار فيني نفس الشي، وكان بسبب مزيل العرق اللي فيه كحول. بعدها جربت مزيل عرق بدون كحول وراح كل شي...

 

[كيوت فيس]

انا بعد سامعة ببرنامج ان لما يطلع من الابط شي اصفر ويبقع على الملابس وحكه ويتغير لون الابط
معناها في مواد ماناسبتج بمعطر الجسم
اكيد منه

 

[احلى من القمر]

والله ماادري حبيبتي بس لازم يجوفج طبيب جلديه

 

[om lulwa]

رد : مشكله محررجه شوي ساعدوني

ما تشوفين شر
روحي طبيب جلدية بأسرع وقت
و حرصي على مزيل عرق بدون كحول من الصيدلية

 

[ام خالدوعبود]

ما تشوفين شر
روحي طبيب جلدية بأسرع وقت

 

[*ريما*]

رد : مشكله محررجه شوي ساعدوني

ماتشوفين شر

 

[ranh]

ما تشوفين شر حبيبتي
لازم طبيب جلديه باسرع وقت
احتمال كبير يوصف لك علاج فيه هيدروكورتيزون لعلاجه الحاله سريعا

ولبسي ملابس داخليه قطن تكون بكم قصير يعني مو كت ضروري

ولازم توقفي كل المزيلات العرق حاليا

وتستعملين غسول خاص للبشرة الحساسه ويكون معقم مثل سيتيال



الله معك حبيبتي