مشكله مخربه شغلي :(

[Preity]

السلاام عليكم
اشلونكم بنوتات
ادري كتبت وايد بهالقسم :ssssso: بس شسوي مبتدئه وفي مشاكل وايده تنرفز :eh_s(22):
المهم عن الهذره الزايده :23_asmilies-com:


شووفي الصوره الحين انا مبطله الخامه + الصوره صح
بس شوفو الليرات
ماتطلع لي الا الصوره بس الخامه ماتطلع
انا ابي احط الصوره فوق الخامه بس كل مااشوف صندوق الليرات اشوف الصوره واذا ضغطت ع الخامه تختفي الصوره >> احس اني اتكلم هندي :23_asmilies-com:
المهم اتمنى فهمتو والصوره صورتها وحطيتها تحت
ياليت تسادوني

 

[RmRom]

الطريقة الأصح والأفضل :

إنج تفتحين مساحة عمل جديدة وتنقلين لها كل الصور

طريقة العمل :

1) أضغطي على قائمة File ثم New

2) راح تطلع لج نافذة حددي القياسات اللي تناسبج (قياس مساحة العمل) ..مثلاً العرض 550 والطول 450

3) بعدها أختاري من الأدوات أداة التحريك Move Tool وتعالي على أي صورة وأضغطي عليها وأسحبيها لين مساحة العمل .

أختي برتي النقطة اللي شرحتها لج من مبادئ الفوتوشوب .. فالأفضل أنج تشترين سيديات تعليمية للفوتوشوب أو تحملينها من النت عشان تعدين مرحلة البداية .. والأهم أنج تختصرين وقت تعلم الفوتوشوب بشكل كبير

بالتوفيق

 

[.:!:. ونس .:!:.]

حطي السهم على لير الخلفيه لما تسير عندج شكل ايد اضغطي عليها واسحبيها لما تجي على الصوره

 

[Miss-LuLu]

حبيبتي دام بتشتغلين على صورتين (صورة وخلفية) بعمل واحد

لازم تسحبين الصورة حق الخلفية، لازم تختارين اداه المؤشر من قائمة الادوات،

بعدين تضغطين يسار عالصورة(راح يتغير المؤشر لي شكل اليد) وتسحبينها مع استمرارية الضغط لي الخلفية،

 

[Preity]

اها فهمت الطريقه
يعطيكم الف عافيه حبيباتي ماقصرتو والله