مشكله معقده ابي لها حل تكفون

[السحابيه]

السلام
الصراحه عندي مشكله :
انا بحرينيه وزوجي كويتي ، متخرجه من كليه الهندسه( اتصالات) ومعدلي ممتاز مع مرتبه الشرف ...
ابي اشتغل وماعرف شلون اقدم على وظايف هل اروح لمقر الوزارات واقدم ولا شلون ؟؟؟
لان إلي اعرفه ديوان الخدمه المدنيه للكويتيين بس .

بليييييييييييز علموني شلون احس مضايقه وايد من قعده البيت .
وانا بطبيعتي عمليه ماحب القعده ....

:lkmnkl::lkmnkl::lkmnkl::lkmnkl::lkmnkl::lkmnkl:

 

[العمهوجه]

الله يوفقج ياقلبي والله انا من ذاك اليوم حاطة موضوع اسأل فيه انا بعد كويتية وزوجة اخوي سعودية وقاعده اسأل البنات اي وزارة تقبل سعوديات بس للأسف محد رد علي
انتي روحي مجمع الوزارات واسألي وزارة وزارة لاني هذا اللي بقول حق اخوي يسويه لزوجته

والله يووفقكم يارب

 

[السحابيه]

رد : مشكله معقده ابي لها حل تكفون

زوجه اخوج للحين ماراحت مجمع الوزارات ؟؟

 

[نـعـومـه]

رد : مشكله معقده ابي لها حل تكفون

شلون مايصير وفي مصاروه يشتغلون بالوزارات ؟؟

ماودج تشتغلين بشركه زين ؟؟ تخصصج اتصالات اعتقد يقبلون

 

[بنت سيمز]

ياقلبي روحي قدمي على وزارة العدل في مجمع الوزاراة وإن شاءالله يقبلونج يارب وروحي قدمي على كل الوزاراة والله الموفق

 

[the white heart]

رد : مشكله معقده ابي لها حل تكفون

شدعوة يا جماعة !!! الوزارات مليانة مو كويتيين عادي بس الفرق بدال لا تروحين الديوان روحي للوزارة الي تبين تشتغلين فيها وقدمي عادي

 

[السحابيه]

رد : مشكله معقده ابي لها حل تكفون

انا زين قدمت عليها بس عن طريق الانترنت وللحين ماكو رد .

ان شاء لله بروح عيل الوزارات وبسمع كلامكم .... ومشكورين ..

 

[فديت منورة]

اللي اعرفه ان الديوان بس للكويتين

اما انتي

تسوين لج كتاب وتقدمينه للوزير نفسه و ترفقين معاه صورة بطاقتج المدنية و شهاده

 

[السحابيه]

رد : مشكله معقده ابي لها حل تكفون

انزين مجمع الوزارات موجوده فيه اي وزارات علشان قبل ماروح اسوي كتاب بسم الوزارت ؟؟؟

 

[نـعـومـه]

رد : مشكله معقده ابي لها حل تكفون

مجمع الوزارات فيها

وزارة العدل

وزارة المالية

وزارة التجارة

وزارة الشئون

وزارة الاوقاف

 

[السحابيه]

رد : مشكله معقده ابي لها حل تكفون

بس هذه الوزارات إلي فيها ؟؟
عيل وزاره المواصلات والاتصالات والكهرباء والماء والاعلام وينهم ؟؟؟؟؟؟؟؟؟؟


ومشكوره نعومه على الرد جزاج الله خير

 

[نونه العنونه_H]

رد : مشكله معقده ابي لها حل تكفون

^^^
^^
^
كل وزاره بمكان غير وكل وزاره لها فروع مني ومناك
الاعلام جنه بالديره
المواصلات بشويخ يم ديوان الخدمه

انا اقووووووول قدمي بالشركات الخاصه احلى شي :blueSmCLR:​

 

[السحابيه]

رد : مشكله معقده ابي لها حل تكفون

خواتي يوم اروح الوزارات ؟ وين اي قسم اعطيهم الاوراق ؟

 

[السحابيه]

رد : مشكله معقده ابي لها حل تكفون

دقيت على وزاره المواصلات اليوم وقالوا ما ناخذ غير الكويتيين قالت قبل كنا نقبل على بند المكافئات بس الحين ما نقبل .

بليييييييييز ساعدونا ياللي تشتغلون بالوزارات شلون نقدم اوراقنا واي وزاره تقبل غير الكويتيين ؟