مشكله و ابا لها حل بأسرع وق

[ام فلاح7]

مشكله و ابا لها حل بأسرع وق
..

السلام عليكم و رحمة الله و بركاته ..
خلو نفسكم مكاني كلكم و تخيلو ان المشكله مشكلتكم ..
اذا ياج ولدج او اخووج .. و قال لج ان يحب وحده من ثلاث سنين و متواصل معاها .. تعرف عليها عن طريق الهاتف .. و ما يقدر يستغني عنها و يبي يتزوجها .. و اليوم الثاني قال لها انه بيخبر اهله و هو مستانس عسب بيتزوجها .. و صدمته انها خلال علاقتها معاه كانت ترمس واحد ثاني .. يعنييي هو انصدم و مسح رقم فونها و ايميلها و نفسيته تعبانه .. انزييين كيف بتعااالجون الموضوووع لو انتوووو مكاني ؟؟؟؟ .. ارجووووووكم ارجوكم ابي الرد بسرعه لان الموضوع وااايد يهمنييييي .

 

[Tom ♥ Jerry]

.


امممم اهم شي افهمه انه الزواج مو لعبه
و اذا من اولها خيانه ينعاف تاليها
بعدين اهوة وياها 3 سنين يعني اهوة ادرى فيها و ادرى بمصلحته
يمكن يوم كلمت واحد ثاني كانت ياهل قبل 3 سنين
و الحين تابت و عقلت و صج تحب ولدج ..

 

[Meyyawa]

للحين تكلم الثاني؟ .. تبين نصيحتي خل يشوف غيرها بتقولين متعلق فيها ويبيها .. نصيحتي دام شاف عليها شي والرياييل مهما سامحوا مو مثل الحريم يعني الحين يحبها ويبيها باجر لي تزوجها كل شوي بيتذكر انها يوم من الايام كلمت غيره .. ترى صعبة عالريال وخصوصا الشرقي خل يضغط على روحه ويشوف غيرها لمصلحتهم اهمه الاثنين

 

[لمى الهاجري]

تقولين له بزوجك بنت انت تختارها بس انت ترشحون له بنت وتزوجونها

 

[granted]

على حسب صلتي فيه اذا اخوي افهمه انه الي فيها سوسة التليفونات ماراح تبطلها
وانا اعتبر هذا طراق وكل طراق بتعلومه خل يتعلم هذي الحياة لازم يتعلم دروس منها مهما كان الدرس قاسي باجر يكون واعي اكثر

 

[ليه الجفآ]

والله ماتقدرون تسوون له ولا شييي

كل شي لازم ياخذ وقته ..

النسيان يلزمه وقت ..

...

 

[هــنــوف]

مايحتاج وقت ينساها لأنه كرهها بعد ماعرف بكذبتها عليها ٣ سنوات

انتي فهميه اذا اهلها مايدرون انها تكلمه خليه يكرهها اكثر قوليله يعني اذا اهلها مايدرون انها تكلمك واهم اقرب منك لها شلون تثق فيها بعدين اذا خذيتها ومبين انها تلعب وبعدها بفتره رشحيله جم بنت انتي عارفتهم وخليه اهو يختار منهم

 

[طموح لايتوقف]

حبيبتي أم فلاح هو تعلم من الدرس وأنه عاف االبنت والدليل مسح كل أرقامها يعني يبغى ينساها ،،،، وحلو أنه صارحك وهذا دليل أنك محل ثقته أجلسي معه جلسة بهدوء وتفاهم وضحيله أنك مقدره ثقته فيك وقالك هالشي لكن قوليلها أنا عندي وجهةة نظر ياولدي بها الموضوع بس أنا مأجبرك فيها قوليلها البنت أذا كلمت مره راح تكلم مرتين وهالشئ معروف وبحكم خبرتي ومعرفتي عاد اأنتي وأسلوبك بس أنتبهي أنتبهي انك تجبرينه بالغصب يتقبل وجهة نظرك وخلاص عاد سدي الموضوع نهائياا لاعاد تفتحينه علشان ينساها وقوليلها أي حاجة تبغاهاا ويضايقك فهالموضوع أنا مستعده أسمعلك ثاانيا حاولي تشغلينه خليه يشترك بنادي رياضي ،أو كثري عزايم مع الأهل أي شئ بس يشغله ومع الوقت راح ينساها بس عاد هي لعل وعسى تخليه هاالبنت والله يصلحه

 

[Only One]

امبين انهم صغار توهم فاذا كانوا بعمر المراهقة ليلحين مرده ينسى وبسرعة بعدد

بس يا حظه صبي مو خايف يقول لاهله يكلم وحدة يحليله نفسيته تعبانة لو بنت جان ذبحتوها من الطق

وبعدين وين اللي يقولون الريال ما ياخذ وحدة كلمها

 

[ام فلاح7]

ارجو من اللي عندها حل تقوله و اللي ما عندها تكرمني بسكوتها ..

 

[العفاسيه وبس]

أنزين ام فلاح انتي حاولي انج آتيبين سوالف له عن الخيانه ..... واذا على قولتج مسح أرقام البنت ويبي ينساها مبين انه خلاص مايبي يردلها وهاااااذي فرصتج حبوبه اتقربي منه ووووقوليله انج بدوريله على وحدة من ناس محافظه ومحترمه واذا ما سمع بكلامج !!!!!! حزتها خليه بروحه يمكن للحين متأثر بالصدمه ........ عاااااد لا تقطعين عنه خليج موااااصله وياه

 

[ALNASRALLAH]

خيره انه عرفها قبل لايرتبط في من ناحيتي لازم تقعدين وياه وتفهمينه انه خيره والله يبيله احسن منها واهو يستاهل احسن من جذي والدنيا مو واقفه عليها

 

[غداً القاك]

زين عرف حقيقتها
ابتركه براحته مصير الزمن يعالج له الجرح وينسى

 

[Patcholli]

زين اللي عرف هالشي قبل الزواج .. يتعب الحين ولا يتعب بعدين ..
نصيحه عطوه فتره يستوعب الصدمه ولا تحاولون تخطبونله بالوقت الحالي علبو انه ينسى هذيج اخاف يتزوج ويظلم بنت الناس معاه ..
كلميه وقوليله حبيبي احسن انك عرفت حقيقتها وربك يحبك لانه كشفها لك قبل الزواج مو بعده ..

 

[البرنسيسه77]

صراحه صدمه بس هو يمكن صغير وخبرته قليله بالحياة يعني اشلون ما اكتشف انها تكلم غيره من البدايه لكن الحمدلله انه اكتشفها انتي بينيله ان الله يحبه وكشفها له قبل لا يصير اي شي رسمي ولازم يصلي شكر لله وينساها لانها مو كفو الواحد يزعل علشانها وخليه يعيش فتره نقاهه يفكر ويرتاح ولا تجيبيله سيره زواج ثاني علشان ما يعتبر البنات كلهم مثلها

 

[جنون العاطفه]

اللي تكلم الشباب مافيها خير
من الافضل انتي تدورين له بنت حلال وتعرفينها عن قرب
وتكون ثقيله وشخصيتها قويه تقدرتنسينه اي علاقه قديمه
​

 

[قمر بيت أبوها]

انا باحط نفسي مكانك والحل كالاتي
راح اقعد معاه واتكلم عن ككل كيف ابتدات وكيف كشفها عشان مااظلم احد الطرفين
وراح اتكلم علي ان الحب مو كل شي بالحياه احيانا اللي تحبه يستغني عنك واضرب مثال كالزواجات احيانا يتعرض زوجها لحادث وينشل فتستغني عنه لانه عاجز لانها فكرت بمصلحتها قبل قلبهاوراح اتكلم عن الصداقه احيانا يكون فيها خيانه ويمكن رجال يدس مخدرات لصاحبه عشانه يغار منه ويخسر هالمسكين وظيفته وسمعته ومن هالاسلوب راح يفهم ان اقصد ان هالانسانه يمكن حبيتها بس هي ماحبتك قد محبتك هذي نقطه
والنقطه الثانيه ان الانسان احيانا يخطط لاشياء ماعرف اللي وراها بس لما تنكشف له بعض الامور يترك هالشي بكبره
مثل تفكر تسافر تدرس بس بعدين تخاف ان تفشل فتخسر سنوات من عمرك وتتعذب بالغربه فالافضل تدرس تخصص ثاني بحيث تظمن نجاحك فيه ومع كذا ماتتغرب
اتوقع بعد هالكلام هو من نفسه راح يتركها ونصيحه لا تناقشينه انت وهي ترا الرجل لما يستشير بس عشان يزيد قناعته بقراره مو مثل المرأه تبحث عن حلول وكل هالتلميحات راح تساعده باذن الله انه يتخذ القرار الصح
واختمي كلمك البنت مثل الورده مايمسكونها 10 بوقت واحد لانها رقيقه وبعض البنات من كثر ماانمسكت صارت شوكه تاذي كل من يلمسها
والله يعدي هالموضوع علي خير ويطلع باحسن الحلول

 

[!! دلوعته !!]

اااااااااااااب

 

[*آسوومه*]

لازم ينساها و تتأكدون ان نساها (( لان لو زوجتوه و ما نساها يمكن يحن لها و يرد يكلمها و يخون زوجته و تصير بينهم خلافات و مشاكل )) لازم يعافها من نفسه , ساعدوه بهالنقطه دايم قولوا له ان الله يحبه ف كشفها له : ) !
و هالطريج عمره ما جمع قلبين لان الشك بيكون هو المتحكم فالموضوع كله
يعني حياتهم بتكون شك ف شك
و الي بدايته غلط اكيد نهايته غلط
الله يوفقه و يمسح ع قلبه