مشواري

[مدن الياسمين]

الله يسلمج حبيبة قلبي شموسه الحلوه
لاعدمنااااااج ومشكوره ع الدعوه الحلوه والله يرزقج كل خير
ويفرح قلبج ويشفي عيالنا يارب

 

[لولو-الصغيره]

قبل لا ابدي كلامي
بس حبيت اشكر الحنونه ام القلب الكبير الصابره
وام عزوز وشعوله وشموسه والمباركيه وسمسومه وام نااايف علي وقفتهم معاااي وطلعوني من اللي انا فيييه والله اني ادعيلهم من كل قلبي والله اني احبكم في الله


طبعا انا من حملت بولدي هادي والنسااااة الله لايوريكم تعب مو طبيعي ونمت بالمستشفي شهرين ونص بيتي بصوب وعيالي بصوب وعقلي بصوب المهم تنومت بالمستشفي وانا عندهم تخيلو كل يوم ياخذون مني دم الصبح والعصر والتخطيط حق البيبي مرتين باليوم والله اني زهقت وكل يوم ما خذتها بجي من ضيقة الصدر اللي صارت معاي والله خواتي اني حاطه رزنااامة وملزقتها علي الثلاجه وكل يوم اشخط يوم ابي بس اخلص واولد وكل يوم يدخل علي الدكتور يقولي لسه بدري علي الولاده ومن يطلع من الغرفه اطيحله بجي وصراااخ من نومة المستشفي وقعدت علي هالحااال شهرين ونص بين هالطوف حتي والله كرهت اللون الابيض من السسترات بس والله كانو وايد حنونين معاااي
وسبحان الله وييي ذاك الدكتور المستشار وعنده مرور علي جناحنا ويدخل عندي الغرفه ويقول لهم طبعا بالانجليزي وانا ضايعه بينهم ليش ليلحين مو مولدينها وساكتين عنها كل هالمده شفتو خواتي كأنه ربي دازه لي انه يخلصني من إللي انا فيييه
وطبعا صوعقت يوم قالي انه الحبل السري ما يوصل الاكل عند الياهل والنبض ضعيف وحركته قليله انا صبت اعظامي وخذيتها بجي والحمدلله الف مره
دخلوني الولاده وقالو لازم عمليه قيصيريه وألحين ويوم ولدت ولدي هادي طبعا الدكتوره الله يهديها تقولي ملامحه ليش جذيه عيونه ليش جذيييه من كلام هالدكتوره طبعا انا حاله لا يرثى لها بس ابجي وانا بالعمليات وحاولت اكلم الدكتور لما ياني غرفة الملاحظه وقلتله ليش تقول الدكتوره هالكلام ولدي شنو فييييه تري كل هالوقت وانا بالمستشفي انا ما كنت ادري انه ولدي داااون سيدروم طبعا الدكتور ما نطق ولا كلمه بس يهدي فيني من كثر ماني منهاره من كلام الدكتوره بس والله برد جبدي فيها سمعته يحاسبها وعاتبها انه قالتلي هالكلام المهم صعدت الغرفه بس انطر الدقاقيق والساعات تروح بس ابي اعرف ولدي اشفيييه دخل عندي الدكتور عقب ما صعدت غرفتي وقالي وين زوجج نبي انكلمه وانا مت من الخوف ودخل علي ريلي وقالي انتي شنو قالولج عن الولد تخيلو أهو يسال وانا اسال عقبها حسيت انه ولدي فييه شي وتعبان حيل طبعا ريلي راح ياب امي وقال لها وامي انصدمت وارتفع الضغط عندها وخايفه تقولي 000طبعا يوم قالتلي قمت أستفرغ ويغمى علي والله خواتي ولا راح انسى هاليوم تخيلو ماني قادره اتقبله ولا حتى ابي اشوفه وهو بالحضانه والدكتور بس يهدي فيني ومن أبره لي أبره علشان انام من التعب وطبعا طلع بولدي فتحتين بالقلب وصمام وتخيلو خليتته بالحضانه 10 ايام ونشفت الحليب اللي في صدري من كثر ما انا من صدمه انه يبت طفل داون
يوم طلعت من المستشفى وانا ميته من القهر انه انا طلعت وخليته بالحضانه والله النوم ما اذوقه وهو بعيد عني سبحان الله خواتي اشلون ربج حنن قلبي علييييه
والحمدلله سافرت فييه علي لندن وسوا االعمليه طبعا الكويت يقولولي ما نسويله العمليه لما يكمل 6 شهور 00طبعا مراكض وواسطات لما سافرنالندن واذا بنطر عملية الكويت لاعزالله راح ولدي
والله قعدت فتره افكر وابجي وأنوح من الصدمه مو مصدقه عندي طفل داون

وألحين والله والله والله احبه موووووووت ولا اقدر استغني عنه لو لحظه والله وانا رايحه الدواام بس افكر فيييه وابتسم لما اتذكر ضحكته عسل والله عسل قمر ولا احلي من القمر سبحان الله اللي يسخر قلوبنا حقهم 00 وطبعا فكرت ودخلت هالمنتدي وخواتي ما قصرو معاااي عسى ربي يخليهم يارب ويشفي عيالهم وطلعوني من إللي انا فيييه والله ما أنسى وقفتهم معاااي
يحسون بالوحده اذا كانت تمر بظروف ومهمومه يواسونها ويشرحون صدرها عسى ربى يشرح صدرهم



وانشاء الله ما طولت عليكم وادعولي اشوف وليدي بحسن حاااال 000قولوا أمين ​

 

[@شمس الضحى@]

لولووو حبيبتي والله نزلت دموعي
وحناا خواتج ونعين ونعاون وكل الي بخاطرج اسدحيه هنيه فضفضي وارتاحي وكلناا آذاان صاغيه
والله اني حبيتج من اولى مشاركاتج انتي انساانه طيبه وقلبج ابيض وربي يحيج لانه ابتلاج عشان يختبر صبرج
قولي الحمدلله على كل حاال فدييييت قلبج والحمدلله ربي سبحااانه كريييييييييييييم مسح على قلبج وعطاج الصبر
الله يفرجهاا عليج ويشفي هدوي ويعطيج الصحه وطولة العمر وتشوفينه عريس
الحمدلله ربي زرع محبتهم بقلوبناا وسخرناا لهم الله يؤاجرناا ولا يضيع تعبناا

 

[@شمس الضحى@]

الحمد الله والشكر لله على كل حال00اللهم لاإعتراض00000000وفقكم الله حبيباتي في الله على فتح المنتدى الرحب اللي لقينا انفسنا فيه 000ومع إن حاتي تختلف عن حالاتكم لكني حبيت اشاركم 00 مشواري الله يسلمكم ويسلم عيالكم ويعافيهم 00على حسب ماسمعت من أمي الله يرحمها يوم ولدتني الحمد الله كنت بحالة جيدة وكنت البكر وتقول أن أبوي وجدتي فرحوا فيني ليش أني بنت وأول حفيدة 00مشيت وأنا عمري 9شهور وفي يوم من الأيام كان عندنا زوار وكان عمري تقريبا سنةوشوي وكنت أحوس بينهم ألعب وأسولف وكنت ناعمة صغيرونة سألت جم عمر بنيتكم اللي تمشي وتسولف هذي كملت سنة 00الله يسامحا لي قالوا العين حق صدقوا ماكو ما صار الليل جان تييني سخونة غريبة شالوني جني خرجة ظاروا فيني المشتش:tek::tek:فى وعطوني أبرة بنسلين وما صار ثاني يوم إلا جسمي كله مشلول والله يعلم ذاك اليوم شلون كانت حال أمي وأبوي المهم قعدت تقريبا سنة كاملة في مستشفى الصباح علاجي كان مقويات والعلاج الطبيعي00الحمدالله تعافى جسمي كله بس بقت ريلي اليمين مشلولة ماأقدر أمشي عليها ويم صار عمري خمس سنين لبسوني الجهاز الحديد وقمت أمشي فيه وأستانست وفرحوا أهلي بمشيتي سجلوني أهلي في مهد الشلل ذاك الوقت كان في منطقة المرقاب إذا ما خاب ظني وكان المعهد وقتها إختلاط وكانت عندنا مدلكة أجنبية أسمها إيفا ولما وصلت الصف الرابع إبتدائي أنقلونا مدرسة جديدة في منطقة الشويخ وكنا مجموعة من الإعاقة الحركية والصم والبكم وكنا ما شاء الله أخوان وخوات متعاونين وعلى قلب واحد وفي البيت عمري ما حسيت أني غير اليهال كنت ألعب معاهم كل شي المصيدة واللبيدة والسباقات وشبرا أمرا والحيلة وساعات افصخ الجهاز واتسابق مهاهم لي الدكان أنط على ريل وحدة الله رجعتوني لأحلى أيام عمري حتى في المدرسة ماخليت حفلة ما أشتركت فيها من يوم كان عمري سبع سنين واذكر مرة ودونا التلفزيون وسجلنا حلقة مع ماما أنيسة الله يطول بعمرها ورقصت على أغنية هندية وناااااسة وأذكر بعد بحفلة من الحفلات قالوا لي تعالي قدمي الورد حق الأمير الراحل صباح السالم الصباح ورئس الأردن الملك حسين الله يرحمهم وكان معاي زميلي خالد النوري 000ويوم خلصت المرحلة المتوسطة كانت الوداعية مع مهد الشلل لأن ماكان ذاك الوقت في مرحلة الثانوي وأنتقلت ألى أقرب مدرسة من بيتنا وأذكر بعض البنات لأما دروا بهسالفة ضاقت خلوقهم عكسي أنا ماتتصورون فرحتي لأني حسيت أن في شي يديد بيصير بحباتي ودرست سنة والسنة الثانية ضاعت علي لأني سافرت التشيك بالصيف وقعدت شهرين وكنت أخذ العلاج الطبيعي والسباحة والعلاج بالطين وعقبه قرروا لي عملية بعد أربع شهور رجعت الكويت وقعدت تقريبا شهرين ورجعت التشك مع أبوي وسيت العملية وقعدت عقباأربع شهور ولما خلصت العلاج قالي الدكتور الجهاز لآتلبسينه خليج على العكاز وفعلا مشيت على العكاز ومع الأيام حاولت أدوس على ريلي ومث الياهل لما يخطي ووووصار عنددا ذاك اليوم عيد ومع الأيام قمت أمشي من غي العكاز بالبيت وبرا أستعمله علشان تصير مشيتي أسرع 000رجعت المدرسة وقالوا المعهد فتح صفوف للثانوي لكني رفضت أغير مدرستي كملت المرحلة الثانوية وحتى صفي كان بالدور الثاني والحمدالله نجحت وتخرجت وعقبها مافكرت أكمل دراستي قلت بجرب الوظيفة وفعلا توظفت سنة عقبها أشتقت للدراسة وسجلت بالمعهد التجاري وهني الله كتب أني أتزوج والحمدالله تزوجت والله رزقني بنت وثلاث أولاد والله يعلم شكثر عانيت يوم تزوجت الناس مايخلون أحد بحاله أول شي قالوا هذي وين والزواج وين ويوم حملت وسبحان الله حملت من ليلتي قالوا بعد حامل وي شتبي تيب أهي وريلها مشلولين وهذيل أقرب الناس اللي طلع منهم هالحجي الله يسامحهم ويوم ولدت بنتي قاموا اللي يزوروني من أهل زوجي يتفحصون البنية وطبعا عصبت ومارضيت أطلعها لحد ونظرة الناس لما كنت أطلع أنا وزوجي ومعانا بنيتنا غريبة بشكل عجيب أنا أعصب أقولهم شفيكم شايفين ناس نازلة من كوكب ثاني وزوجي يسكتني ويقول مالجشغل فيهم الحمد الله الحين بنتي عمرها 26سنة متزوجة وعندها بنت وولد وحامل وولدي متزوج ومرته حامل وولدي الثاني توه متخرج من كلية الهندسة والثالث بيروح الصف ال110000000على فكرة أنا ماقلت لكم كنت عضوة ولاعبة في النادي الكويتي للمعاقين وكنت لاعبة سلاح الشيش وألعاب القوى وشاركت بدورة من دورات ستوك ماندفيل والدورات اللي صارت بالكويت وحصلت على 4ميداليات فضية و2برونزية00000

مشااركه مميزه من احلى واغلى ام أحمد
الله يعطيج الف عاافيه ويعطيج طولة العمر
ويخلي لج عيالج وابو عيالج ويديمهاا عليكم سعاده وصحه

 

[الصابرة المحتسبة]

رد : مشواري

ام اللو أحبكي الذي أحببتنا له

ويعل ربي يبلغج بهادي واحنا اهني خواتج ومثل ماقالت شمس نعين ونعاون

 

[لولو-الصغيره]

بعد قلبي يالحنونه علي هالدعوه الحلوه
عسى ربي يطول بعمرج يالمباااركيه وخليلج عيالج وعيال عيالج
انتي قدها وقدود ​

 

[لولو-الصغيره]

لولووو حبيبتي والله نزلت دموعي
وحناا خواتج ونعين ونعاون وكل الي بخاطرج اسدحيه هنيه فضفضي وارتاحي وكلناا آذاان صاغيه
والله اني حبيتج من اولى مشاركاتج انتي انساانه طيبه وقلبج ابيض وربي يحيج لانه ابتلاج عشان يختبر صبرج
قولي الحمدلله على كل حاال فدييييت قلبج والحمدلله ربي سبحااانه كريييييييييييييم مسح على قلبج وعطاج الصبر
الله يفرجهاا عليج ويشفي هدوي ويعطيج الصحه وطولة العمر وتشوفينه عريس
الحمدلله ربي زرع محبتهم بقلوبناا وسخرناا لهم الله يؤاجرناا ولا يضيع تعبناا

مشكوره يالغاليه علي هالكلام الطيب :aha:​

 

[pretty_shwagah]

السلام عليكم يا امهات الصبر و التحدي
الله يجزاكم الف خير و ياجركم ويشفي اعيالكم انشالله الصرااحة انا توني بس طايحة على هالقسم اللي بفضل الله و فضلكم يبث الصبر بالواحد
و انشالله دوم استفيد من تجاربكم و اخذ الصبر منكم و القوة
قصتي مع بنتي لولو بلشت اني و لدت ولادة طبيعية بس حزة الولادة السستر الله يسامحها شقت غلط و سوت فيني نزيف المهم صحيت مو حاطين تحت راسي مخدة اي نسيت اقول لكم ان من اول ما خلصت الولادة و يا الدكتور بيخيط ولا يزف السستر مادري شقالها و يحولوني ركض العمليات و بنج كامل المهم من وعيت تدرون طبيب الحكومة على طول الياهل عندج و انا اسال عن بنتي مو راضين يعطوني
المهم ان البنت من النزيف و الله اعلم و ان فصيلة الدم اهي بي و انا او فيها بصفار عاااااالي عااااالي و كل ما زادو الليت يزيد معاها و المفروض يقل حاطين لها اربع ليتات تخيو
ولدي قعد بروح انومه و باجر انشالله اكمل لكم

 

[لولو-الصغيره]

حبيبتي ما تشوفين شر ان شاء
الله يقومج بالسلامه يارب ويشفي وليدج ​

 

[pretty_shwagah]

االسلام اكملكم مشزاري المهم ان الوالدة قالت طلعو البنت نطها تحت الليت و نعطيها ماي و شكر تطيب و يوم بلغنا المستشفى اني بطلع البنت دزولي استشاري الاطفال و شرحلي ان نسبة البصفار وايد عالية و خطرة و ان اذا ما نزلت لازم يبدلون دمها لانه يسبب عمى و تخلف و شلل و لازم تظل بالخدج عشان يراقبونها عدل و طلعت انا من المستشفى العدان و ظليت يوميا ايي العصر و بالليل و اعطيها حليب و بدلو دمها و طلعوها المهم ان فرحت فيها و مشت حياتي عاد لما صار عمرها سنة و ثلاث اشهر لاحظنا ان لما نناديها ما ترد و ترففرف و تضحك بروحها سبحان الله جنها بعالم ثاني و طيارة على حجز موعد عند عبير عوض كنت خايفة من التوحد و عقب ما اختبرتها قالتلي انتي سامعة عن التوحد جان اطقها بجية و لا تقولي لا مو توحد اهيا تاخر عقلي بسيط قلتلها يعني تصير طبيعية قالت محد يعرف هذا ابيد الله ويوم صا عمرها ثلاث اسنين الاعراض تقريبا كلها اختفت الا الضحك مرات و تواصل البصري بقرة قادر صار ممتاز بس باقي الكلام ومرات اكلمها ما تفهمني و الحين دخلتها حضانة درين سنتر و الله كريم انشالله يشافي اعيالنا و عيال المسلمين بس نستمر بالصدقة عنهم و الدعاء والله الله اهو الشافي مالنا غير

 

[HearT ChocolaTe]

الله كريم يشافيها ويقر عيونج فيها .. وكل ام صابرة يا رب

 

[مدن الياسمين]

ياحياااتي يامدن الياسمييييييييين
الله يرزقج بالاطفال الاصحاء الصالحين الي يبروون فيج
الله يقومج بالسلامه وويفرح قلبج بعيالج اللهم آميييييييين

شموسه حبيبتي حبيت اخبرج اني ولدت وجبت بنت والحمدالله سليمه مافيها شئ

 

[مدن الياسمين]

لولو
الله يشفيلك ابنك ويخليله الك وتفرحين فيه حبيبتي قلبي

 

[ماريي]

رد : مشواري

مشواري السلام عليكم كتير اتاثرت بحكاياتكم مع اولادكم ربنا يشافيهم ويعافيهم يارب ويكمل شفاهم لانهم نعمة وطريقكم لجنة الخلد ان شاء الله
فكرتونى بحكاياتى مع اولادى المعاقين الله يسلمهم كتير بتذكرهم وبشتاق اليهم
مرة كان عندى مغص جامد جدا وكنت ابكى وقعدت على الارض من كتر المغص وشدته ومن بين اولادى الطلبة (طلال ) شلل رباعى لايتكلم في اليوم التاني لما والته جابتة الصف اندهشت لما سالت عن صحتى واخبار المغص ايه وسالتها عرفتى ازاي
وكانت المفاجاة ان طلال هو اللي اخبرها فهي كانت بتتواصل معاه بالنظرات وسبحان الله بينهم حوار وتواصل ادهشنى يومها خصوصا انها كانت اول سنة لي اتعامل فيها مع الاحتياجات
ربنا يجعل اولادكم فى ميزان حسناتكم يارب العالمين كتير الواحد بيتعلق بيهم وبيحبهم بشكل موش طبيعي
والحمد لله ان وفقنى الله الى هذه المهنة السامية واشكر جميع الامهات المهتمات بفلذات اكبادهم فهم فعلا في حاجة الى الحب والعطاء :q8:

 

[@شمس الضحى@]

رد: رد : مشواري

مشواري السلام عليكم كتير اتاثرت بحكاياتكم مع اولادكم ربنا يشافيهم ويعافيهم يارب ويكمل شفاهم لانهم نعمة وطريقكم لجنة الخلد ان شاء الله
فكرتونى بحكاياتى مع اولادى المعاقين الله يسلمهم كتير بتذكرهم وبشتاق اليهم
مرة كان عندى مغص جامد جدا وكنت ابكى وقعدت على الارض من كتر المغص وشدته ومن بين اولادى الطلبة (طلال ) شلل رباعى لايتكلم في اليوم التاني لما والته جابتة الصف اندهشت لما سالت عن صحتى واخبار المغص ايه وسالتها عرفتى ازاي
وكانت المفاجاة ان طلال هو اللي اخبرها فهي كانت بتتواصل معاه بالنظرات وسبحان الله بينهم حوار وتواصل ادهشنى يومها خصوصا انها كانت اول سنة لي اتعامل فيها مع الاحتياجات
ربنا يجعل اولادكم فى ميزان حسناتكم يارب العالمين كتير الواحد بيتعلق بيهم وبيحبهم بشكل موش طبيعي
والحمد لله ان وفقنى الله الى هذه المهنة السامية واشكر جميع الامهات المهتمات بفلذات اكبادهم فهم فعلا في حاجة الى الحب والعطاء :q8:

جزااااااااج الله خير حبيبتي
وكثر الله من امثالج

 

[@شمس الضحى@]

شموسه حبيبتي حبيت اخبرج اني ولدت وجبت بنت والحمدالله سليمه مافيها شئ

ماشاء الله تبااارك الله اللهم لك الحمد
الف الحمدلله على سلامتج :hjy5jewf:
والف مبروووك العروسه الله يخليهاا لج وتفرحين بشوفتهاا عروووس:yaaaaaarb:

 

[مدن الياسمين]

الله يبارك فيج غنااااااااااااتي
ااااااااااااااااااااامين يارب
مشكوره حياتي الله يرزقج كل ما بخاطرج

 

[الصابرة المحتسبة]

رفع

 

[جوري الكويت]

ماشالله عليكم يا امهات

الله يفرحكم انشالله بعيالكم يا رب

و ياجر صبركم الجنه انشالله

 

[HearT ChocolaTe]

ماشالله عليكم يا امهات

الله يفرحكم انشالله بعيالكم يا رب

و ياجر صبركم الجنه انشالله

ويفرحج بكل عزيز وغالي ~ شكرا ع مرورج دعائج