مشورتكم ياحلووواات " عندي مبلغ ومحتاره "

[عالي مستواها]

السلام عليكم


بنات انا توني متوظفه توني فرش من كم شهر .. جمعت لي مبلغ قد يكون بسيط لكن " مرضي " كبداية بنسبه لي

راس مالي حاليــًا ألف وممكن كحد أقصى أخليها ألفين << أدري يفشل بس على قدي

شنو تنصحوني أسوي فيها ؟!

يمكن لازم أعطيكم فكرة عن نفسي شوي :ggdw:


انا وحده محيط علاقاتي نوعــًا ما محدود علاقاتي رسمية فصعب علي التجارة بيع ومشترى بسلع عادية مكياج وعطور شغلات جذي ما تصلح لي

بس بالمقابل عندي مهاراة حيل بالكمبيوتر تصليح وصيانة وتطوير شغل هاردوير وسوفت وير إلى جانب تصميم المواقع والصور العادية من إعلانات وغيرها بالعربي خبرتي بالتصميم ما أقول بروفيشنل ولكن أشوف نفسي أعطي بالمجال

دايم أقدم خدماتي " الإلكترونية " مجانــًا أهلي وقرايبي ورفيجاتي وحتى اللي علاقتي فيهم محدودة بالدوام إذا بغوا شي بالكمبيوتر يجوني وأنا كلش ما أقصر أعطيهم وأسوي لهم بدون مقابل

لكن اشوف أنه حان الوقت للإستفادة مو معقول أخذ من وقتي وجهدي ومرات من فلوسي ببلاش ؟!

مشكلتي إقتصاديــًا ماعندي خبرة " بإدراة المشاريع " الفكرة موجودة راس المال موجود والخبرة العملية بالمجال موجودة بس تطبيقيــًا على أرض الواقع أحسها تختلف يبيلها حنكة اقتصاادية وهذي ما اضمن نفسي فيها

عطوني أفكار بشغلات ممكن اسويها .. شلون أدير شغلي كبداية

مممممممممم

فيه شغلة بعد

بالنسبة للعقار إذا بشتري أرض أو شقة أو أي نوع من العقار برا الكويت طبعــًا .. شنو اللمت أو أقل راس مال ممكن أشتري فيه وشنو أحسن دولة أو منطقة تنصحون فيها للاستثمار العقاري تعطي مردود ومطلوووبة
واللي لها خبرة ببيع وشرا العقااار شنو تنصحني فيه

أنا مفكرة بالعقاار لانه أحس مضمون وله عوائد وراس المال مقدور عليه باذن الله ممكن أجمع بحدود سنة أو سنتين مبلغ محترم كبداية

 

[Betty]

عسى الله يوفقج حبيبتي و يرزقج بغيت أفيدج بس عذريني كلش ما عندي خبره بهالسوالف

 

[عالي مستواها]

مشكورة حبيبتي على المرور

 

[ذويقه و انيقه]

حبيبتي على مستواها . ياريت تشوفين مواضيعي اللي كاتبتهم بهالقسم وهم :اللي عندها 3 آلاف تدش - نصيحه للمتوظفات حديثا . عموما نصيحه من أختج عليج بالعقار ، طبعا بره الكويت و حاليا وعن تجربه اقول لج استغلي الفرصه و اخذيلج ارض . و التفاصيل ادزها لج على الخاص .

 

[أم عبدالله الكويتيه]

السلام عليكم ورحمة الله

اختي الفلوس اللي تقولين عنها (على قدي) والله مبلغ كبير وممكن يكون قصه وحدوته (على قولة اخوانه المصريين) ، انا بنصحج نصيحه لوجه الله دام انج تعرفين حق الكمبيوتر ، دشي مجال (التداول بالعملات العالميه) وادعيلي ، هالمجال من اوله الى اخيره كله يكون بالبيت عندج ، مايحتاج لا روحه ولا ييه ، انتي واللاب توب والانترنت بس ، وارباحج يوميه ، وشرط اكثر من اي مصدر دخل تتوقعينه

على العموم دشي على موضوعي وعطيني رايج( دورات نسائيه للتداول بالعملات العالميه) ، وبالنهايه سواء كلامي دخل قلبج او لا ، اتمنى لج التوفيق يارب ، وعسى الله يرزقج من اوسع ابوابه0

اختج ام عبدالله​

 

[bashayerr]

سألي عن صناديق الشركات الإستثمارية وساهمي فيها أحسن لج وأضمن لج وذيك الساعة لما يزيد راس مالك فكري على رواء بالعقار أو أي شي ثاني ..... ترى فيه صناديق يصل ربحها إلى 30% فيه السنة وأنتي قاعدة ومرتاحة وضامنة بإذن الله على الأقل عدم الخسارة في حالة عدم الربح ..... أو عندج الإكتتابات بالشركات اليديدة هذي بعد مضمونه ألف بالمية ونسبة الربح فيها قد تصل إلى 500% أو أقل أو أكثر حسب الشركة ......... والله يوفقج

 

[shayma]

الله يبارك بالقليل ويكثره

شوفي البنات إهنيه ماراح يقصرون .. وكل وحده راح تنصحج بالمجال إللي اشتغلت فيه وشوفي اللي يناسبج

لأن بالهزمن المعاش بروحه ماعاد يكفي فكل وحده حابه يكون عندها دخل ثاني




بالنسبة لي أنا اشتركت بشركة quest شركة التسوق الألكتروني

صراحه حلوه وردودها وايد زين ومستمر هذا أهم شي..وتعتمد في شغلها على تعاون المجموعه وليس الفرد

ارباحها اسبوعي

إذا تحبين تشتركين أو تعرفين معلومات راسليني

 

[جنون العشق]

حبيبتي على مستواها . ياريت تشوفين مواضيعي اللي كاتبتهم بهالقسم وهم :اللي عندها 3 آلاف تدش - نصيحه للمتوظفات حديثا . عموما نصيحه من أختج عليج بالعقار ، طبعا بره الكويت و حاليا وعن تجربه اقول لج استغلي الفرصه و اخذيلج ارض . و التفاصيل ادزها لج على الخاص .

وانا بعد ابي علي الخاص_03ba:

 

[لباس التقوىk]

شكلج
طشرتيها
بالعطلة
اعترفي
هههههههههههههههههه

 

[عالي مستواها]

ههههههههههههههههههه

أحبكم لا والله ليلحين عندي ما سويت شي فيهم

الحمد لله مو قاصرني شي ما أحتاج أصرفهم .. ماني راعية سوقه عمومـًا وان رحت أهلي اللي يدفعون

 

[makhroosha]

انا ودي اتعلم على التداول بالعملات العالميه بس اشلون الطريقة بالضبط اول مرة اسمع عنها ؟!؟! يليت وحدة تعلمني بالضبط

 

[القلب الحنون]

حبيبتي على مستواها . ياريت تشوفين مواضيعي اللي كاتبتهم بهالقسم وهم :اللي عندها 3 آلاف تدش - نصيحه للمتوظفات حديثا . عموما نصيحه من أختج عليج بالعقار ، طبعا بره الكويت و حاليا وعن تجربه اقول لج استغلي الفرصه و اخذيلج ارض . و التفاصيل ادزها لج على الخاص .

وانا بعد ابي التفاصيل ولا عليج امر

 

[القلب الحنون]

الله يبارك بالقليل ويكثره

شوفي البنات إهنيه ماراح يقصرون .. وكل وحده راح تنصحج بالمجال إللي اشتغلت فيه وشوفي اللي يناسبج

لأن بالهزمن المعاش بروحه ماعاد يكفي فكل وحده حابه يكون عندها دخل ثاني




بالنسبة لي أنا اشتركت بشركة quest شركة التسوق الألكتروني

صراحه حلوه وردودها وايد زين ومستمر هذا أهم شي..وتعتمد في شغلها على تعاون المجموعه وليس الفرد

ارباحها اسبوعي

إذا تحبين تشتركين أو تعرفين معلومات راسليني

ع الخاص شيووووووم بسرعه :dddds:

 

[ro3ah]

شنو الصناديق الاستثماريه الي عائدها 30% ياليت تفيدونا

 

[أم كادي]

نبي نعرف عن الصناااديق الاستثماريه