== مصاريف الولاده عليج أم عليه ؟ ==

[sunshine22]

مــــــــــــــرحبا
كروشات
طرا ببالي دام 70% من الكويتيات موظفــــــــــات
مصـــــــــــــــاريف الولاده


هل العـــــــــاده أنتي تدفعين للمستشفى أو زوجـــــــــــك


في حريم يدفعون ويتكفلون بمصاريف المستشفى
في حريم يدفعون النص والنص الباجي زوجــــها
في حريم يمر زوجها بأزمه ماليه فتدفــع هـــــــي



أنتي أي وحده منهم

خلونا نشوف منو يدفع بالغالب الزوجه او الزوج

 

[احمريكه]

رد: == مصــــــــاريف الولاده عليج أم عليه ؟ ==

الاغلب سوالف الاستقبال انا والمستشفى ان شاء الله اذا طبيعي اهو اما قيصريه لا سمح الله احتمال اساعده

 

[زين ودلال]

رد: == مصــــــــاريف الولاده عليج أم عليه ؟ ==

انا الولادتين اهو اللي دفع كل شي بما اني مو موظفه

بس اذا توظفت ان شاء الله الاستقبال وهالسوالف اكييد علي لان اهو مو ملزوووم يدفع حق هالخرابيط وانا موظفه

اهو بس يدفع حق الولاده والغرفه

 

[أوراق مبعثره !]

رد: == مصــــــــاريف الولاده عليج أم عليه ؟ ==

انا نفس اختي زين و دلال مو موظفه فاهو مسئوول عن كل شي 

 

[sunshine22]

رد: == مصــــــــاريف الولاده عليج أم عليه ؟ ==

ماشالله

انا اغلب معارفي هم اللي يدفعون للمستشفى والمفروض هي حملت 9 شهور
مافيها شي اذا الاب دفع للولاده

 

[حآلية الذوق ~]

رد: == مصــــــــاريف الولاده عليج أم عليه ؟ ==

انا مو موظفه

بس طبعاراح اساعده احاول اشتري ملابس البيبي لو شويه من مصروفي

وطبعاسوالف الاستقبال علي الا اذا قصرني شي باخذ منه

بس اهو ملزوم
بس هالزمن كلن عليه التزامات مايضر اذا ساعدته وحاولت اشتري من مصروفي

 

[مشتطـه]

رد: == مصــــــــاريف الولاده عليج أم عليه ؟ ==

كل شي عليه لاني مو موظفة

 

[القلب الطيب]

رد: == مصــــــــاريف الولاده عليج أم عليه ؟ ==

انتعاون انا وياه

 

[أبكاني ذنبي]

رد: == مصــــــــاريف الولاده عليج أم عليه ؟ ==

انا مووظفه

بس اهو ساعدني بمصاريف البيبي من لبس وجذي

والولاده عطاني مبلغ وانا زدته

 

[الخيال المتلاعب]

رد: == مصــــــــاريف الولاده عليج أم عليه ؟ ==

مرحبا انا لما كنت موموظفه كان يولدني بلحكومه عند الحكومه احسن شي طبعا مايحس والحمدلله لما توظفت بلخاص الله يعز المعاش

 

[عالمي المجنون]

رد: == مصــــــــاريف الولاده عليج أم عليه ؟ ==

بما ان بولادتي الاولي كانت عنده أزمة مالية

انا الي دفعت مع ان كان يحن الا يبيني أولد بحكومة << ماكو شغل

و الحين اقوله ان شا الله بتعدل وضعك أبي أولد بنفس الغرفة

قالي غسلي ايدج مالج الا الحكومة ولادتي الي طافت كلفتني ١٧٠٠

و انا الصراحة ابي راحتي بدفعهم من معاشي بس بخليه يقط النص نحاسة و الا اشحقي ابو

 

[أم يوسف وأمونة]

رد: == مصــــــــاريف الولاده عليج أم عليه ؟ ==

موضوعج حلو وايد

شوفي انا مو موظفه بس الف الحمدالله ريلي يمشيلي معاش

وسوالف الاستقبال واللي مالهم الريايل فيها علي

لانه مو ملزوم واما بالنسبه للمستشفى لا اهو يدفع

والحمدالله والتعاون حلو ما فيها شي

 

[آجمل نسآء آلدنيآ]

رد: == مصــــــــاريف الولاده عليج أم عليه ؟ ==

مثل اغلب البنات انا مو موظفـه ..~

اهوا طبعاً مايقصـر .. بـس مايمنع آني آساعده ..~

 

[MiSS B.K]

رد: == مصــــــــاريف الولاده عليج أم عليه ؟ ==

الولاده عليه والاستقبال علي

 

[Zaina-al-zaina]

رد: == مصــــــــاريف الولاده عليج أم عليه ؟ ==

بما اني موظفه كل الولااااده علي حتى المراجعات ...

اما ملابس البيبي وكل لوازمه اهوااا ...!

ولادتي الاولى بالحكومه وكانت قيصريه وبصراحه الولاده بالحكومه موشينه !

هالمرااا ان شاء الله بولد خاص وبقولكم الفرق ...

اذا الريال مو كريم من نفسه صعبه تغصبينه !

( راحوا الطيبيـــين ههههههههه )

 

[الاء النور]

رد: == مصــــــــاريف الولاده عليج أم عليه ؟ ==

حلو التعاون في هذي الامور

الاستقبال ان شاء الله علي وتوابعه والمستشفى عليه واذا نقص بعطيه

وبما ان انا اول ولاده لي ان شاء الله ف اهوه يشتري سرير وكبت البيبي اذا الله اراد

 

[ضحاوي الديره]

رد: == مصــــــــاريف الولاده عليج أم عليه ؟ ==

انا طااالبه
فكل شي عليه
الولاده ومصاريفها وتجهيز البيبي وتجهيزي انا بعد سواء تجهيز النفاس او تجهيز طلعة الاربعين
وحتى لي توظفت الولاده وتجهيز البيبي راح يظلووووون عليه

 

["*آآآنؤؤؤقهـ*"]

رد: == مصــــــــاريف الولاده عليج أم عليه ؟ ==

بما اني مو موظفه المستشفى وتجهيز البيبي كله عليه

وتجهيزي عطاني مبلغ وقدره ماقصر حبيبي وطبعااا انا قطيت فوقهم

تدرون حرييييم مانشبع لوووووول

 

[أكذب عليك]

رد: == مصــــــــاريف الولاده عليج أم عليه ؟ ==

انا موظفه
الولاده ع التأمين بس انا حاجزه غرفه مايغطيها التأمين واهو بيدفع الفرق
شغل البيبي كله عليه
وتجهيز طلاعتي صراحه ماكنت حاطه في بالي انه بيعطيني كوني موظفه بس حطلي بحسابي مبلغ قالي لطلاعتج
وماقصر ..

ولو حسيت انه زوجي مو مرتاح ماديااا بساعده اكيد بس دامه قادر ومعاشه زين اكيد ماراح اساعد

 

[ام فواازي]

رد: == مصــــــــاريف الولاده عليج أم عليه ؟ ==

انا موظفه تجهيزي والاستقبال علي و تجهيز البيبي عليه و الولاده نص نص بينا بعد هو وراه مصاريف عياله و البيت مايقصر