مصدووووومه .. شي غريب صار معاي

[الحسن كله]

السلام عليكم

شلونكم بنات

بنات أنا مصدومه أول مره يصير معاي هالشي بصراحه!! بنات أنا حامل بالشهر الثامن من ساع رديت من السوق عالساعه عشر وأنا حاسه ألم بصدري ومو عارفه من شنو .. المهم لمن جيت بغير ملابسي لقيت ستياني متغرق ماي وبعد ماتسبحت ونطرت شوي ولا قام يطلع الماده الصفرى تعرفونها بنات اللي تقعد سبع أيام تنزل قبل لا يطلع الحليب .. بس أول مره تصير معاي إنها تطلع قبل لا أولد ؟؟!!! انا عندي بنتين والحليب عمره ماطلع قبل الولاده !! هالشي طبيعي ويصير معاكم ؟؟ وإنزين اللي أعرفه إن هالماده مفيده للطفل أكثر من الحليب أخاف تخلص قبل لا أولد؟؟

شنو الحل أروح الدكتوره الصبح؟؟ أخاف تعطيني شي يوقفه وعقبها لمن أولد مايطلع مني حليب؟؟

بنات تكفون اللي تعرف ترد علي واللي ماتعرف ترفع الموضوع وجزاكم الله ألف خير​

 

[om jsoomi]

رد : مصدووووومه .. شي غريب صار معاي

انا اقول راجعي احسن لج لان ماتدرين ليش طلع الحليب والله يسهل عليج يارب

 

[ELFAD3Ah]

رد : مصدووووومه .. شي غريب صار معاي

حبيبتي انا صار معاي جذي و وايد من اهلي صار معاهم جذي وانا سماعه الي ينزل منها حليب مبجر يعني حنونه

 

[الحسن كله]

مشكوره أم جسومي على مرورج

أم حمني يعني عادي ؟؟ الماده هذي يعني ماتخلص منج قبل لاتولدين أقصد الماده الصفرى اللي قبل الحليب ؟؟ ويابعد قلبي فديتج على هالرد صاجه عاد أنا حنونه على الجهال بزود يمكن تكون هالمعلومه صح ..ومشكوره على المرور الحلو

 

[الاسطوريه الحلوه]

عادي ياقلبي انا نفس حالتك من اول بيبي جبته واللحين انا نس الشي قاعد يصير وياي وهذا عشان هرمون الحليب مرتفع وياج لا تخافين الامر طبيعي

 

[الحسن كله]

الأسطوريه فديتج مشكوره .. بس أنا عبالي الماده هذي مهمه للطفل وإهي ماتقعد غير إسبوع اخاف تخلص مبجر

 

[raneen]

رد : مصدووووومه .. شي غريب صار معاي

يابعد عمري لااااا تخافين عادي هذا الشي انا صار معاي جذي ومو بس جذي انا كان يصير معاي بعد اذا مشيت وايد او اكتلت شي في فلفل ..
ولا مخلصت الماده الي تطلع قبل الحليب لاتحاتين بس انتي مع كل شور دلكي صدرج ...
ومره ثانيه اقولج لاتخافين تره عادي جدا...
وتقبلي مروري لج حبوبه...

 

[أشبـاهـ المطـر]

لا مااعليج شر
ان شاء الله واايد اعرفهم صدرهم
يفرز حليب قبل الولاده

 

[الحسن كله]

رنين جزاج الله ألف خير ياقلبي ماقصرتي ياعمري

أشباه المطر فديتج مشكوره على الرد

 

[الباسمه]

البنات ما قصرو
واب لعيونج

 

[*الجادل*]

كل رفيجاتي يطلع معاهم حليب قبل الولاده

 

[جذابه بنت ذيابه]

رد : مصدووووومه .. شي غريب صار معاي

لاتحاتين يا الغاليه



وان شاء الله مافيج الا كل خير يارب ,,

 

[يا عيون سمي]

يمكن هرمون الحليب ارتفع عندج

 

[كويتيه مذهله 87]

لا تروحين الطبيب ولا توقفينه
هالشي طبيعي

يمكن لابسه ستيان او شي ضيج علي صدرج
,,,

 

[*peace*]

ماشاء الله تبارك الرحمن صج حنونه انتي هههههه

انا افقص صدري واقط الحليب بالحمام مابي جسمي يخرب الحمدلله والشكر

 

[LiL MaMa]

رد : مصدووووومه .. شي غريب صار معاي

لا تحاتين الامر طبيعي انا صار معاي جذي

 

[لولوه1]

رد : مصدووووومه .. شي غريب صار معاي

عاااااااااادي جدااا انا من الشهر السابع للحين ينزل ولمن سالت امي قالتلي عادي هاذي من الهرمون وجدااا عادي لحين بخلص التاسع وللحين ينزل

لا تحاااتين

 

[غلا ماجد]

تجي بالحمل هالضيقة

 

[ام عفاف الكويت]

لاتحاتين عادي قلبي
الله يهون عليج

 

[ELFAD3Ah]

رد : مصدووووومه .. شي غريب صار معاي

ايه حبيبتي عادي مايضر لاتحاتين انا مارحت الطبيب ومشاالله تمت الماده تنزل وياي تقريبا لي نهاية الاربعين