مصيبتي خيانه زوجي لي

[صوت المحبه]

هلا حبايبي
أنا عندي موضوع واايد متعبني
أتمنى تساعدوني
أنا متزوجة لي سنوات وعندي أطفال
لاحظت من فترة تغير زوجي علي ، وكان عندي أحساس قوي أن الموضوع فيه وحدة
لحد سبحان الله شفت صورتها في أيميله
المهم واجهت وصار مشاحنات طويله وأعتذر وأنه ماراح يكررها
طبعا كان بس يكلمها في الشات

أنا الحين مشكلتي ماني قادرة أنسى الموضوع
أحس أني بنجن
علاقتنا مع بعض كانت مررره قوية
وبيننا تفاهم كبير
كيف جاته الجرأة يعمل فيه كذا !

طبعا هو ماغير رقم جواله يقول اللي بيننا شي تافه وهي راح تفهم أني كنت أتسلى

أنصحوني وش أسوي
كيف أقدر أنسى !

 

[ام كداوي]

والله معظم رجاجبل هالزمن الخيانة عبر وسائل الشات سهلة عليهم فلا تزعلين لان لي عندك واحد منهم ومو ملاك هالتكنلوجيا صارت خرابة بيوت ومادام انه اعتدرلك وحلف مايعيدها فحاولي انك تتناسين الموضوع وترى الرجال مايحب المرة الي مااغفر ليه الزلة وتقعد كل شوي تدكره فيها فانتي خليه يشوفك انك ناسية الموضوع وانك سامحتيه من قلب خلص وانك واثقة فيه وهورح يحاول مايزعلك مرة تانية وانشالله الله يهديه ويسخره لك يارب وانتي بشطارتك تقدرين تخليه مايفكر يخونك

 

[om . alzeen]

زعلي عليه ولاتعطينه وجه لفتره بعدين قوليله انا برد مثل ماكنت وبنسى كل شي لاني واثقه فيك ويليت ماتخسر ثقتي فيك مره ثانيه لاني ماراح اقدر اسامحك لو تكرر الموقف

وقولي له شالسبب الي خلاك تسوي هالشي هل انا مقصره معاك .؟

لو قالج اشياء وعيوب فيج وطلع اعذار مالها معنى ماشيه على قد عقله وقولي خلاص بصلح الي ماكنت حاسه فيه وصج صلحي لاتكابرين وخليه يوعدج اي شي يلاحظه عليج ومايعجبه يقولج عشان تتلافين هالامور (الخيانه )

 

[ناتشوو]

يمكن هالامر
يصحينا احنا يالحريم
ان الوحيد
اللي يستحق ثقتنا وتوثيق علاقتنا فيه
ومستحييل ننال الخذلان منه
هو الله جل في علاه
يمكن تنبيه من ربنا
لا تتعلقين بغيره
حتى لو زوج

بالنسبة اشلون تنسين
انت تقدرين
تتناسين
وتقدرين
تعيشين هالدكرى بدون نسيان
الواحد
بحياته
يفقد غالين واحباب بالموت
ويقدر يعيش وياكل ويضحك بعدهم
معقول خيانه وتردي في اخلاق زوج
يخليننا تعيسين ونوقف حياتنا
ليت الخيانة اكبر الهموم

 

[Beyoncee]

أحيى الاخت ناتشو علا ها لكلام الطيب
إحنا مو ملائكه بشر تخطى وتتعلم وتغفر
بعد مرور سنين ع الزواج والعشرة راح تتذكرين ها لموقف وتضحكين على ردة الفعل القويه
لا تستنزف مشاعرنا وعواطفنا على امور نقدر نتجاهلها ونطوفها

 

[رنيم الروح]

يمكن هالامر
يصحينا احنا يالحريم
ان الوحيد
اللي يستحق ثقتنا وتوثيق علاقتنا فيه
ومستحييل ننال الخذلان منه
هو الله جل في علاه
يمكن تنبيه من ربنا
لا تتعلقين بغيره
حتى لو زوج

بالنسبة اشلون تنسين
انت تقدرين
تتناسين
وتقدرين
تعيشين هالدكرى بدون نسيان
الواحد
بحياته
يفقد غالين واحباب بالموت
ويقدر يعيش وياكل ويضحك بعدهم
معقول خيانه وتردي في اخلاق زوج
يخليننا تعيسين ونوقف حياتنا
ليت الخيانة اكبر الهموم

كلام سليم جدا

 

[وردة وطني]

ناتشو ماقصرت كلامه درر
والباقي بعد مشاءالله

 

[manoooram]

الله يعطيها العافيه ناتشو وباقي البنات
صج حبيبتي حاولي تتناسين وذكري اللحظات الحلوة اللي كانت بينكم
ريلج غلط وان شالله ما يعيدها

 

[أدعج غنج]

دام إعترف بغلطه واعتذرلج ...حاولي تسامحينه وتتناسين حتى لو ما نسيتي ...والزمن كفيل بإنه ينسيج ان شاء الله

الخيانه هم كبيييييييييييييرومو هينه ...لكن تحذري تسمحين لهالتجربه انها تستنزف صحتج ووقتج ونفسيتج ...بالنهايه مافي شي يستحق كل هذا. وكل إبن ادم خطاء

المصيبه الوحيده اللي تستحق انج تحزنين وتهتمين هي دينج وربج فقط ....أما الدنيا فهي (ملعونة ملعون مافيها) خلي مسامحتجله والمضي بحياتكم بسعاده صدقه لوجه الله سبحانه ولرضاه ان شاء الله ...عند ربج ما يضيع شي وكل شي بننإجر عليه

وترا النظره الإيجابيه للمساقبل والتفكير الايجابي واايد يساعد على تخطي هالأزمه وعن تجربه ...دايما رددي ان حياتكم بترد حلوه ومسقبلكم أحلى وكل اللي بينكم ما يهزه ريح ولا تخربه وصاخة دنيا ولا أغلاط بشر ...
الله يسخر زوجج لج ...

 

[ام غازي 2012]

الله يسامح ويغفرر
وما تسمي الانسان بانسان الي علشان ينسي سبحان الله

سمحيه وفتحي صفحه معاه بيضه وانسي كل شي صار

هذه زوجج وابو عيالج والواحد مو معصوم عن الخطأ

والله يهديه ويخليه ل ولعيالج
ويبعد عنكم بنااات بليس

 

[احلا المزايين]

سبحان الله منو ماعانت من الخيانة
بس الذكية والحكيمة تقدر تقلب كل شي لصالحها
يااختي احنا محتاجين نوقف مع انفسنا وقفة حق
والله محد ظلمنا الا نفسنا
الخيانة علمتني اني التفت لنفسي واحبها واداريها
علمتني احصن نفسي بالاذكار والادعية
علمتني ان ارضاء الناس ومن ضمنهم الزوج غاية لاتدرك
علمتني ماافكر انبش من ورا زوجي عشان ماتتعب نفسيتي

 

[فرزاشيهـ]

يمكن هالامر
يصحينا احنا يالحريم
ان الوحيد
اللي يستحق ثقتنا وتوثيق علاقتنا فيه
ومستحييل ننال الخذلان منه
هو الله جل في علاه
يمكن تنبيه من ربنا
لا تتعلقين بغيره
حتى لو زوج

بالنسبة اشلون تنسين
انت تقدرين
تتناسين
وتقدرين
تعيشين هالدكرى بدون نسيان
الواحد
بحياته
يفقد غالين واحباب بالموت
ويقدر يعيش وياكل ويضحك بعدهم
معقول خيانه وتردي في اخلاق زوج
يخليننا تعيسين ونوقف حياتنا
ليت الخيانة اكبر الهموم

:rerrerek::eh_s(7):

 

[مناير ...!]

تناسي ياحبيبتي مو شرط تنسين لازم اتخلين حياتج تمشي

 

[3aly mstway]

الله يعينج

وحاولي تناسين عشان تعيشين لا تخربين حياتج ولا تحطين بالج ياربي ليش يصير لي جذي لا ترا غيرج عندها يخونها زوجها ولا تفقد غالي ...

 

[آخر حبيبة]

ماشالله ناتشو كفت ووفت