مطارات أمريكا

[عسووله]

السلام عليكم بناااات شلونكم:68_asmilies-com:
ودي استفسر منكم عن أمريكا وطريقتهم بالمطارات من ناحيه التفتيش والاشياء الي مايرضون فيها او طلبات معينه يبونها واشلون التعامل معاهم سهل او لأ وشنوالي ممكن احتاجه معاي للسفره خاصه اني رايحه علاج في نيويورك (منهاتن) واذا وحده زايره هناك تدليني على أماكن زينه ومشكورين .....:balo:
ونسألــــــــــكم الدعــــــــــــاء
​

 

[rawona]

الله يشافيج حبيبتي ..


شوفي مطارات امريكا شوي نوعهم يدققون بالتفتيش بس ترى اللي يجرى عليج يجرى على الامريكان بعد ..

يعني لا تحطين بجناط الايد او الهاند باغ اي نوع من انواع السوائل (عطر- كريم ايد سائل- ماي عدسات- معجون اسنان- صابون سائل... الخ) كل شي لازم يكون اقل من 50ml والا ياخذونه ويقطونه جدامج

تكرمين لازم تقطين الجوتي وتحطينه في السله واتخلينه يمر تحت الجهاز

لا تلبسين شي ممكن يصفر (قميص او بنطرون او نفنوف فيه ازرار وايد او سوالف معدن او حزام ممكن يصفر الجهاز اذا مريتي تحته ويفتشونج)

اللاب توب لازم اطلعينه بره الجنطه مالته وتحطينه بالسله وتخلينه يمر تحت الجهاز

ممنوع تيبين مقص مقراضه او اي اله حاده معاج بالطياره


بس هذا اللي اذكره الحين وانشالله البنات يفيدونج اكثر

موفقه
​

 

[عسووله]

مشكوووووووووووره يابعد قلبي انا رايحه علاج عقم ادعولي عفيه واذا خذيت تمر مثلا بالجنطه لكبيره او خذيت معاي dvd عادي وبهارات وسوالف من هالنوع عادي ؟؟

 

[rawona]

الله يرزقج انشالله الذريه الصالحه

اي عادي حبوبه اخذي بس لا تكثرين وحطيهم بالجنطه الكبيره ..

والله يسهل اموركم
​

 

[شندوخه]

التمر عادي والقهوه عادي وحطيهم بالجنطه الكبيره اللي تدخل الشحن والدي في دي اذا كان منسوخ مايرضون ويمكن يسولج سالفه وسين وجيم افتكي من هالامور لان الكوبي يعتبر جريمه فدراليه عندهم
ويارب الله يرزقج بالذريه الصالحه ويوفقكم بسفرتكم

 

[عسووله]

مشكورين حبايبي والله يوفقكم بحياتكم انشاء الله وشكلي صج بهون عن dvd مالنا خلق سوالف بعد الله المعين وادعولي عفيه والله يعطيكم الف عافيه