مطارة الشاي والقهوة

[شـــووووق]

مرحبا بنات
بغيت منكم خدمه للي عندها خبرة
عندي مطارة جديدة ابيها للشاي وحطت الخدامه فيها قهوة بالغلط أحد فيكم يعرف او سامع شلون انظفها وتروح منها ريحة القهوة
ومشكورين مقدما

 

[شندوخه]

للاسف هالمشكله مالها حل وايد تصير فينا
جربي حطي بالمطاره ملح خشن وصكريها وحطيها برف ليله ليلتين وشوفي

 

[ياوحشة غيابك]

والله حبيبتي انا سمعت معلومه بس ماأدري اذا صح او لا يقولون حطي فيها نشا وخليها جم ساعه بعدين غسليها

 

[حلوه ولمآحه]

حبيبتي سوي فيها نعناع او حبق ،، وخليه يبيت فيهآآ،،

 

[أماني الحلوة]

غسليها عدل وحطيها بالثلاجه مفتوحه لمدة يوم وشوفي

 

[0ام الحلا0]

الله يعين

 

[@شمس الضحى@]

حطي فيهاا ماي مغلي وقفشة مرميه وخليهاا ليله

 

[مزاجية حدي]

عند جهينه الخبر اليقين حطي ماي من الغلايه وحطي معاه قفشتين ملح الليمون وادعلي ان الله يحقق اللي في بالي

 

[اشواق2008]

حطي فيها ماي وكلوركس لمدة يوم كامل وادعيلي

 

[سيده نفسي]

حطي عليها ماي مغلي لمده جم يوم

 

[شـــووووق]

مشكورين كل الي ردو علي
بجرب كل الطرق الي قلتوها

 

[miss mama]

مشالله شكثر الطرق الي كتبوها البنات جذي مطارتج بترجع شباب عشرين سنه ورا لووول اتغشمر !! لا يوقف لا يووقف بدعتوو هههه

 

[تنايفـ]

الصراحة بسييف الموضوع بالـ Favorites واااايد مفيد وكل وحده تقول الزود عندي ماشاء الله عيني عليكم بارده الله يعطيكم العافية كلكم .. وصاحبة الموضوع اذا جربتي طريقة وانجحت بشرينا
​

 

[عصفورة كويتيات]

للرفع