مطاعم الافنيوز

[kaify q8ya]

السلام عليكم و رحمة الله و بركاته

اشلونكم بناتووو ان شاء الله كلكم بخير :eh_s(7):

بما ان قررنا اليوم نتغدى بالافنيوز فقلت بنشوف مطعم مو مجربينه نبي نغير و قعدت احوس احوس :eh_s(10): يالله لقيت جم مطعم

فقلت بنزل موضوع يسهل علينا كلنا حق اللي ودها تروح مطعم بالافنيوز نفس حالتي

و اتمنى ان يلقى الموضوع تفاعل كبير لان كلنا نحب الاكل و المطاعم و منو ما يحب البلعه

طبعا اتمنى من كل وحده تكتب عن المطعم شرط ان يكون بالافنيوز فقط

و اتمنى بعد تقولنا عن تجربتها و حتى لو ما جربتي اتمنى تذكرون هالشي

و ما عليكم امر الشي الضروري اللي تذكر لنا اي مطعم تقولنا وين مكانه بالضبط !!!!!

 

[أبلة فاتن]

طيب حبوبه ذكري المطاعم اللي انتي مجربتهم علشان البنات يذكرون لج الباجي وفي موضوع قديم عن مطاعم الافنيوز​

،،​

عموما اول ما تدشين من بوابة ايكيا تصعدين السلم الكهربي يسار​

بيتزا اكسبرس - غيروا المنيو مالهم من بداية هالسنه احب سلطة الجرجير مالهم​

ليلى من لبنان - بس زحمه عليه​

زيت وزعتر -​

والمطعم الصينو جنه اللي كله الاجانب فيه يم زيت وزعتر​

وفرايديز​

،،،،​

اذا رحت اخر شي بالافنيوز صوب سيفورا بس السطره الثانيه السلم الكهربي​

تصعدينه​

فوق كل المطاعمم الوجبات السريعه​

ماك و نيثنس وكل الباجي وفي قبالهم​

مطاعم اكل عيوش وهالسوالف​

،،​

وفي بزاويه اللي فوق همن مطعم سواح مادري على شنو اسعاره اغلى من ليلى مع ان اطباقه حديد ما يعجبني​

صراحه بس اكلت منه مرتين لان كان زحمه بليلى​

،،​

وعندج وين محل بيدو ملابس في قباله مطعم بعد​

وفي مطعم اشاز الهندي​

وفي كذلك مطعم ايراني مادري اي صوب​

وفي نينو حلو اكله​

ملاحظه حبوبه :​

اول ما تدشين الافنيوز في خريطة : اماكن المطاعم اذا ضيعتي بس ما تضيعين كل شي شكبره بالافنيوز ​

يعني طلي بالخريطه يبين عندج كل المطاعم بالمجمع ​

من زمان عنه ولا جان رحت وسويت لج جرد هههههههههه على المطاعم نفسهم اللي عالبحر فاتحينها بهالمجمع ماكو جديد​

وفي اللي اول ما تدشين من بوابة ايكيا همن هذا مطعم حليو



لو يعدون المطاعم بالكويت اتوقع راح يكون عددها اكثر من بيوت الحكومه هههههههههههههههه


لي عوده بموضوعج انشاءالله ​

 

[kaify q8ya]

راح ابدي انا بالمطاعم اللي اعرفها و راح اقولكم مكانه وين و اذا مجرته


- الفورنو ,, طبعا مكانه عند H&M ,, انا جربت عنده بيتزا ببروني و اللزانيا و دايما امي تاكل تونو بيتزا و من تجربتي الشخصيه حيل حيل حيل يعجبني و بيتزتا لذيييييذه و ضعيفه جنها بسكوته و عندهم عصير وايد حلو بس الحين ناسيه اسمه كلش مو ذاكرته السموحه يالربع


-نينو ,, مكانه عند فيفا جدام جوكليت بار ,, غني عن التعريف و انا بصراحه احب سلطة الجرجير و الباستاااا عندهم لذيذه


-جوكلت بار,, جدام نينو عند فيفا ,, اكثر شي احب اروح له عالريوق و الفرايز عندهم عجييييب و دايم يقدمونه حار و احب عندهم نوتيلا كيك يميييييييييييييييييييييييييييييييييييييييييييييييييييي

-Paul ,, ناسيه عند شنو يصير بس مكانه بارز و يبين ,, انا عن نفسي اطلب باستا و انا اقولهم شنو يحطون فيها الودجز عندهم حلو ,, سلطه القباقب روعه ,, الدرسينج مال السلطه عندهم حااامض عجيب

- chili's ,, مكانه بره صوب الدخل اللي عند الاكترونيات ,, ما يحتاج اتكلم عن اكله شي غير ان اهو من المطاعم المفضله بالنسبه لي

- مكروني جريل ,, عند شيليز ,, احب الكنلوني مالتهم لذيييييييييييييييييييييييييييييييييييييذه و احب الصمونه اللي يقدمونها اول ما نقعد

-جوني روكتس ,, عند تشيليز بعد ,, احب الريوق عندهم اكثر من الوجبات الثانيه ,, ريوقهم اكثر شي بيض

-فرايديز ,, فوق عند المطاعم اللي يم السينما ,, يمي يمي يمي يمي هذا اللي اقدر اعبر فيه لووووووووووووول

- بيتزا اكسبرس ,, يم فرايديز ,, حلو اطلب منه باستا و ساعات مرجريتا هم حلوه

-بافلوز ,, عند فرايديز ,, كلش كلش كلش كلش ما عجبني الله يزيد النعمه

-ليلى من لبنان ,, يم بيتزا اكسبرس ,, انا رحتله بالعيد كان اكلهم مو حلو بس يمكن عشان زحمه و مسحيل ان ارجع اجربه

- ابل بيز ,, يصير مدعوس عند ماجيك بلانيت فوق ,, حلو اكلهم احب الربيان بالبقسماط و رب اي ستيك

هذي المطاعم اللي مجربتهم و ان شاء الله اذا شفت تفاعل بالموضوع يبرد القلب بكمل لكم عن الباقي

 

[kaify q8ya]

حياج الله ابله فاتن ,, يسعدني ان تكونين اول من يرد علي بالموضوع ,, لما كتبتي ردج كنت قاعده اسدح لكم المطاعم اللي مجربتها

عجبتني كلمتج اكثر من بيوت الحكومه لووووووووووووووووووووووووووووووووووووووووووووووول

و بالنسبه حق المطاعم مو كلهم ع البحر و في ناس ما تعرف كل المطاعم

مشكوره حبوبه ع المرور و الرد ناطره عودتج

 

[أبلة فاتن]

^^^^
ايوا هذول مطاعم الافنيوز ههههههههههه مشاءالله عليج كلهم مجربتهم انا ما احفظ الاسامي بس اللي ذكرتيهم

طبعا ،،،


اي نفسهم اللي بسبونز المطاعم ونفسهم اللي بمارينا مول ونفسهم وتتكرر المطاعم عرفتي


خلاص روحي اشاز الهندي

 

[ضناني الشوق5]

up
up

 

[♥MaSteRiyA♥]

وااااااااي في واايد مطاعم بالأفنيوووووز
بس الصراحة آنا أحب ثلاثة بس:
جيليز
فرايديز
وليلى ​

رحت أشاز.. وناسة بس ما أحبه كثر الباجي​

اممممم.. جوكلت بار.. وايد يحبونه بس آنا ماحب آكل شي معيَن
أروح مع أهلي أطقطق معاهم فوندو بس ما أطلب شي محدد​

امممم شيك شاك يمدحونه.. بس ما جربته ​

امممم في كافيه يهبببببببببل.. الحلو عنده خيااااال..
كيك وداخله جوكلت ذايب ويمه يحط برَد لذييييييييذ
بس نسيت اسمه لاني رحته مع رفيجتي اهي تعرفه
خل أسألها و أرد اكتبه ^.^​

بالعاااااافية مقدماً​

 

[الحورية الصغيرة]

في موضوع بالقسم عن مطاعم الأفنيوز

المطاعم الحلوه
p.f changs

ليلى من لبنان

الفورنو

لينوتر (ساندويشات و باستات و بيتزا بس اطباقهم الريئسيه أنا شخصيا ما تعجبني)

ماكي

زعتر و زيت (عشا أو ريوق أحسه ما يصلح لغدا )

هذول إلي في بالي الحين

 

[:: Diva ::]

اضافه على كلام البنات


في زهر الليمون و ماكي فوق بالزاويه اعتقد مقابل ماكس مو متأكده جداً بقعه هاااااااااااديه و تهبل
في ديين اند ديلوكا جبال بينك بيري فيز2 الاكل يهبل بالنسبه لي واااااايد احب السلطات و السندويتشات

في بي كيو قبال ديين اند ديلوكا رااااااقي و صغيرون سلطتهم احبها + الدياي بالكريمه
و اذا خليتي هاغن داز على اليمين و بي كيو عاليسار تطلعين على ساحة مطاعم بره عند النافوره ما احبها لان في شيشه


فوقهم في نابكت عند سواح غالي و اكله عادي
قبلهم فوق في بتوشتر غيرل و بيرجر يونيون و جوني روكتس و واسابي و بنفس المكان في دندرمه
و رايس بوت بيلي


ان نزلتي و خليتي سيفورا على ايدج اليسار تلاقين سالاد بوتيك و فوقه يصير ديب اند ديب
في مطعم ايطالي ما جربته عند دير اند دير بس شكله عادي


اممممم عند ايكيا في لورينز
و مقابل اتش اند ام تلاقين التشاينيز نسيت اسمه امممممممممم المشكله احب الشريمب روكيت مالته مو صج بس حاره
و ان تذكرت اضفت لج

 

[أبلة فاتن]

مشاءالله الاخوات ما قصروا

 

[q8**girl]

عاد انا خبره بالافنيوز بيتنا يمه وكل يمعه انتغدا اهناك هههههههههه اللحين اكتب مدونات لوووووووووول يارب اذكرهم كلهم



ببدي من اول شي :

شيليز يكون برا جبال مدخل ايكيا

معروف طبعا احب وايد تكساس فرايز مالهم واحب الكاساديا

يمه برا مطعم ايطالي نسيت اسمه

لذيييييييييذ احبه

باستتهم لذيذه وفي شي بالمقبلات هم لذيذ هو تغميسه بس نسيته والله

بنك بيري :

احلا برد بالنسبه لي
وفيه مكانين صوب ايكيا ويم سيفورا

نينو :
هالمطعم كلمه احبه شوي
الذذ سلطه سيزر بالنسبه لي
الباستا عجيبه
البيتزا لذيذه
المقبلات في فطر محشي بدياي وجبن
والاطباق الرئيسيه في دياي بالبقسماط
وامي تحب ستيكهم
عموما اكلهم عجيب
مكانه يم فيفا

جوكلت بار :
صموناتهم لذيذه ريوق
وبنك باستا مالهم خطيير
مولتن كيك
فوندو
في كيكه نسيته بس انا مسميتها خبيصه لووول لذيذه
هم يم فيفا مقابل نينو

اشاز فوقهم بالضبط :
هندي
ممممم ذقته اول مافتح الافنيو ما اذكره امانتاا

ليلي من لبنان :
حلو بس مادري ليش عندي سواح احلى
مكانه فوق يم السينما

زعتر وزيت :
ريوق

فرايديز :
معروف طبعاا بس مادري ليش اخر الايام قمت احس انه زفر

بيتزا اكسبرس :
احبهاااا
عندهم بيتز بالصلصه البيضا وفوقها دياي وخلطه البيستو عجييبه

^^^^
هذول كلهم يم السينما فوق

عندكم كافيه كولومبس
احب قهوه البارده منهم اسمها كوفي توفي
في مكانين فوق يم السينما وهذول بعد وفي يم كارفور ودليش جبال برووي

لينوتر :
فرنسي .. عادي مو واااو ولا باد عادي
وعندهم ريوق

الفورنو :
اغلب رفيجاتي احبونه
شخصيا جربته 3 مرات ولا مره عجبني مادري ليش :/ يم اخياراتي كانت غلط اهو جدام لينوتر

فوقهم غاردن ( ايراني )
احبببببببه
كباب كوبيده لذيذ والحمص وفي بيديان عندهم بالمقبلات نسيت اسمه بس عجيب واحب الخبز اول ما انيي

وفتح توه يديد زهر الليمون جدامه بالضبط :
حلو
وقعدته شررحه برةح اجربه ريوق ان شاء الله

فيلا فيروز اكون برا :
الذ مطعم لبناني
الحمص والفتوش مال فيلا فيروز و عرايس بالجبن ووايد

اللحين بالمكان اليديد الي يم سيفورا تصعدين الدري مكان المطاعم :
طبعا المطاعم العاديه ( ماك ، نيثنس ، شرمبي ، كبابجي .... الخ )

وفي روبي تيوزدي :
احب شوربه البطاط مالتهم
امي تحب الربيان مالهم
وفي شي تغمسينه جنه كريما وسبانخ وجبن عجيب

مطعم رايس :
متخصص بالعيش
اقدملج صينيه فيها طبق العيس مع سلطه ومخللات او طرشي ولبن او مشروبات غازيه مع السويت والجاي

برياني الدياي واللحم حلويييييييين

ابل بيز :
نسيت شطلب منه عموما نفس المطاعم الامريكيه

اللحين برا يم مكتبه في
مطعم سواح :
انا بصراحه احبه
شورما الدياي حلوه
الشيش طاووق
لحم بالعجين
الكبه
ووايد

ايي نسيت اقولكم في مطعم ايطالي يم دير اند دير وانوتا اعتقد لا احد اروحله ربي يزيد النعمه خلينا الاكل وطلنا ولا شي حلو استغفر الله وزفر بعد

في مطعم مال سويت يم مكتبه ذات السلاسل اخر شي
ديب ديب
وااايد صعدوو الناس وزحمممه
اهو حلوو بس مو لهدرجه الي وصلوها لوول
عنده براوني بالكريب
وفوندو
واشياء وايد


يارب تكونون استفدتو عصرت مخي كتبت كل الي رايحتلهم تقريبا واحبهم .. لاتنسوني بدعوه حلوه :**

 

[ابله مريوم]

انا تقريبا جربت نص مطاعم الافنيوز

1 شيليز حلو
2سواح ما عجبني
3المقهى الانجليزي اللي هو تابع للشيراتون هم حليو جربته ريوق
4جوكلت بار واو واو
5رايس اموت على المربين
6فرايديز ما احبه
7ليلى من لبنان حلو بس عرايسه مو شي
8فيلا فيروز واو روعه
9نينو اروع
10في مطعم ايطالي بحت يم رايس تقريبا ما اذكر اسمه و الله بس حيل حيل مو حلو
11جوني روكتس واو عجيب
12روبي تيوزدي حلو

و بكمل الباجي​

 

[miss lulu]

نينو عجيب سلطته السيزر لذيييذة وجكن تندر
جيليز غني عن التعريف ريب اي ستيك واكسبلود سالاد و تكساس فرايز
جوني روكتس احب الميني جكن
سواح حلو احلى من ليلى وفيلا فيروز
فرايديز ما احبه
كارلوتشيوز الايطالي فوق صوب ديب .. اكس بنات لحد يروح له
شيك شاك احب اطلب منهم شاك برقر الفرايز مالهم عجييييييييييييب
جوكلت بار حلو الفوندو ومولتن كيك اختي جربت الباستا تقول حلوة
الفورنو ما عجبني على كثر المدح
بافلوز نفس جيليز بس جيليز تنوع اكثر
روبي تيوزردي احب الكاساديا اما باقي اكلهم وسلطاتهم الله يديم النعمة
قاردن عادي
دين اند ديلوكا عادي واقل من عادي
البوفيه الي فوق بايكيا اتريق فيه جربوه بنات
وبس