مطاعم لريوق

[حبيبة زوجـها]

شخباركم بنات


ممكن ما عليكم امر تقولون لي عن مطاعم حلوه لريوق


شاكرتلكم

 

[قصه طويله]

:dddds:هههههههههههههه الله يغربل ابليستس عمري شفت احد يطلب ريوق بليل هههههه ليه جيعانه من الحين هههههه المهم ياخيتي مافي احلا من المصالي لياصارن حارات توهن مسويات <<<ياعمري عمرس ياميتي

وكذلك عندس الجبادي عجيب <<<الجباتي

حقين الهنود وربي مع جبن قلاص فله يابنت

المهم احسن ريوق ياوخيتس مطعم جاد عندهم رغيف مصري حلو وحاجاتن ثانيه مدري وش وبعد الريف اللبناني وعليتس بالعافيه ياخوتس واطعمينا ياخوتس لاتنسين عموشه <<دايم بطنها ماغصها من الجوع

 

[الكرملين]

مطعم ابو خضر

ومطعم اللي بسنتر بوينت فوق

 

[أريسQ8]

لونوتر ولامرينا بسوق شرق

 

[حبيبة زوجـها]

الله يعطيكم العافيه ياحياتي

هههههههههههههههه عمشه اسلوبج يهبل

 

[سنابل]

الابراج كل يوم الصبح ماعدا اليمعة الريوق حق الحريم فقط

عندج لونوتر ريوقه حلو و قعدته عالبحر تينن

ماكدونالدز <<<<قديمة

 

[كل الحب]

تبين قعدة بنات تهبل مطعم الأبراج والكوت القهاوى على البحر القعدة فيها رهييييييييييييييييييييييييبة

 

[شندوخه]

بس ماحددتي تبين ريوق مطاعم انتي تروحين وقعدات ولا هوم دلفري ؟

 

[3emeyah]

تبين ريوق الابراج عندج حلو ريوقهم
وتكا هم حلو ريوقهم

 

[supermarket]

عندج فندق المارينا وفندق الراية

 

[Om 7oo7oo]

آنا جربت لونوتر قعدتهم حلوه ، و فندق ساس لا بأس به ، و سمعت عن فندق الراية انه حلو بس ما جربته ان شاء الله أجربه ، اشرايج أعزمج و نروح نجربه ههههههههه

 

[خاشووقه]

الأبراج حلوو وهادي وكله حريم
و لونوتر البحر عجيب
وعندج الباجي كافيهات ستاربكس وكوستا وباجي الربع

 

[MissChoco]

ريوق لينوووووووووتر امبيه روعه حيل وراااااقي

وريوق فندق الرايه

 

[فانتا]

عندج كافيه بلان اللي بالمارينا عجييييييييييييييييب

 

[رضاب 66]

بالافينيوز عندج زيت و زعتر وليلى من لبنان وايكيا بسيط وحلو وخفيف ...

 

[غيـ الناس ـر]

في مطعم اسمه المخبز مادري شنو اسمه بالانقليزي لي بين مادري شنو


هذا بالمرينا كريسنت قعدته حلوه عالبحر

 

[^SwEeTa^]

حبوبة عندج لونوتر البحر .. كافي بره قعدته اللي ترد الروح إذا كان الجو حلو

عندج بعد الأبراج إذا كنتوا حريم .. بس المختلط مو شي أبدا .. رحت مع زوجي كلش ما عجبني .. مو مثل البوفيه اللي يحطونه حق الحريم

إذا بتروحين مع عيالج .. تكا البحر .. رخيص و حلو

جربت موفمبيك .. و فندق مارينا .. لا بأس .. لكن القعدة مو مثل قعدة لونوتر الصراحة هذاك غير

عندج ريوق كراون بلازا يمدحونه (( مو انا ))

جينز مشوي بسوق شرق بعد

مركز سلطان على البحر حلو

كافيهات مارينا كريسنت أحب قعدتها بره

انا عن نفسي .. بالريوق خصوصاً تهمني القعدة أكثر من الأكل

فبالتالي .. لا يعلى على لونوتر

 

[miamy]

انا احب ريوق ريتز
عندج بجمعية الشامية
او مجمع الثريا

 

[زنوبة الحلوة]

بنات حبيباتي مشكورين وايد وايد

شوقتوني على لنوتر انا كذا مرة اروحلة كلة يصير بالليل على العشا بس صج رووووووووووعة


انا احب ريوق مركز السلطان واي مادري احس الجو وايد حلو

وجربت ريتز هم بعد حلو مممممممممممم وبعد زيت وزعتر حدة عجيييييييييييييييييييب

 

[StrawberryOnLine.NeT]

مطعم لانوتغ على البحر ولامارينا اللى بسوق شرق لايعلا عليهم
اما الابراج فا جربته اكثر من مره مو ذاك الزود