مطبخي صغير

[قَلبڪْ صًخرْ]

مرحبا كويتيات
عندي مشكلة بمطبخي
حيل صغير واحس*
مو قادره احط فيه شي ،،
مثل سلة البصل والبطاط
ادوات تنظيف
جدوري وصحوني
الدهن والعيش الخ الخ

عندكم افكار ؟؟؟
ساعدوني*

 

[فتافيت.]

والله لو تشوفين مطبخي اكسر خاطرج

يكفي بس اثنين يدشون الثالث ما يكفي

والحمدالله قازره

عندي جوله ورف صغير وسلال ومعلقه على الطوفه رف طويل

وسلامتج

 

[فتافيت.]

انا لان من زمان هذه مشكلتي فتعودت

وتبين الصج الخدامه لها دور رتبت وياي وهم لانها فلبينيه فلهم الترتيب

الصراحه فكتني

 

[كنوشه كنش]

حبيبتي شوفي افكار ال دايسوو

واااايد عجييب

ومفيد وتقدرين تطلعين وايد اشياء من النت

وعندج فكرة مثلا البراده مو لازم تكون بالمطبخ.. خل توفر عليج مكان وحطيها عند باب المطبخ او بالممر بمكان صاد يعني مو مجابله الباب (طبعا اذا برادتج من النوع الصغير الملموم)

شوفي هالرف من ال دايسو

و استغلي الطووف... طقي فيها مسامير وارفف وااايد تفيد

وحطيت بقوقل الصور: : افكار للمطبخ الصغير::

وطلعت واايد اشياء مفيده.. وبعضها يضحك

منها هالصوره

هههههههههههههههههههههههههههههههه

الله يوفقج حبووبه
هونيها وتهون
:eh_s(7):

 

[كنوشه كنش]

بعدين اذا مطبخج صغير معناته بشقه مافيها الا انتي وريلج

يعني ماراح تشترين كرتون بطاط وخيشة بصل شكبرها..

فشراايج بهالطريقه...

 

[قَلبڪْ صًخرْ]

فديتكم بنات ماتقصرون
سله تشوق
بس ماعندي طوفه*
لاتستغربون لان كبت المواعين
ماكل طوفتي الي تضحك هههههه

والبراده عنونه بس تحتاج فلتر ماقدر اطلعها بره ،،،*
كاره مطبخي حيل اتضايق منه

 

[manoooram]

كنوشـه كنش ما قصرت حبيبتي

 

[النوري كووول]

اختي قلبك صخر

اتمني تساعدج هالصور لو بشئ بسيط

شوفي اشلون معلقة سلة الخضره

ترا اغلب الموجود بالصور بـــ ايكيا

وادعيلي

​

 

[هوفه]

بالتوفيق شي حلووو

 

[@شيخه@]

 

[قَلبڪْ صًخرْ]

ماقصرتووووو


النوري وشيخه الله يوسع لكم
وان شالله بصور لكم مطبخي عقب الترتيب
يسلمووووو

 

[نوناتي حياتي]

نفس مشكلتي

وماعندي طوفه لوول بس عندي مكان صغير فوق الحنفيه طقيت لي فيه رف الومنيوم وحطيت الميكرويف عليه وشريت سله للبصل والبطاط من تحت بس اول رفين فوق حطيت البهارات وماجي والملح والزعتر وهالسوالف طبعا شريت علب واجد نفس الشيييييي عشان مايطلع شكلهم مرقع وحطيت السله بمكان حدها حدها يعني المطبخ صاك كل شي حده حده مافي مكان تغيرين وتفنتكين
بس اهم شي نظيف وريحته زينه ومرتب والله يعينا

 

[يآكثر آحبك.~]

نفسي بعد مطبخي صغيرون وفوق هذا الغساله موجوده فيه

مفكره قريب اطالعها برا واستغل مكانهاااا لانه بيفيدني وايد

ماقدر افيدج ي قلبي لان نفس الحاله داشه اخذ افكار

الله يعين

 

[لميس نفسي]

نفس المشكله نفس الحاله


بس الله يخلي السله

حطيتلي سله شكبره وافتكيت بس طبعا برى المطبخ ...

 

[!الجادل الصعب!]

نفس مشكلتي ساكنه مع الحموله وانا واقفه اوصل للمغسله قدامي والفرن علا يساري والكبت الي عباره عن بابين تحت وفوق بس وبالنص ميكرويف
والثلاجه وراي !!!!!!


اقص شغلي وسلطاتي وخضرتي علا طاولة الصاله اذا بطبخ احط عليها سفرة بلاستيك واخلص شغلي هناك كله
وارد الفرن اطبخ واذا خلصت قطيت السفره بالزباله تكرمين ولا كاني حاطه عفسه عليها وحطيت الاكل عليها

 

[Mjnont '3lay]

نفس حالتي مطبخي تحضيري ببيت حمولتي وحاطه فيه غساله صحون وماكرويف وثلاجه وبراده صغيره يادوب تكفي
وكبت صغير وطاقة لي ارفف عالطوفه موزعه فيهم كل شغلي من سلال وعلب وكل شي
الله المستعان