:: مطبق زبيدي كويتي على أصوله بالصور حياكم ::

[ام عفاف الكويت]

هذي طريقة المطبق الزبيدي الكويتي الأصلي ..

هذي الطريقه بالضبط خذيتها من الوالده وطبقتها معاها بحذافيرها ..

وصورت لكم بعض اللقطات ..

نوع السمج : زبيدي

العدد : 3

نبدأ بسم الله ..

1- نغسل السمج من كل الشوائب .

2- نعصر عليه ليمون و نرش عليه ملح

3 - حشوة السمج :

( 2 بصل كبير ، 2 ثوم ، كزبرة ، بقدونس ، شبنت ، بهارات السمج ( مشكله ) ) طبعا نقصصهم صغار صغار وندق الثوم ونحط نص الكميه حشوة داخل السمج ومن برى ونصها نخشه لبعدين الحشو فوق العيش ..

- الحين بنسوي الحشو للعيش ندق شوية ثوم + بصلة وحده + شبنت وكزبره كميه قليله قد الكف

5- نخيط السمج من صوب اللي حشيناه حتى ان قليناه ما تطلع الحشوة طبعا انا مسافره ماحصلت بالمطبخ خيط ولا ابره حطيت دبابيس اسم ان شي يثبت الحشوه داخل عقب نحط زيت على النار تقريبا نص المقلى ونطبق المقلى ونعلي على النار حتى يسخن الزيت عقب نقلي السمج لين يتحمش الطرف الاول ونقلبه على الطرف الثاني بعد مايخلص نكرر العمليه على عدد السمج اللي عندنا لين نطفي النار ونحفظ السمج بمكان دافي ..

- الحين نقلي الحشو ( للعيش ) نحط البصل على المقلى بدون زيت ونقلبه على النار وبعدها نضيف شويه ماي حتى يتحمش يصير لونه بني بعده نضيف الثوم + نص قطعه زبده + لومي اسود مطحون + بهارات مشكله + رشه هيل + ملح على قد اليد + كزبره + شبنت اللي جهزناهم بخطوة رقم 4 + نضيف الحشوو السمج اللي خاشين نصه في البدايه مع حشو العيش ونخلطهم كلهم مع بعض بالمقلى لين يصير لونه حلووو مثل الصوره ونصكر على النار ونطبقه ..

7- الحين نسوي الداقوس نحط قدر الداقوس على النار نحط فيه نص زبده على النار و نقص 5 طماط قطع صغيره جدآ ونحطه + ندق 4 فصوص ثوم+ فلفل بارد + لي طبخ نحط 4 فصوص ثوم مقصوصه نصين للنكهه + كمون (بهارات ) + كزبرة ( بهارات ) + بهارات مشكله + نضيف ماي بالقدر + نضيف ملح على قد اليد +نضيف معجون ملعقتين تقريبا .

8 - نحط 5 اكواب عيش ونغسله عقب ننقعه نص ساعه عقب نحط قدر متوسط فيه ماي متروس وليمونه وحده نقصها نصين +نص زبده + وقفشة ملح يطبخ شوووي بعدين نضيف عليه شويه زيت

9- نحط قدر ثاني كبير اول شي نحط فيه نص بصله مقطع صغار + فلفل بارد أي لون سواء اصفر اخضر احمر انا انوجد عندي الاحمر+ ملح + ثوم + زيت + حشوة اخر ما تبقى من حشوة السمج بعدين نحط السمج فوقه القدر سمح لي احط سمجتين فوق الحشوو بعده نحط العيش بعد مانشخل الماي منه وهو نيّ عقب نحط الماي اللي بالقدر الثاني اللي فيه الليمون والزبده نحط منه كميه فوق العيش لين يغطيه ويكون الماي مرتفع بأصبع تقريبا عن العيش ونطبقه ونخليه يطبخ بدرجه حراره مرتفعه .. بعد ماينشف شوي العيش نحط فوقه الزبده

وكل ما حسينا انه نشف زدنا عليه الماي حق العيش اللي بالقدر الثاني .. وبعده نحط اخر سمجه عندنا بعد مايجف العيش وينجح .. ونجهز صحن النجاب ونحط العيش وبعده السمج ونحط الحشووو اللي مجهزينه للعيش

منقوووول

 

[**فراشة الكويت**]

يا سلااااااااااااااام

تسلم ايدج
ويعطي العافيه انتي والوالده الله يخليها لج ان شاء الله
عاد انا صايمه واي شي اشتهيه

 

[جارة القمر]

مشكوووووووره


أم عفاف

 

[NoOoN]

مشكوووره
^-^

 

[جمر بردان...]

تسلم ايدج شكله روعه بس نسيتي تحطين صورة الاجار ههههههه

 

[*لولو*]

ودي ادش بالكمبيوتر و اكله

 

[ام عفاف الكويت]

حبااااايبي والله حياكم الله

 

[أم منصور]

يشوق بس في بعض الخطوات شوي يبيلها اضافة مثل

ان احنا نسلق لماي العيش بهارات خاصة وبعد مالماي يغلي ويتشبع بالبهارات
نسقط السمك المحشي بالماي ثواني وتشيلينه وبعدين تقلينه شوي لما ينشف الماي منه

وبعدين تسوين العيش على الماي نفسه ولا تنسين تحطين ليمون سحاري في الماي الي بتسوين فيه العيش

مشكورة حبيبتي

 

[بنت الفقيد]

تسلم ايدج

 

[Q8stylle]

تسلم ايدج حبيبتي

 

[الباحثه]

واو تسلم الايادي شكله لذيذ يعطيج العافيه

 

[أحلــــ دلع ــــى]

تسلم ايدينج
و عليكم بالعافيه

 

[أم عزيـز]

يعطيج الف عافيه حبيبتي

عاد انا غرامي الزبيدي

تسلم ايدج

 

[كويتيه مذهله 87]

يمي يمي

مشكووووره

 

[بنت مريلاند]

تسلم ايدج

 

[زيتونة 500]

تسلم الايادي شكله لذيذ
الله يعطيك العافيه

 

[ام بسوول25]

روعه ماشاء الله

 

[brat]

mmm teslam eedich

 

[sondos]

يعطيج العافيه


الله يسهل عليج ويقومج بالسلالامه

 

[bobo lover]

مشكورررة