مطعم اوفنتي بالاس

[C O L O R Z]

الحمدلله والصلاة والسلام على رسول الله
شلونكم بناااااات ؟

يالله قوموا لبسوا ..اليوم باخذكم برحلة سياحية بالكويت ..
خنتسيح بديرتنا ..

بنروح مطعم ..اوفنتي بالاس ..

للي يحبون ستايل قيصر وفايز ..
هذا نفسهم .. بس الصراحة .. كل الاكل الي طلبناه لذيذ ..
والمكان يديد مرتب ..واسعارة زينة .. عادية ..
ونفوسهم حلوة

اهم شي ان الاكل أحلى واحلى

الصراحة كل الاكل اللي طلبناه لذيييييييييييييييييييييييذ
( الا طبق واحد وهذا مومقياس )

_______________

رحت اول مرة 6 اشخاص :gathering:.. ويوم رحتلة المرة الثانية دوبلناهم .. صرنا 12
خذنا الكبينة الكبيرة ام 18 كرسي.. شراحة و يمعه حلوة ..

حتى يوم قلنا سكرو الموسيقى .. ســـــــــيدة سكروها (اهم شي ...انا ماسمع اغاني)

المهم .. اخليكم مع الاطباق والمطعم ...

_______________

العصير أول مرة مسويلنا العصير اشكال .. بس المرة الثانية كان عددنا كبير والظاهر كان عندهم ضغط لان بالعيد .. بس حلو .. مستواه عااااادي .



_______________

وهذا طلبي .. ستيك لحم سيزلر مع قطعة دياي داخلة بالجبن والمشروووووووم ممممم



_______________

وهذا طبق سي فوود فيه استاكوزا (ام الربيان) .. وربيان واتوقع قطع اسماك ..كله مشوي .. عجييييب



_______________

اما هذي الاستاكوزا بالصحن .. بعد القضاء عليها ..



_______________

الفيتوشيني .. ولا الذ



_______________

طبق تشتش بهامور مشوي .. وربيان مشوي .. ترف وخنين ..يعور القلب ..



_______________

اللازانيا .. حلوة .. بس كنت منغثة من الاكل .. ماتحمل اشوف اطباق جدامي
صورتها واهي مقصوصة عشان تبين طبقاتها من داخل



_______________

اما الستيك الديانا الدجاج .. يقولون حلو .. ماذقته .. بس دخنه التشتش عيشتني الجو ..



_______________

طبعا الشوربة الاشياء الذي منه ما صورتها ..
بس كانت شوربة هوت اند سور بالدجاج أو بالسي فوود عجيبة ..

_______________

هذا كان تصويري يوم كنا 6 اشخاص ..
يوم كنا 12 شخص مايمديني اصور .. يالله اتذوق .. و بلع
طبعا اهو اهم ما في المطعم ان يديد واكلة لذيذ
بس اللي محليه اكثر الجمعه .. الله لايفرقنا ..

_______________

بحط لكم صورة المطعم ( بس بعدين ان شاء الله ) .. صورتها من كوبون .
اي على فكرة عطونا كل وحدة كوبونات خصم 15% وقوطي كلينيكس ..
هاهاها عشان نرجع مرة ثانية ..

_______________

أتمنى أكون فدتكم .. وخذيتكم برحلة حلوة داخل ديرتنا الكويت
شعندنا غير المطاعم ..خخخ

 

[ضحكة الدنيا]

علييييييكم بالعافيه
خوش مطعم

 

[ام الفهد712]

يمي يمي عليكم بالف عاافيه حبيبتي

صااجه حبيبتي المطعم رووووعه انا مجربته وااااو شكلي بمره اليوووم شوقتيني

 

[C O L O R Z]

ضحكة الدنيا .. وام الفهد .. الله يعافيكم .. وحياكم الله ..

ام الفهد مريني على طريجج وانتي رايحة .. مو تكشتين .. تراني صايمة ..
ماتبين افطار صائم !!! هاهاهاهاهاها :dddds::dddds::dddds:

 

[روقاء]

يم يم يم يم يم يم يم يم يمي
الصراحه جوعانه انا صائمه وجوعتينا اكثر:krkrkr:
عليكم بالعافيه وخوش موضوع​

 

[غنوة ستايل]

ما عرفه وين هذا ؟؟؟ شكله لذيذ

 

[Q8stylle]

شكله لذيذ وين صاير

 

[زيـنـه]

عليكم بالعافيه

 

[carlota]

وين مكانه؟

 

[جارة القمر]

عليكم بالعافييييييييييييييية

 

[^^عاشقة النوتيلا^^]

عليييييييييكم مليون عافية
بس وين صاير هالمطعم

 

[كويتيه مذهله 87]

ماشالله امبين ان حلو

عليكم بالعافيه حبيبتي

انتي ذكرتيني بأبوي الغالي
كل ما نروح مطعم يقوووول حق الي يشتغلون هناااك صكروا الموسيقي وااااي فدييييته

 

[>عين أبوي<]

يمي يمي شكله لذيذ


بس وين صاير اول مره اسمع عنه ؟

 

[ام خالد 78]

عليكم بالعافيه

مكانه بالسالميه يم مطعم فايز و جريب منه بركات اممممممممممم بصراحه ماعرف اوصف عدل

 

[>عين أبوي<]

امممم قصدج يم اوريانتال لانه اهو صاير بعماره بركات

 

[*مارلين_مونرو*]

الله شكله يشوووووووووق عجبنييييييي !!

وين صاير بنات دلونا عدل عفيه !

 

[C O L O R Z]

هلا بنات .. حياكم

مكانه ..
السالمية ... شارع حمد المبارك .. مركز فايز التجاري ت: 5751081

شفتو قيصر السالمية وفايز و بركات مال الكلف و مطعم اورينتال بصفتهم .
تلقين المهراجا واقف عند الباب ..
والمطعم اسمة حيل واضح لانهم كاتبينه على شكل لافته مثلثة .

وهاااااااااااااااااااااااااااااااااااااااااااذي الصور أفا عليكم بس ..

هذي البوابة .. عشان لاتضيعون ( اسفة على رداءة الصور لاني مصورتهم من الكوبونات )



:68_asmilies-com::68_asmilies-com:

وهذا المبنى كامل من بعيد ..




:68_asmilies-com::68_asmilies-com:

وهذيل الكوبونات فيهم الارقام و شكل المطعم ..



​

 

[زيتونة توتة]

يم يم صج شوقتيني

 

[أم الغاااالية]

حساااااااافه الصور مو طالعه عندي مع اني من عشاق هالمطعم

 

[memy-08]

مشكوره