مطعم كبابجي الماعون صغير ونتفه وسعره جذي ليش اشدعوااااااااا ياحافظ

[قطوه ورديه]

السلام عليكم اشلونكم خواتي

بنات توني طالبه من كبابجي الماعون المشكل اشدعوا سعره 2 وشي على شنو
كلها قطعه وحده كباب و6 قطع لحم

اتخيلو حتا زوجي انصدم من السعر مادري احس انه وايد على هالنتفه

عاد زوجي من الصدمه يقولي اكلي وانا من الصدمه قاعده اكل خبز مع حمص لول بس والله اكلهم حلو
بس

انتو اشرايكم مو السعر اغالي

بنات زوجي يقولي وانا اكتب الموضوع

لاتكتبين لايقولون عنج بنت فقر
لووووول انتو اشرايكم

 

[deshe1]

اي والله صج هالمطعم اسعاره وايد غاليه وحرام الواحد يطلب منه في مطاعم وايد احلى منه وارخص منه مادري صاحب هالمطعم شايف روحه وايد في ناس مايهمها يقط 7 او 10 دنانير على وجبه فلوسه زايده تكون

 

[*أبلة*]

لا محشومة أخيتي

عساج دوم بعز يا رب

والله صاجة

كبابجي من فتح ما طلبت منه الا مرة وحدة بس وحرمت اطلب منه

الماعون مافيه الا جم كبابة تقولين اقلام رصاص تلوي بالماعون

وغالي على خالي بلاش

بعد حرمت اطلب منه​

 

[violet*q8]

ولا مرة جربت منهم
والله شحلاة ميس الغانم
2 ونص
3 قطع كباب وشيش طاووق وعرايس وبطاط وصلصة
واكلهم احلا :eh_s(1):

 

[QUMAR]

أنا اول ما فتح طلبت عشا لأهلي يعني بكشخ
عبالي مثل المطاعم اكلهم راهي
طلبي كان ب28 دينار ويفشل ويقص الويه بعد
شووويه مو بالعين شئ
لا صاجه حبيبتي غالي شدعوه عليهم هالغلا عاد

 

[ســكــّر]

كلامج عدل اختي ماله شغل الفقر
يعني امبين صاحب المطعم الي اهو فقر امبين مومصدق
بصراحه حرام هالاسعار على شي مايسوى وربي

 

[costa chic]

عاد انا ما احب كبابجي لحمته زخمه يمكن مره وحده جربته بالنسبه لسعره اكيد وايد عليه
عيل الي في بالها تاكل مشاوي تروح ميس الغانم و تقارن السعر و الكرم ماشا الله اكلهم فيه بركه و الصحن متروس ما يتعدى ال 3 و هذا غير السيرفس الي يقدمونه

 

[*أم*خالد*]

يظل ميس الغانم سيد مطاعم المشاوي اللبنانية

عيل شتقولين عن عبدالوهاب ؟؟

غاااالي وطعمه عااادي .. والحمص يحطون لطه والباجي كله نخي

وكبابجي منزمان طلبت صمونتين زينين يمشون الحال بس ما فكرت اكرر التجربه

تبين نصيحه ؟؟ دجاج تكا حلو خاصة الشيش طاووق ويوصل لي البيت .. والبوري ايهبل بس حطي بالج من الثوميه ترى تخيس الحلج اذا ريلج مسافر طيحي فيها لوووول

 

[اطياف الكويت]

احلا من مشاوي كابوريا وميس الغانم مافي واي يهبل وكبابجي والله صاحب المطعم هو الفقر ماصدق
عنده مطعم وزاد بالاسعار

 

[شيهانه]

ما ادري لا تزعلين بس ما احس موضوعك هذا مكانه !!! يعني هذا يناقش المناقشات الجاده !!!!

يعني كم سيخ لحم بالماعون ابدا ابدا ما اعتبره موضوع نقاشي او مشكله اجتماعيه مهمه

كان من الافضل ينحط في قسم استفسارات المطبخ والا شرايكم ..

وعلى العموم كرد على موضوعك حبيت اوضح ان كبابجي مو مطعم مشويات مثل الامثله الي تفضلتوا وحطيتوهم اهو يعتبر فاست فود لبناني هذا مبدأ المطعم علشان جذي الكميات اقل تطلع .. حاله من حال تكا وهارديز وكنتاكي بس بمفهوم لبناني

 

[ماريمار الكويت]

عدل كلامج صج غالي بس الطعم حلو انا وريلي اثنين ونطلب الوجبه العائليه اللي 8 دنانير ..
لان كلش نتفه اكلهم ..

 

[esperanza]

وعليكم السلام ورحمة الله وبركاته

لووووول ضحكني الموضوع

صاجه أكل الماعون شويه .. لكن سعره غالي أو زين الصراحه ما أعرف

 

[الاسطورة]

اي والله
صاجه
هالكبابجي اسم على الفاضي
اكلهم عينات وما يشبع
تكفوون بنات جربووا مطعم كرم
الي بالافنيوز
صج صج رهيب وعجيب ومو صج
الي تبي تعرف مكانه
انا ادليها

 

[miss thrba]

بصرااااحه حاسه باحساااسج

لانه الخميس طلبنا منه قلت حق اهلي على حسابي طلع 25 وبصراحه ما يملي العيين

لا صج اسعاره غالية ..


ولا تخافين مو بنت فقر لووول بس الصراحه الواحد ينقهر كلمة الحق تنقال

 

[esperanza]

أمي يمي تقولج صاجه غاااااالي .. 4 قطع دياي ب8 دنانير .. والجمعيه كرتون دياي ساديا فيه 10 ديايات ب 7 دنانير

صج لي قال المثل رزق القطاوه عالخاملات

لووووووووول

 

[قطوه ورديه]

لووووووول تعجبوني بنات فديتكم
كلكم حاسين فيني

الشيهانه حبيبتي ماعرفت وين احطه
وحطيته اهني عالعموم موزعلانه منج رايج وقلتيه
وحياج الله

 

[قطوه ورديه]

اسبرانز بس حبيت اعرف معنى المثل
لاني موصاحبة امثال ياللله امشي نفسي بالامثال فياريت اتوضحين

 

[esperanza]

يعني رزق المطعم من الناس اللي عادي تقط الفلوس ..جنه جذي

 

[البنفسج]

..



وي اشدعوا !..

قطعة كباب وشوية لحم ب 2 وشي .. لا والله واجد عليه ومو بنت فقر !..

السالفه مو سالفة فلوس .. سالفة شي مايسوى بذيك القيمه ..

 

[آلسحرآلحلال]

ولله مادري ...نطلب منة عادي ونروح ناكل فية بس احس اسعاره عادية لانة كل المطاعم ارتفعت الاسعار فيهاا