مطعم ليالي الخيام

[عروس سمره 2011]

مساء الورد بنات - ببري ذمتي وبقول تجربتي مع مطعم ليالي الخيام - انا توني مالجة - كاشخة ورايحة مع ريلي بنتغدا بره يعني - كان بخاطري اكل ايراني - رحنا وياليتنا ما رحنا
طلبنا شوربة انا خذيتها دياي وريلي خضرة استغفر الله كانت شوربة ماجي وقاصين علينا حاطين عليها دياي والثانية خاصين خضرة عليها - خذا ريلي مرق بامية مع عيش وانا خذيت برياني دياي الله يزيد النعمة الدياي كان لونه بنفسجي وعرد والله شكيت انه لحم مو دياي من لونه - والعيش زفر كليت قفشتين منه والله يا بنات حاشني تسمم منه وتعبت اسبوعين الم بمعدتي عوار ذبحني - ديروا بالكم من المطعم ترا ضييييم

 

[منو انت]

وين مكانه اول مره اسمع فيه

والله يعينج على اللي صار

 

[عروس سمره 2011]

الله يسلمج - عالبحر قبال ميس الغانم

 

[one two 3]

وي عاد في بنت تمدحه تقول القعده حلوه ومادري شنو

اشوه اني ما رحتله وع وع الله يغربل ابليسهم

 

[شاربة بيبسي ومدلعة نفسي]

اهم شي الحمدلله على سلامتج
ومشكوووووووووووره على التنبيه

 

[منو انت]

لكم طولت العمر ان شاءالله ويعوضج في احلى الاماكن يارب

 

[شهرزاد الحكاية]

مشكورة انج قلتيلنا ...

وياما خذينا مقالب مشكورة مرة ثانية ..​

 

[أم حمودي**MALL**]

الله يكون بالعون

 

[باربي برونزيه]

وي وي وي عاد كنت كله اقول ودي اجربه :\

 

[๓ίşś зśŏłả..!]

مشكوره على التنبيه

 

[! Miss.Q8 !]

تسلمين على التنبيه حبووبه

 

[عروس سمره 2011]

اهوا صج قعدته حلوه والمكان مرتب - بس الاكل الله يزيد النعمة صراحة - يعني اذا بتروحون المطعم بس روحوا قعدو ولا تاكلون شي

 

[درة أهل الطولات]

لو في صور

 

[روعة خيال]

انا ما احب من الاكل الايراني الا خبز ايراني غيره لأ

أحس ماكو شي حلو بالاكل الايراني

 

[حوراء الرضا]

إي صح إستغفرالله أحلى مافيه مكانه

لا و مو أهو اللي تعبان عليه

اليي قبله مطعم فرنسي اللي مسوي الشغل كله

ناز حلو إذا تبين ايراني

 

[قطوة@@]

صج الشوربه مالتهم مو حلوة


بس اطباقهم الثانيه حلوة رايحته كذا مرة وو قعدتهم حلوة

 

[f6oum.]

انا بعد رايحتله .. كلام قطوه صح انا عن نفسي شفت اكلهم حلو ..
تسلمين عل الموضوع :*

 

[ahalhasani]

اكره شي عندي هذي التجارب، الله يعينك!

 

[$ الذوق كلهــ $]

الله يزيد النعمه \
مشكورة حبيبتي عالتحذير والحمدلله على سلامتج

 

[سماء الشرقية]

حنا مرة تغذينا فيه صراحة ما طلبنا شوربة بس باقي الاطباق كانت حلوة وعجبني اكثر من ميس الريم والا عجبني اكثر شئ سلطة ليالي الخيام مرة لذيذة