مطعم !!نصيحه مني!!

[يارب ترحمنا اذا]

بسم الله الرحمن الرحيم
يعطيكم العافيه خواتي
وانا حابه اقول رأيي عن مطعم مدحوه لي وللاسف الشديد انصدمت حيل يومها كانت عازمته على الغداء وقلتله ان المطعم حلو حيل ومدحولي المربين قالوا عجيب
والله يابنات دشيت له وانا متشوقه له حيل طلبت مربين
جاني للاسف والله يابنات اقل من دقيقه الاكل عندي استغربت قلت شهالسرعه شفتوا الاكل لما تكونين حاطه العيش بالميكرويف عقبه تحررينه نفس الطريقه بالضبط والله ماأنسى طعمه لليوم كأني آكل صخر بحلقي طبعا حصلت زف وهواش وانتي ماعندج ذوق شهالاكل البايت ؟؟
عن جد تجربه لاأحسد عليها الله يسامحهم
بصراحه ماتهمني السرعه كثر مايكون الاكل نطع وحار ولذيذ ومطبوخ لي
والمطعم هو

riceاللي بالافنيوز

استغربت يومها حييل مع ان كذا وحدة مدحته لي ..

بس مع هذا مانستغني عن المطاعم

 

[خوخه_21]

لا والله غلطانه صراحه انا كذا ارووح مع اهلي و ريلي بالعكس وااايد حلوو فرش

 

[غلاي 89]

يمكن صدفة بس ذاك اليوم مثلا صخنوه مال امس او شي جذي


يلا هارد لج حبيبتي
ويزاج الله خير ع النصيحة

 

[krkooora]

انا جربته مرة و بس و توووبه لووول مو توبه لانه الاكل مو حلو لا زين الاكل مافيه شي بس
انا ماحب العيوش غير ابيتنا او عند اهلنا يعني شغل بيوت
و على فكرة مطعم رايس بس اسم و ستايل و لا طعم الاكل اقل من عادي
وانا لو منج اقولهم شنو انتو مسخنينه ابي اكل فرش و حاجي المدير
وعالعموم الناس اذواق

 

[بنت اوسكو]

انا معاج بعد رحت له مره وما راح أعيدها الأكل عادي مو سيء ولا واااو عادي القعده والطريقه اهي الشي الوحيد الحلو فيه ​

 

[للحين ناطره]

مشكوووووووووره
بس انا ماافضل اكل عيش بره البيت
العيش موجود ببيةتنا وكل يوم ينطبخ
حلاته الواحد ايروح مطاعم علشان اكلات مو موجوده فالبيت كل يوم

 

[قطوه بيضاء]

صاجه هالمطعم اسوء مطعم جربته اكلهم مافيه لاطعم ولا ريحه

 

[شهرزاد الحكاية]

والله صح كلامج انا بعد انصدمت يوم جربته اكلهم كلش مو شي استغفر الله ​

 

[* فطامي *]

سبحان الله
الناس اذواق

ريلي يموت على هل المطعم وانا احسه عادي

 

[q.u.e.e.n]

ومنكم نستفيد مشكوره حبيبتي الله يعويض ان شاء الله

 

[كيفي كويتيه~]

انا جربته و كان عادي
بس انا ما احب العيوش من المطاعم

 

[الدلال]

انا جربته كذا مره

وجم وحده من صديقاتي

واهلنا

الكل يمدحه

يالله ماعليه خيرها بغيرها

 

[منار البربرية]

مطاعم الافينوز عفن يوز كلها اكس سيرفز مو شي لان زحمه ووايد ناس

المطاعم اللي بره واايد اذرب​

 

[كيكه ترفه]

اختي تموت على هالمطعم كل مارحنا الافنيوز امبييه نتعشا كلنا بمطعم ثاني الا اهي وبعدين نروح معاها وتاكل بروحها :s

 

[حلوة ومملوحة الكويت]

مشكوووره على طرح تجربتج
واحسج نفس ذوقي بالاكل
احب العيش الفرش..الي تحسين انه توه منجووب..مو المسخن ومتكسره حباته...
يالله ..تجربه وعدت..وخيرها بغيرهااا،،،​

 

[رقي]

انا رحت له مرتين مافي شي
عجبني وعزمنت وحده بحرينيه هم عجبها
بس الاكل مو واو
واهوا تبع لونتور حتا لابسين نفس لبسهم

 

[شندوخه]

المطعم اكله عااااادي بس طريقه تقديمه اهيا اللي تونس

 

[الرشا 2003]

انا مرره بس رحتله عاادي واقل من عادي

 

[جنـــا]

:

جربت هالمطعم مرتين

اول مرة في بدايته وعجبني كان حلوو

و جربته مره ثانيه قبل جم شهر انصدمت

تغير و مثل ما قلتي الاكل بارد و ميبس

دائما جذي ما في شي يظل على نفس مستواه

:

 

[صمت المرافئ]

الناس أذواق
والظاهر انت نفس ذوقي
على كثر المدح اللي سمعته عن هالمطعم
انصدمت يوم رحت له
الاكل ماله طعم بالمرة
صج ... صج ... ما عجبني
وما راح أروحله مرة ثانية
​