((..مطلوب..)) تمارين للزنود والخصر ((..ضروووري..))

[*Rose*]

السلام عليكم ورحمة الله وبركاته

مرحبا بنات

بسألكم عن تمارين للزنود ابيها مشدوووووووووده لانها حيييييييل تفششششل عندي

وتمرين ثاني للخصر ابي تمرين يطلع لي خصر لأني ياحسره ماكو خصر


بنات ياليت تقولولي افضل شي من التمارين لهالمنطقتين وأنا ان شاء الله بستمر عليها بس ابي نتيجه مضمونه مو تخلوووني استمر على الفاضي

عفيه بنات ناطرتكم

 

[رشروشة]

وانا نفسج بالضبط

 

[lala2]

وانا بعد وياكم

 

[brettey]

حبياتي اقدر افيدكم بتمارين الخصر
اوقفي بشكل مستقيم ومدي ايدج على الاجناب وخلي فجه بين ريولج ولفي بجسمج كله من فوق الى اقصى حد ممكن توصلين له مره لليمين ومره للشمال سووها 50 مره لكل ناحيه بس بسرعه شوي اهي تدوخ بس تطلع خصر
وفيه تمرين هم اوقفي بشكل مستقيم وخلي فيه فجه بين رويولج وهم مدي ايدج ميلي الى اليمين خلي ايدج الممدوده توصل الى تحت الركبه وردي للوضعيه السابقه كرري 50 مره يمين و50 مره يسار
وفيه تمرين ثالث في بالنصر الرياضي جهاز اسمه القرص الدوار سعره يمكن دينارين اوقفي عليه بس سندي ايدج على عامود او الطوفه راح يلف فيج بمنطقه الخصر مره لليمين ومره لليسار 50 مره لكل ناحيه
طبعا هالتمارين عن تجربه انا مجربتهم وطلعوا خصري وانا اساسا عندي خصر بس مع الحمال والولاده شبه انعدم بس مع هالتمارين صار اوكي بس بشرط الاستمراريه يعني سووها يوميا ماراح يبين الا عقب مده اقلها شهريين هذا اذا مع رجيم طبعا زيدوا بالعدد والساعات مع المده

 

[^^دموع الكويت^^]

شوفي الروابط


http://www.q8yat.net/showthread.php?p=1215515#post1215515


http://www.q8yat.net/showthread.php?p=1215584#post1215584

 

[/ صمت الرمال /]

أنا مثلج إختي وماعندي خبره بانواع الرياضه اللي تطلع الخصر

 

[ضحـاوي]

تمارين بريتي للخصر حلوه

وفي تمرين وانت قاعده على الارض وخلي مسافه بين ريولج رفعي ايدينج فوق ولفي جذعج ونزليه يعني خلي صدرج يوازي الارض على جنب وثبتي شوي

وبعدين سوي نفس الحركه بالجنب الثاني وكرري هالتمرين وتلاقين نتيجه حلوه

وتمرين الزنود : رفعي ايدج واشبكي الكفين ببعض وخليهم ورا راسج وسحبي اليدين من الكفين بقوه مرة يمين ومرة يسار

حركي ذراعينج حركه السباحه وشد زنودج فيها

بعد في تمرينات بس لازم صور لانها ما راح تنفهم بالكتابه

اذا حصلت صور راح انزلهم انشالله

 

[شمع تحترق]

حبيباتي انا استخدمت خلطه طبيعيه شريتها من وحده اتصير لي

و خرطت كرشي و طلعتلي خصر

و وحده معاي بالدوام حطتها على زنودها و فخوذها

ميزة الخلطه انها طبيعيه و تضعف و تشد و تبيض و نتيجتها بالنسبه لي بينت من يوم

بس شنو عيبها ريحتها قااااااااااااااااااااااااااااااااااااااااااااتله

 

[ام الفوز]

السلام عليكم اخت شموع عندى سؤال ممكن اعرف شنو مكونات الخلطه اذا اقدر اسويها فى البيت واو صديقتج تبيع منها يار يت اعرف وجزاج الله الف خير لانه ابي حق الكرش والزند

 

[شمع تحترق]

بيبتي اهي اتبيعها بس المكون الرئيسي منها خل التفاح و حتي اهي تقولج قبل لا تخذينها شمي خل التفاح الاحمر و اذا تقدرين اتحملين ريحته طلبي

طريقتها احطه بالليل و الف عليه نايلون الاكل لفتين و الصبح اغسله بس و الله فرق كرشي الجبار من 3 يوم

 

[اليمامه الحلوه]

شمعه لو سمحتي ابي رقمها ضروري او اي طريقه توصلني لها

 

[ام الفوز]

السلام عليكم مشكوره اختى شمعه على ردج بس يا ريت اذا اتعرفين رقمها واى شي يوصلنى لها اطرشيلى على الخاص واذا تبين على العام عشان الكل يستفيد وانا راضيه ريحته على قولتج قاتله بس المهم النتيجه واشكرج اختى شمعه

 

[علم بلا معلم]

اااااااااب

 

[miss.munich]

المجنونه اللي تحط الخل على جسمها وااااااااااااااااي ترى آثاره تخرع تخرع

بنات باجر لي صار فيج شي لاسمح الله ترى تأثيره على البطن يتلف والجلد
ما يتماسك بنات وايد بالسعوديه يستخدمونه يقولون لكم وحده ولدت ما قدروا
يخيطون بطنها والسبب الخل .. دشوا قوقل وشوفو تأثيره

 

[مفرفشه عالاخر]

المجنونه اللي تحط الخل على جسمها وااااااااااااااااي ترى آثاره تخرع تخرع

بنات باجر لي صار فيج شي لاسمح الله ترى تأثيره على البطن يتلف والجلد
ما يتماسك بنات وايد بالسعوديه يستخدمونه يقولون لكم وحده ولدت ما قدروا
يخيطون بطنها والسبب الخل .. دشوا قوقل وشوفو تأثيره

صح كلامج معاها

 

[ملاك السبيعي]

شمع تحترق دزيلي سعرها ورقمها ع الخاص