معااااااشج يا مدرسه ماخذة زوجج

[كرستاال]

بننااااااات انا السنه الجايه بتوضف مدرسه وبيصير معاشي فوق الالف مع الكادر والمشكله زوجي مو راضي يخلي المعاش بيدي مدري شالسبب وانا الحين حتا بطاقتي البنك والاعانات كلها عندة واذا ابي شي لازم استاذن واخذ مصررروف والله تعبت ابي احس اني مسؤوله عن فلووووسي مو كل شوي عطني وفيها منه بعد

 

[طالبة1990]

الله يعينج

شكل شخصيته اقوى منج

والظاهر انتي سمحتي له بهالشي من البداية

للاسف محد يقدر يفيدج

انتي اخبر وادرئ بزوجج

انتي حاولتي معاه ورفض؟! شنو عذره؟!

وشنو اللي ممكن يسويه اذا خذيتي البطاقة منه

مو المشكلة ممكن احد ينصحج نصيحة وتنقلب عليج

لان محد يعرف طبيعة علاقتج مع زوجج


بس كحل وسط تقدرين تقولين ماراح اتوظف

ماتسوى علي اتعب واجتهد وانته تاخذ معاشي باردة مبردة


اتمنى تحصلين حل لمشكلتج

 

[QueenAlotibi]

مو من صجج

وين شخصيتج وقفيه عند حده شنو تكرفين وهو ياخذ معاشج كلمي اهلج ...

حبيبتي الدنيا ما وقفت ع زوج اهم شي انج تعتمدين ع نفسج اخذي بطاقتج غصب او غيريها و اخذي معاشج تكفرفين بدوامج و يجيه المعاش ؟؟

قوي شخصيتج لا تصيرين امعه له هو معاشه معاه وانتي معاشج معاج و لا له حق بفلس و فوق هذا مفروض يصرف عليج بعد

الله يعيييينج عليه صراااحه

 

[كوكولوكو]

قوليله ابوي يبي بطاقتي ولا اخوي

حلوة هذي تشتغلين وتتعبين والبطاقه عنده ويصرف منها بعد ووين قاعدييييييييييييييييييييييين ؟؟؟؟؟

انا اعرف وحده نفسج جذي زوجها ماخذ بطاقتها وقالت لابوها وراح ابوها وغير البطاقه ورقم الحساب يعني الي عنده تسكرت ولا يقدر يسحب منها وقالت لزوجها ترى هذا ابوي ماقدر اعصيه مهما يسوي على الاقل عند اهلي ولا عنده ماتدرين يمكن يحوش لنفسه ويتزوج عليج >> مامنهم امان

 

[حبيبة26]

اختي اذا ما راح تتغيرين نصيحة لاتتوظفين احسن لان الدوام تعب مو مثل الاعانة الحين الاعانة انتي مقهورة عليها عيل اشلون المعاش والتدريس كراف وتعب

 

[!! شوق !!]

صراحه انتي سلبيه

ليش ماخذ بطاقتج

سفيه ولا جاهل ماتقدرين توازنين امورج !!!!!!!!

حبيبتي لو عطيتيه الحين انسي تاخذينها منه تالي وبيستخسر فيج الفلس وهو حالالج وتعبج

اذا كلش كلش مارضى اقعدي بلا وظيفه بلا هم

اقعد مفلسه ومرتاحه ولا مكروفه ومعاشي لغيري

 

[PuPa^^SWeeT]

كلمة وحدة بسسس



ترا الطالبات ياقلبي



اسلووبهم و طريقتهم ابشع من زووجج


اذا انتي مو قادرة اتوقفين ريلج عند حده و تاخذين بطاقتج منه



حبيبتي لاتصيرين مدرسة



التدريس مايبي وحدة مو ماسكة زماام امرها

 

[حظ من عنده انا]

لا تتوظفين لين تحلين هالسالفه معاه

قهرتيني صراحه

شكو يتحكم فيج

خير ان شالله انتي مو جاهل ولا سفيه ياخذ بطاقتج

فلوسج لو تحرقينهم ماااااحد له شغل فيج

 

[كرستاال]

بنااااات انا ادري ان شرة وموته ان البطاقه تكون عندي لان بنظرة البطاقه لازم عند الرجال مو المرة وانا راح تنزل لي مككافآة الميداني ٧٥٠ هذاغير ال٥٠٠ يعني من الاخر يقولي البطاقه انسيها لان بنظرة ان انا بتسبب بالطلاق لان باخذ بطاقتي يعني انا شلووون افهمه

 

[PuPa^^SWeeT]

حبيبتي انتي ادرى بحياتج وياااه





بس اذا تبين البطاقة دخلي احد من اهلج


وشكو تطلقين علشان البطاقة عنده



امبيييه انا مابي اشيشج



بس حريتييني

الريال اللي يحط مصير زواجه على بطاااقة ( لو فعلا اهيا بس بطاقة مو فلوس و بووق )



هذا ما يؤتمن فييه

 

[كرستاال]

مشكورين يابنات علا الرد بس انا ابي حل انا لنما اكلم اخواني يقووولون انتي اخذيها منه انتي الي عطيتيه فالبدايه ما نقدر نتدخل علا سالفه البطاقه هذا شي بينج وبينه يعني اهلي شايلين ايدهم من الموضوووع

 

[PuPa^^SWeeT]

عيل شاوريهم شنو الاسلوب الامثل



ساليهم شلون ابدي وياه بالحجي


ولي عصب شقول و شسوي

ومتى اعرف انه بدى يلين


ومتى اعرف اني لازم اسد النقاش لهالوقت

 

[PuPa^^SWeeT]

وسالييهم اذا ماكو فايدة ابدا شسوي


وين اروووح

 

[مريومة87]

الحل انج تكلمين ابوج ويقوله ابي بطاقة بنتي
وماله حق ياخذة عقب ما ابوج ياخذها منه
وقفيه عند حده من الحين لا يتمادى اكثر

 

[بنت احلام]

دام مافيه حل اجل خلي البطاقه عنده
دامه مومقصر معاج ويعطيج الي تبينه
بعد شتسويين اذا اهو قافل مخه

 

[^^ريهام^^]

:rgewrg::rgewrg:

قهرتيني

اشلون تعطينه البطاقة

لو انا مكانج ما اداوم

واذا غصبني اصكها غياب

واحطه قدام الامر الواقع

يا البطاقة عندي

يا ما اداوم

 

[ناتشوو]

يعني الحين
اعانتج
يصرف منها ولا لج؟
كريم ولا لا؟
ميخالف لا تستعجلين بالتوظيف ليما تنحل
مشكلة البطاقة
ولو تدخلو اهلج
تتوقعين شنو ردة فعله
عادي عنده يدرون
انه ماخذ بطاقتج؟

 

[بنت احلام]

يعني الحين
اعانتج
يصرف منها ولا لج؟
كريم ولا لا؟
ميخالف لا تستعجلين بالتوظيف ليما تنحل
مشكلة البطاقة
ولو تدخلو اهلج
تتوقعين شنو ردة فعله
عادي عنده يدرون
انه ماخذ بطاقتج؟

سبحان الله دايما تلفتين نظري بردودج السنعه احسن انج عاقل وراكده اسم الله عليج
واكتشفت ان عندج وسام التكييز 2009 و 2010


ماشاءلله علي اعرف اقييم الناس ههههههههههههههههههههه


مني لج:eh_s(7):

 

[**(فـيـلا دانـتـيـل)**]

مممممممممم
تدرين انا لو منج
(( والله اعلم))

راح اقوله :

بعت الدنيا لعيونك
بقعد بالبيت اجابلك لين اموت
مابي شي يشغلني عنك ..

ولاتتوظفين ..
ولاتفكرين تتوظفين دام الريال ياخذ فلوسج..

انتي بكل الحالتين بتاخذين فلوس منه
عالاقل هالمره خل يطلع من جيبه حاله حال الرياييل

واذا زعل او تطلقتو لاقدر الله
قولي بدون حيا ولا مجامله
ماخذ بطاقتي وفلوسي!!

وشوفي شلون الناس بتاكل ويهه
لان هالصفات ماهي صفات رجال ..

 

[أحلى البشر]

ويييييييييع شهالازواج ريايل اخر زمن عينه على معاش زوجته والله عيب ومصخره اقوى شي
انا لو منج اخذها غصبن عليه زعل والا رضى هذا اللي ناقص ريال عينه برزق وتعب مرته خل يستريح بس ويع ويع
اخذيها حبيبتي حتى لو زعل خل يطق راسه بأقرب طوفه مايحقله لا بالشرع ولا بالرجوله عيب عيب
حييييييييل تنرفزت الله يكون بعوووونج