معاشج + معاش زوجج = (شنو تصرفون - وشنو اتوفرون) تعالي نستفيد من بعض

[الفنانه79]

السلام عليكم
بنات انا اول مره اكتب بهالقسم وكنت افكر بموضوع يكون مفيد لنا كلنا :eh_s(15):
وفكرت :eh_s(10):
وفكرت:eh_s(10):
وفكرت بشي وايد مهم واهو ان المعيشه الجين وااااااااااااايد صعبه بالنسبه للي توهم متزوجين او اللي متزوجين من زمان وعندهم مسؤوليات وايد من اعيال واقساط وغيره :eh_s(11):

وحبيت انتشارك في هذا الموضوع لعل النفع يصير لنا كلنا وانعرف انخطط حياتنا :eh_s(7):
يعني مو معقوله انمشي حياتنا على البركه صح ؟؟؟
او نتبع مقولة اصرف مافي الجيب يأتيك مافي الغيب !!!!!
علشان جذي اتمنى ان الكل يشارك مثلا تقول
* معاشها ومعاش زوجها
* الالتزامات اللي عليهم كلها (قرض او جمعيه قسط او مدارس يهال )
* المصرف الشهري للزوج والزوجه

* التوفير اشكثر اتحاولين اتوفرين انتي مع زوجج وهل كل واحد يكون ابروح او اتوفرون في نفس الحساب حق الزمن ؟؟؟

انا احس ان هذا الموضوع وايد مهم وخاصه في حياتنا اللي صارت وايد صعبه وتبين انج اتأمنين مستقبلج ومستقبل اعيالج :eh_s(15):يالله بنات همتكم علشان انتناقش ونستفيد من بعضنا البعض
يعطـيـــــــــــــــــــــــــــــــــــــــكم العافيـــــــــــــــــــــــــــــــــــــــــــــــــــــــــــه

 

[pink]

فنانتنا ييتي على الجرح .. آنا الصراحة عايشة على البركة

و لأن عندنا ياهل واحد فمو حاسين عدل بالفرق و مشروع التوفير

مو وارد ليلحين .. بس أكيد راح يكون وارد في المستقبل لأن الياهل

مصاريفه هالأيام وااايده خصوصا احنا الكويتيين نحب الصرف كافي

الجمعية ما نطلع منها إلا قاطين على الأقل 20 دينار و اللا 30 و ترى

كله على خرابيط .. فجان زين اللي عندها الحل السحري للتوفير تدلنا

و نكون لها شاكرين ..

 

[الفنانه79]

حياج الله بنك
اي والله صج موضوع حساس واتمنى انج اتابعينا علشان تستفيدين ونستفيد من خبرة البنات

 

[b6o6a]

انا للحين ادرس

فكل شي على ريلي

 

[امون حبيبة زوجها]

والله كل شي على زوجي بس مصرفي لانه عندي معاش يعني مشترواتي علي

بس الماجله والطلعات والمطاعم عليه اهو

 

[الحــــلوه]

يااااااااااااااااااااااااااااااااااااااااااااااااااااااااااي يافنانه انا معجبه بالمواضيع اللي تحطينها ياحلوج

جنج تدرين انا زوجي مجنني يقول احنا اول عشر ايام عندنا فلوس والباقي طاقنا الفقر جيبي معاشج على معاشي يعني البطاقه عنده تكون
ونصرف على البركه


انا قلت لااااااااااااااااااااااااااااااااااااااااااااااااااااااا

بس الحين البطاقه عنده ويك ويك بس بيردها انشالله يردها يارب
والتوفير لازم بصراحه وانا ماجربته لاني توني متوظفه

 

[الفنانه79]

حياكم الله يالغاليين
الحلوه حبيبتي تسلمين انا اللي يشرفني انج تدخلين مواضيعي يالغاليه

لا طبعا المفروض ان البطاقه الصراحه مو عنده لا انا قصدي ان لازم اذا المره متفاهمه مع زوجها ايمعون حق نفسهم وحق اعيالهم وحق بيتهم
احس ان هالشي ضروري انا زوجي عليه كللللللللللللللللل شي من معاشات خدم ومصرف بيت واعيال
اوكي احنا متفقين على هالشي لكن وبعدين منو بيخش لازم يكون عندنا جدول نمشي عليه كل واحد منا يشيل التزاماته وانخش مو شرط مع بعض لو كل واحد بروحه
يالله عاد همتكم بتجاربكم خلينا نستفيد من بعض
لي عوده بعد الزواره بأذن الله:eh_s(8):

 

[ام عبود الحلو]

الصراحه موضوع خطييير
ناطره رددود البنات

التوفير ما اتخيل
الصرف مشالله يدخل الشهر ويطلع وانتى بلويه فجأه عرس ومناسبه وصالونات وعفسه وتوجيبات وهدايا وين بنوفر

 

[الفنانه79]

اشدعوه بنات ماكو تفاعل بالموضوع والله زعلت توقعت الكل بيدخل وبيعطي رايه

الفنــــــــــــــــانـــــــــه79 زعلانـــــــــــــــــــــــــــــــه

 

[أسيرة قلبه]

مشكلتي الازليه اني مو قادره الم لي جم بيزه

مع اني مهندسه في الخاص و معاشي راهي


بس ما فيه بركه

انشاء الله البنات يكتبون تجاربهم علشان نستفيد

 

[الفنانه79]

حياكم الله واتمنى من البنات التفاعل

 

[أحب الخير]

والله يا بنات آنه نفس حالتكم بس بصراحه الواحد لازم يكون عنده هدف للتوفير عشان يوصله مثلا بنوفر عشان سفره بالصيف و نبدا التوفير من بداية السنه أو للولادة بمستشفى خاص و نبدا التوفير أول الحمل و لقيت إن الحل الوحيد اللي يدبسج و يغصبج على التوفير إهو انج تشاركين احد بجمعيات التوفير اللي هابين فيها بس الاحسن انج تستلمينها آخر شي عشان ماتدفعين شي عقبها و كل ما تخلص جمعيه دشي بغيرها هالطريقه اهي الوحيده اللي تجبرج على توفير مبلغ معين كل شهر
و من حبنا لها بنوفر لها :eh_s(6):

 

[الفنانه79]

ام ملاك يعطيج العافيه وفعلا هذا المفروض اللي يصير انج تدخلين (حطه) او جمعيه وتاخذينها اخر شي
ونتمنى من بنات التفاعل معانا ونستفيد من خبراتهم

 

[زيـنـه]

فتحي حساب ثاني .. و ما عليه بطاقه .. و كل شهر مع نزلة المعاش حولي لو شي بسيط فيه .. بتلاقين يتيمع .

و التوفير لابد منه ..فرضا الوحده احتاجت علاج ..احتاجت تصليح سياره .. هديه لمناسبه .. سفر .. ياها ظرف تحتاج مبلغ ..الا عندها .

و بعدين قبل التوفير لازم الوحده فينا اتغير سياسة الصرف ..
يعني اقلل من المكياج مو ضروري كل شي جديد اشتريه ..و الملابس و الكماليات من اكسسوارات و عطور و كريمات .. هالاشياء تاكل الميزانيه .. هم الاكل بره البيت .. يتحدد بيومين مثلا بالاسبوع و الباجي اكل البيت انظف و اصح ..و شوي شوي بتلاقون روحكم وفرتوا .
يعني اولا و اخيرا التوفير ايي من ارادتج اذا صج تبين توفرين .
و ان شاء الله استفدتوا

 

[الفنانه79]

يعطيج العافيه زينه

حياج الله يالغاليه

 

[ياسمينا]

شوفي اختي انا من زود التوفير فكرت احط حساب ثاني واحوله 100دينار شهريا والمفروض اخشهم ولا اجي صوبهم

اش سويت كلما فلسنا رحت سحبتهم وهكزااا صار الرصيد صفر
ايدي تاكلني عالمشترى والصرف بس بحاول عل وعسى

 

[mooomooo]

والله انا كاتبه بموضوع عن طريقة سويتها وحيييل نفعتني

اخلي لكل اسبوع مبلغ معين مثل 30 دينار

يعني حق الاربع اسابيع 30+30+30+30= 120 وتقدرين تصرفين 40 دينار اضافيه

شوفي جم يطلع 160 دينار

واذا احتجتي بعد صرفي امممممم 30 مايي 190

شفتي اشلون

والباجي احاول اخشه

وان شاء الله ابلش فيها من شهر 9 لان الحين خلصوا فلوس العطله

ههههههههههه

وبالتوفيق للجميع

 

[طال السكوت]

رووووووووووعه مواضيعج يالفنانه

والله على قولتج الضروف الحين مو مثل اول

على قولة امى تقول قبل كانت ال10 دنانير تشيل البيت من ماجله وغيره (طبعا قبل 30 سنه هالكلام)

اما الحين 100 دينار ما تجيب ماجله

وبالنسبه للمعاس يافنانه رااايح ما نقدر نوفر منه ...لان كل شوى طالع لنا التزام جديد ...مدارس ..رمضان .. عيد ...كسوة شتاء ..عيد الاضحى .. كسوة صيف...السفر ... وهكذااااااااا

طبعا غير الولاده ومصاريفها والبيت والماجله والخدم والاقساط والسياره

يالله يا ربي انهم يطيحون القروض ويفرجونها على الاوادم ..ويصير المعاش حررررر

 

[ريماا]

اكيد التوفير واااايد مهم
وانا حاطة احساب لكل واحد من عيالى نجمع فية فلوسهم خمسين الحكوومة
وانا معاشى 400 ومااعرف اوفر ابدااا ولاافكر مومتعودة
اغلب شى معتمدين على حلالنا الانة يغطى احتاجاتنا كلها الحمدالله ويغطى تكاليف المدارس الخاصة لعيالنا وألا المعاااش مايقعد كلش لو بنعتمد علية معناتة بنعيش بقروض
الله لايغير

 

[عطر الشوق]

انا الصراحة استقطع من معاشي حق عيالي 10 دك كل شهر
واخش بأدراج الملابس 30 او 20 واقول حق ريلي خلصت الفلوس عشان لما يحتاج
يكون عندنا فلوس و مرات القى بالجنط فلوس اكون خاشتهم وناسية
ههههههههههه وناسة لمى يصير هالموقف وانتي محتاجة